Monday, April 15, 2024
- Advertisement -
- Advertisement -
ስፖርትኢትዮጵያ የአፍሪካ ቴኳንዶ ሻምፒዮናን በበላይነት አጠናቀቀች

ኢትዮጵያ የአፍሪካ ቴኳንዶ ሻምፒዮናን በበላይነት አጠናቀቀች

ቀን:

ኢትዮጵያ ለሁለተኛ ጊዜ ያሰናዳችውን የአፍሪካ አኅጉር አቀፍ ቴኳንዶ ሻምፒዮናን በበላይነት አጠናቀቀች፡፡ በኢትዮጵያ የዓለም አቀፍ ቴኳንዶ ፌዴሬሽን ባሰናዳው ሻምፒዮና ላይ 11 የአፍሪካ አገሮች ሲካፈሉ፣ ኢትዮጵያ በሁለቱም ፆታ 24 የወርቅ ሜዳልያዎችን በመሰብሰብ ሻምፒዮናውን በበላይነት ማጠናቀቅ ችላለች፡፡

ከሚያዝያ 1 እስከ 2 ቀን 2014 ዓ.ም. በተከናወነው ሻምፒዮና ላይ ከተካፈሉት አፍሪካውያን ተሳታፊዎች፣ ኢትዮጵያ በሰፊ ልዩነት በበላይነት አጠናቃለች፡፡ በሻምፒዮናው ኢትዮጵያ ከወርቅ ባሻገር 23 የብርና 33 የነሐስ፣ በአጠቃላይ 80 ሜዳልያዎችን በማግኘት በአንደኝነት ማጠናቀቅ ችላለች፡፡ ሴኔጋል በአንድ ወርቅ ሁለተኛ ደረጃን የያዘች ሲሆን፣ ሞዛምቢክ በሁለት የብር ሜዳልያ ሦስተኛ ደረጃን በመያዝ አጠናቃለች፡፡

ከሻምፒዮናው ቀደም ብሎ ከመጋቢት 26 እስከ 30 ቀን 2014 ዓ.ም. ከተለያዩ ዓለም አገሮች በተወጣጡ ማስተሮች፣ እንዲሁም መምህራን ለሠልጣኞች ሥልጠና ሲሰጥ ሰንብቷል፡፡ በዚህም በሻምፒዮናው የተሳተፉትን 11 አገሮች ጨምሮ ከመላዋ አገሪቱ ለተወጣጡ 600 ሠልጣኞች ሥልጠና ተሰጥቷል፡፡

- Advertisement -

Video from Enat Bank Youtube Channel.

ሥልጠናውን የሰጡት የአኅጉር አቀፍ ቴኳንዶ ፌዴሬሽን (ITF) ሦስት ግራንድ ማስተሮች ሲሆኑ፣ በሥልጠናው ከአራተኛ ወደ ሰባተኛ ዲግሪ ማሳድግ የሚቻልበትን ፈተና ተሰናድቶ፣ ማስተር ወጋየሁ በኃይሉ በዓለም አቀፍ ቴኳንዶ ስፖርት በአፍሪካ የመጀመሪያው ማስተር መሆን ችለዋል፡፡

በኢትዮጵያ ከ31 ስፖርት ፌዴሬሽኖች አንዱ የሆነው የዓለም አቀፍ ቴኳንዶ ፌዴሬሽን፣ በበርካቶች ተወዳጅ የሆነ ስፖርት ነው፡፡ በአገሪቱ ከ210 በላይ ዓለም አቀፍ ቴኳንዶ ክለቦች ይገኛሉ፡፡ በኢትዮጵያ ውስጥ በፌዴሬሽን ከሚተዳደሩት የስፖርት ዓይነቶች ውስጥ፣ በርካታ ተመልካቾች ያሉትና በተለያዩ ዓለም አቀፍ ውድድሮች ላይ ኢትዮጵያን ወክለው ውጤት ማምጣት የቻሉ ስፖርተኞችን ማፍራት ተችሏል፡፡

