Sunday, May 19, 2024
- Advertisement -
- Advertisement -

ዜናባልደራስ አራት አባላቱ መፈታታቸውን አስታወቀ

ባልደራስ አራት አባላቱ መፈታታቸውን አስታወቀ

ቀን:

ኦፌኮ ከውይይት ውጪ እስራት መፍትሔ አይደለም አለ

ከግንቦት 9 እስከ 11 ቀን 2014 ዓ.ም. ድረስ በቁጥጥር ሥር ውለው ከነበሩ ሰዎች መካከል 17 ያህል መለቀቃቸውን፣ ባልደራስ ለእውነተኛ ዴሞክራሲ ፓርቲ አስታወቀ፡፡ ፓርቲው በዋስ ከተፈቱ ሰዎች መካከል አራቱ አባላቱ መሆናቸውን አስታውቋል፡፡

 ከካራማራ ድል በዓል ማክበርና ከሰሞነኛው የሕግ ማስከበር ዘመቻ ጋር በተያያዘ በርካታ አባላቱ መታሰራቸውንና አሁንም በእስር ላይ እንደሚገኙ ፓርቲው ገልጿል፡፡

- Advertisement -

የፓርቲው የሕዝብ ግንኙነት ኃላፊ አቶ ጌጥዬ ያለው የባልደራስ የድርጅት ጉዳዮች ኃላፊ አቶ ስንታየሁ ቸኮል፣ አሁንም በእስር ላይ ናቸው ብለዋል፡፡ ‹‹በባህር ዳር አንደኛ ፖሊስ ጣቢያ ስንታየሁ ቸኮል በአደራ ታስሯል፡፡ ፍርድ ቤት አልቀረበም፡፡ ጠበቃም ሆነ ጎብኚ እንዲያገኘው አልተፈቀደም፤›› ሲሉ ለሪፖርተር የተናገሩት አቶ ጌጥዬ፣ ሌሎች አባሎቻቸውም በተለያዩ ቦታዎች በእስራት ላይ እንደሚገኙ አስረድተዋል፡፡

አቶ ስንታየሁ ዓርብ ግንቦት 19 ቀን 2014 ዓ.ም. መታሰራቸውን የጠቀሱት የሕዝብ ግንኙነት ኃላፊው፣ እስካሁን ድረስ ‹‹የአደራ ታሳሪ›› ተብለው ፍርድ ቤት ሳይቀርቡም ሆነ ጎብኚ ሳይጠይቃቸው መቆየታቸው አግባብ አለመሆኑን ገልጸዋል፡፡

በተያያዘ ዜና ስለሰሞነኛው የሕግ ማስከበር ዘመቻ የተጠየቁት የኦሮሞ ፌዴራላዊ ኮንግረስ (ኦፌኮ) ከፍተኛ አመራሩ አቶ ሙላቱ ገመቹ፣ ፓርቲያቸው ከውይይት ውጪ እስራት መፍትሔ ነው ብሎ እንደማያምን ተናግረዋል፡፡

‹‹ሕግ ማስከበር ተብሎ በሌሎች አካባቢዎች እስራትና ማሳደድ መጀመሩ ዛሬ እንደ አዲስ ቢታይም፣ በኦሮሚያ ክልል ግን የዜጎች መሠረታዊ መብቶች መጣስ ከጀመሩ አራት ዓመታት አስቆጥረናል፤›› ብለዋል፡፡ ‹‹ኦነግ ሸኔ የሚል የዳቦ ስም በመስጠት መንግሥት ዜጎችን ያሳድዳል፣ ያስራል፤›› በማለትም አክለዋል፡፡

ኦነግ ሸኔ ተብሎ የተፈረጀው ኃይል ራሱ ‹‹የኦሮሞ ነፃ አውጪ ሠራዊት ነኝ›› ብሎ ማመኑን ያስታወሱት አቶ ሙላቱ፣ ‹‹ኦነግ ሸኔ በሚል በሌላ አካል የዳቦ ስም የዜጎች መብት እየተጣሰ ነው፤›› ብለዋል፡፡ ኦፌኮ አሁንም ቢሆን በኦሮሚያም ሆነ በሌሎች የአገሪቱ ክፍሎች የሚደረግ ሕገወጥ  የእስርና የአፈና ዘመቻ፣ ለአገር ሰላምና አንድነት የሚበጅ ነው ብሎ እንደማያምን አቶ ሙላቱ አስረድተዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

በሥጋ ላይ አላግባብ እየተጨመረ ያለውን ዋጋ መንግሥት ሊቆጣጠረው ይገባል

በአገራችን የግብይት ሥርዓት ውስጥ ኢኮኖሚያዊ ያልሆኑ ወይም ያልተገቡ የዋጋ...

ኢትዮጵያን የተባበረ ክንድ እንጂ የተናጠል ጥረት አይታደጋትም!

ኢትዮጵያ በአሁኑ ጊዜ ከምትገኝበት ውጥንቅጥ ውስጥ የምትወጣበት ዕድል ማግኘት...

የፖለቲካ ቅኝቱ የሕዝባችንን ታሪካዊ ትስስር ለምን አያከብርም?

በንጉሥ ወዳጅነው የዓብይ አህመድ (ዶ/ር) መራሹ የ2010 ዓ.ም. የለውጥ መንግሥት...

ዛሬም ኧረ በሕግ!

በገነት ዓለሙ በዚህ በያዝነው ሚያዝያ/ግንቦት ወይም ሜይ ወር ውስጥ የተከበረው፣...