Saturday, May 18, 2024
- Advertisement -
- Advertisement -

ኪንና ባህልየጋሞ ድምፃውያት የሚሳተፉበት የጀርመን ሞረስ ፌስቲቫል

የጋሞ ድምፃውያት የሚሳተፉበት የጀርመን ሞረስ ፌስቲቫል

ቀን:

ከግማሽ ምዕት ዓመት በላይ ባስቆጠረው የጀርመኑ የሞረስ ፌስቲቫል ዘንድሮ ለ51ኛ ጊዜ ይካሄዳል፡፡

በቡርክሃርድ ሄነን አማካይነት በ1963 ዓ.ም. የተሠረተውና መቀመጫውን በሞረስ ከተማ ባደረገው ዓመታዊ ዓለም አቀፍ ፌስቲቫል ከተለያዩ አኅጉሮች የመጡ የሙዚቃ ሰዎች ተሳትፈውበታል፡፡

በተለይ በ1977 ዓ.ም. በተዘጋጀው የአፍሪካ የዳንስ ምሽት ላይ እንደ ሳሊፍ ኬይታ፣ ሞሪ ካንቴ፣ ቼብ ማሚ እና ዩሱ ንዶር ያሉ ታዋቂ አርቲስቶች የመድረኩ ፈርጥ እንደነበሩ ተዘግቧል፡፡

- Advertisement -

ዘንድሮ ኢትዮጵያ በፈንዲቃ የባህል ማዕከል አስተባባሪነት የጋሞ ዘፋኞች በሞረስ ፌስቲቫል ላይ ሥራዎቻቸን ያቀርባሉ፡፡ በታዋቂው የባህል ከያኒ መላኩ በላይ የሚመራው ፈንዲቃ የባህል ማዕከል በማኅበራዊ ገጹ እንደገለጸው፣ ግንቦት 26 ቀን 2014 ዓ.ም. በሞረስ ፌስቲቫል ላይ ትርዒታቸውን ለማቅረብ የጋሞ ዘፋኞች ወደ ሥፍራው ያቀናሉ፡፡

በፌስቲቫሉ የሚሳተፉት የጋሞ ዘፋኞች ሴቶች ዕድሜያቸው በ50ዎቹ፣ በ60ዎቹና በ70ዎቹ ውስጥ የሚገኙ መሆናቸውንና ከፈንድቃ ጋር ከ15 ዓመታት በላይ የሙዚቃ ትርዒት ማሳየታቸው ተገልጿል።

የጋሞ ድምፃውያት የሚሳተፉበት የጀርመን ሞረስ ፌስቲቫል | Ethiopian Reporter | ሪፖርተር

ድምፃውያኑ በሙያቸው ተሰጥዖ ያላቸው ሸማኔዎች፣ እንጨት በመሰብሰብና በመሸከም በትጋት የሚሠሩ ሲሆኑ፣ በተጓዳኝም የባህላቸው እምብርት የሆነውን ሙዚቃቸውንም ሲጫወቱ ያስደንቃሉ፣ ያስደምማሉ ይሏቸዋል፡፡ በሁለገብና በማይታክቱት ሥራቸውም የሰው ልጅ የጥንካሬና የደስታ ምልክት ናቸውም እያሉ ጸሐፍት ያደንቋቸዋል፡፡

ይህ ዓለም አቀፍ ዝግጅት በሞረስ ፌስቲቫልና በፈንዲቃ የባህል ማዕከል አስተባባሪነት የተደራጀ መሆኑን፣ ይህም ትብብር እንዲሳካ ያደረጉት የኢትዮጵያ ባህል አፍቃሪ ቲም ኢስፎርት እና ሴባስቲያን እንዲሁም ኦሊቨር መሆናቸው ፈንዲቃ አውስቷል፡፡ በኢትዮጵያና በጀርመን መካከል በሥነ ጥበብ ረገድ ትስስር እንዲኖር በማድረጉ በኩል ካሌ ሆልስፈስ እና የጀርመን ኤምባሲ ላከናወኑት ተግባርም ምስጋና አቅርቧል።

የሞረስ ፌስቲቫል ከዓርብ ግንቦት 26 እስከ ሰኞ ግንቦት 29 ቀን 2014 ዓ.ም. እንደሚካሄድ ታውቋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