ፌዴሬሽኑ እ.ኤ.አ. በ2019 በታንዛንያ በተከናወነው ሻምፒዮና ላይ ተካፍሎ በበላይነት ማጠናቀቅ ችሏል፡፡ ከዚህም ባሻገር በስፔን፣ በጀርመን፣ በጣሊያን፣ እንዲሁም ሃይርላንድ ከተሞች ላይ በተከናወኑ ሻምፒዮናዎች ላይ በመካፈል አመርቂ ውጤት ማምጣት ተችሏል፡፡

በተለይ በሀንጋሪ በተከናወነው የዓለም ዋንጫ ተሳትፎ በማድረግ ኢትዮጵያ በስፖርቱ ጥሩ ተሳትፎ ማድረግ ችላለች፡፡ ምንም እንኳ ስፖርቱ በአገርና አኅጉር አቀፍ ተሳትፎ የታጀበ ቢሆንም፣ ከሌሎቹ ስፖርት አንፃር ሲታይ ትኩረት እንዳልተሰጠው ይነገራል፡፡

በኢትዮጵያ በርካታ ፌዴሬሽኖች ቢኖሩም፣ ምንም እንቅስቃሴ ሳያደርጉ በመንግሥት በጀት ላይ የተንጠለጠሉ መሆናቸውና በአንፃሩ ጥሩ እንቅስቃሴ እያላቸው በእኩል ይን ከሚታዩ ፌዴሬሽኖች ውስጥ ዓለም አቀፍ ቴኳንዶ ፌዴሬሽን አንደኛው እንደሆነ፣ የኢትዮጵያ ዓለም አቀፍ ቴኳንዶ ማኅበር ፕሬዚዳንት አቶ ጌታቸው ሽፈራው ለሪፖርተር ተናግረዋል፡፡

እንደ ፕሬዚዳንቱ አስተያየት ከሆነ፣ በየዓመቱ በጀት እየተለቀቀላቸው የሚተዳደሩ በርካታ ፌዴሬሽኖች እንዳሉ ጠቅሰው፣ የተሻለ እንቅስቃሴ ለሚያደርጉት ልዩ ትኩረት ሊደረግላቸው እንደሚገባ አሳስበዋል፡፡

በዚህም በሻምፒዮናው ላይ የተገኘው የባህልና ስፖርት ሚኒስቴርም ፌዴሬሽኑን የበለጠ ለማጠናከር ቃል መግባቱን አቶ ጌታቸው አብራርተዋል፡፡

ኢትዮጵያ በተለያዩ ዓለም አቀፍ ሻምፒዮናዎች ተሳትፋ ውጤት ከምታመጣባቸው የስፖርት ዓይነቶች መካከል አትሌቲክስና እግር ኳስ በግንባር ቀደምትነት የሚጠቀስ ሲሆን፣ ቴኳንዶ ሌላኛው የስፖርት ዓይነት ነው፡፡    

በሻምፒዮናው ኢትዮጵያ፣ ጋምቤያ፣ ሴኔጋል፣ ዑጋንዳ፣ ሶማሊያ፣ ታንዛንያ፣ ኮትዲቯር፣ ሞዛምፒክ፣ ጂቡቲ፣ ብሩንዲና ዝምባብዌ ተካፋይ ነበሩ፡፡

 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ቪር ጀነራል ትሬዲንግ ኃ/የተ/የግ/ማኀበር የጨረታ ማስታወቂያ

ቪር ጀነራል ትሬዲንግ ኃ/የተ/የግ/ማኀበር በገቢ እና በውጭ ንግድ እንዲሁም...

ያልተቃናው የልጆች የንባብ ክህሎት

አንብቦና አዳምጦ መረዳት፣ የተረዱትን ከሕይወት ጋር አዋህዶ የተቃና ሕይወት...

እንስተካከል!

ሰላም! ሰላም! ውድ ኢትዮጵያውያን ወገኖቼ እንዲሁም የሰው ዘር በሙሉ፣...

የሙዚቃ ምልክቱ ሙሉቀን መለሰ ስንብት

የኢትዮጵያ ዘመናዊ ሙዚቃ በ1950ዎቹ እና በ1960ዎቹ በኪነ ጥበባትም ሆነ...