Thursday, June 20, 2024
- Advertisement -
- Advertisement -

- Advertisement -

ፌርማታ ፅሁፎች

የዒድ አልፈጥር አከባበር በአዲስ አበባ ስታዲየም

ትኩስ ፅሁፎች

ዘንድሮ ዒድ አልፈጥር ለ1443ኛ ጊዜ በዓለም ዙርያ በሚገኙ ሙስሊሞች ሚያዝያ 24 ቀን 2014 ተከብሮ ውሏል፡፡ በተለይ በአዲስ አበባ ስታዲየም በርካታ የእምነቱ ተከታዮች በተገኙበት ተከብሯል፡፡  ፎቶዎቹ በስታዲየሙ የነበረውን አከባበር በከፊል ያሳያሉ፡፡

ፎቶ ዢንዋ

*****

ጸሎት.. እስኪ ጠሎት…. 

ንስሃ እና አርምሞ

አየሩ እንዲሰክን…የኔና አንተ ጓሮ

                      የጠብ አምባጓሮ፤

አዋራ እና እሳቱ… ይቀዝቀዝ አፎቱ

የፈጣሪም ጆሮ…. ዘንበል እንዲል ፊቱ

ለፍቅር በደማው… ባ’ሸነፈው ሞቱ

በሞቴ፣ በሞቱ፣ በሞትሽ ተረቱ!

አየሩን አውጋሩን …እንደመለማመን

ዝናብ ቀልቀል ያለው… ረጋ ያለ ዘመን

ፍቅርና ሰላም 

ብርሃን መደመም፤

ይሁን አሜን ይሁን

በኔ፣ ባንቺ፣ በ’ሱ፣ በእነሱ መጀን!

አይዞን፣ አይዞኝ፣ አይዞሽ

           ከሐሳብ ተመለሽ

ተስፋ ያደረግነው… እየራቀም ቢሄድ

ግድ የለም ሲሳይ ነው…የመቅረብ ምልክት 

ስክነት፣ ስክነት፣ ስክነት ይሁን ደግሞ ስክነት።

የሱ፣ ያንቺ፣ የኛ… የልባችን ጉያ

እስበሱ ማደሪያ…ይሁን መጠለያ

ከክፉው መራቂያ…ከልብ መወያያ!

ይሁን አሜን ይሁን

ሳይውል ሳያድር 

ሱባኤ ያደርንበት…የለ’መነው ይሁን!

ለሁላችን ሰላም

ከጽርሐ አርያም።

ድሮ  ድሮ  ድሮ …ግና ብዙም ሳይርቅ

ሰምቻለሁ መሆን….አይቻለሁኝ እርቅ 

እንዲህ ነፋስ ሲነፍስ…ወጀቡ ሲማቅቅ

እጅ ተዘርግቶ 

ለጠሎት ተሰጥቶ

ካድባሩ ካውጋሩ ….መነጋገር ነበር

ሕይወትን መታደግ …መዳን ከአረር ስር

                        ጠብ-መንጃው ጥላ ስር፤ 

 ተስፋ የቆረጠ….የከፋው ሲ’ሰበር

 ተስፋን የሰነቀ….መለማመን ነበር ።

እባክህ አምላኬ… ልክ እንደበፊቱ

የ ገ ነ ገ ኑ እጆች….ይላሉ ይ’ረቱ

ይዘርጉ ለጸሎት 

ውለን እንግባበት

ዘርተን እንቃምበት

አሜን ይሁን አሜን…

እርቅ ይሁን በየ’ለት!

  • ምሕረት ከበደ

 (ይህን ድንቅ የድህነት ግጥም ውዷ ነፃነት ሚካኤል በእንግሊዘኛ (Prayers) ጻፈችው፤ እኔ ደግሞ በትኩሱ እንዲህ ወደ አማርኛ መለስኩት)

****

 

- Advertisement -
- Advertisement -

ተጨማሪ ለማንበብ

በብዛት የተነበቡ ፅሁፎች