Monday, July 22, 2024
- Advertisement -
- Advertisement -
ዜናበሰሜን የኢትዮጵያ ጦርነት በልማት ድርጅቶች ላይ ከሦስት ቢሊዮን ብር በላይ ውድመት መድረሱ...

በሰሜን የኢትዮጵያ ጦርነት በልማት ድርጅቶች ላይ ከሦስት ቢሊዮን ብር በላይ ውድመት መድረሱ ታወቀ

ቀን:

ከ18 ወራት በላይ በዘለቀው የሰሜን ኢትዮጵያ ጦርነት በመንግሥት የልማት ድርጅቶች ላይ ከሦስት ቢሊዮን ብር በላይ ውድመት እንደደረሰባቸው ተገለጸ፡፡

ከ36 በላይ የልማት ድርጅቶችን የሚያስተዳድረው የመንግሥት የልማት ድርጅቶች ይዞታ አስተዳደር በጦርነቱ ምክንያት ለእያንዳንዱ ድርጅት ላይ የደረሰውን ውድመት እያጠናቀረ መሆኑን ገልጿል፡፡

በጦርነቱ ሰለባ በሆኑ አካባቢዎች በልማት ድርጅቶቹ ላይ ከፍተኛ የሆነ ውድመት እንደደረሰ የተገለጸ ሲሆን ሙሉ ሪፖርቱን በቅርቡ እንደሚያስታውቅ የአስተዳደሩ ዋና ዳይሬክተር አቶ ሀብታሙ ኃይለሚካኤል ተናግረዋል፡፡

ዋና ዳይሬክተሩ በ2014 ዓ.ም. በጀት ዓመት የመጀመርያ ስድስት ወራት ውስጥ የመንግሥት የልማት ድርጅቶች አጠቃላይ አፈጻጸም አስመልክተው ለጋዜጠኞች መግለጫ ሰጥተዋል፡፡

ዋና ዳይሬክተሩ በመግለጫቸው በርካታ የመንግሥት የልማት ድርጅቶች ከነበረባቸው ኪሳራ በመውጣት ከፍተኛ የሚባል ገቢ ማስገኘታቸውን ተናግረዋል፡፡

በስድስት ወራት ውስጥ ከመንግሥት የልማት ድርጅቶች ከምርትና አገልግሎት ሽያጭ ወደ 264 ቢሊዮን ብር የሚጠጋ ገንዘብ ገቢ ለማስገባት ታቅዶ 271 ቢሊዮን ብር ገቢ እንዲያስገኙ የተገለጸ ሲሆን ይህም አፈጻጸሙ አጠቃላይ የዕቅዳቸውን 103 በመቶ ያስመዘገቡ ሲሆን ከባለፈው ዓመት ተመሳሳይ ወቅት ጋር ሲነፃፀር የ101 ቢሊዮን ብር ብልጫ እንዳሳዩ ተመልክቷል፡፡

የትራንስፖርትና ሎጀስቲክስ ዘርፍ 56 በመቶ፣ የፋይናንስ ዘርፍ 23.4 በመቶ፣ የኮሙዩኒኬሽን ዘርፍ 10.4 በመቶና ቀሪው አምስት በመቶ ደግሞ ከሌሎች ዘርፎች እንደተሰበሰበ ተገልጿል፡፡

ከድርጅቶቹ አጠቃላይ ገቢ 36 ቢሊዮን ብር ለማግኘት ያቀደው አስተዳደሩ ወደ 52 ቢሊዮን ብር የሚጠጋ ትርፍ እንዳገኘም ዋና ዳይሬክተሩ ተናግረዋል፡፡ አስተዳደሩ ከፍተኛ የተባለ ገቢ እንዳስገኘ ቢናገርም የኢትዮጵያ ምድር ባቡር ኮርፖሬሽን፣ ኢትዮ ኢንጂነሪንግ ግሩፕ፣ የኢትዮጵያ ፐልፕና ወረቀት ድርጅትና የኢትዮጵያ ነዳጅና ባዮፊዩል ኮርፖሬሽን ከውጭ ምንዛሪ እጥረት ከነበረባቸው የዕዳ ጫና፣ ከመሥሪያ ቦታ እጥረት ከኃይል አቅርባትና መሰል ችግሮች ጋር ተገናኝቶ ኪሳራ ማስመዝገባቸው ተገልጿል፡፡

በ2014 ዓ.ም. ግማሽ ዓመት ከድርጅቶቹ አራት ቢሊዮን ዶላር ለማግኘት ታቅዶ 3.8 ቢሊዮን ዶላር ገቢ መገኘቱንም አቶ ሀብታሙ ተናግረዋል፡፡

የተገኘው የውጭ ምንዛሪ የኢትዮጵያ አየር መንገድና የኢትዮጵያ ንግድ ባንክ 94.7 በመቶውን የሚሸፍን ሲሆን ቀሪውን 5.3 በመቶ ኢትዮ ቴሌኮም የኢትዮጵያ ልማት ባንክና የኢትዮጵያ ኤሌክትሪክ ኃይል ይይዛሉ፡፡

በስድስት ወራት ውስጥ 357 ሚሊዮን ብር ለአገር ውስጥ ብድር ለመክፈል ታቅዶ 96 ሚሊዮን ብር መፈጸሙንና የስኳር ኮርፖሬሽንና የኬሚካል ኮርፖሬሽንን የውጭ አገር ብድር የታቀደው 54.7 ሚሊዮን የአሜሪካን ዶላር ሙሉ ለሙሉ መክፈሉ ተገልጿል፡፡

በተጠቀሰው ጊዜ በሁሉም የመንግሥት የልማት ድርጅቶች 12,260 የሥራ ዕድል መፈጠሩንም አቶ ሀብታሙ ተናግረዋል፡፡

ዋና ዳይሬክተሩ ከመንግሥት የልማት ድርጅቶች መካከል ወደ ግል እንዲዛወሩ የተወሰነባቸው ካሉ ተብለው ለተጠየቁት ጥያቄ በአንዳንድ ድርጅቶች ላይ ፍላጎት የቀረበ ቢሆንም እስኮሁን ድርጅቶቹን ባሉበት በመደገፍ የተሻለ አፈጻጸም እንዲያሳዩ ከሥራት ውጭ ወደ ግል እንዲዛወሩ የተወሰነባቸው አለመኖሩን ተናግረዋል፡፡

የብርሃንና ሰላም ድርጅት፣ የንግድ ሥራዎች ኮርፖሬሽን ለኬሚካል ሥራዎች ኮርፖሬሽንና ሌሎች ሁለት ድርጅቶች አማካሪ ድርጅት ተቀጥሮላቸው ጥልቅ የሆነ ስትራቴጂክ ጥናት እየተደረገላቸው የተሻለ አፈጻጸም እንዲያስመዘግቡ እየተሠራ መሆኑንም አክለው ገልጸዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ኢትዮጵያዊ ማን ነው/ናት? ለምክክሩስ መግባባት አለን?

በደምስ ጫንያለው (ዶ/ር) የጽሑፉ መነሻ ዛሬ በአገራችን ውስጥ በተለያዩ አካባቢዎች ግጭቶችና...

ዴሞክራሲ ጫካ ውስጥ አይደገስም

በገነት ዓለሙ የዛሬ ሳምንት ባነሳሁት የኢሰመኮ ሪፖርት መነሻነትና በዚያም ምክንያት...

ኢትዮጵያ በምግብ ራሷን የምትችለው መቼ ነው?

መድረኩ ጠንከር ያሉ የፖሊሲ ጉዳዮች የተነሱበት ነበር፡፡ ስለረሃብ፣ ስለምግብ፣...

ደረጃውን የጠበቀ ስታዲየም በሌላት አገር ዘመናዊ ስታዲየም እየገነቡ ያሉ ክልሎች

አዲሱ የማዕከላዊ ኢትዮጵያ ክልል ዘመናዊ ስታዲየም ለማስገንባት ከ500 ሚሊዮን...