Monday, April 15, 2024
- Advertisement -
- Advertisement -
ዜናኢትዮጵያ መጥተው የነበሩት የአሜሪካ ልዩ መልዕክተኛ በተለያዩ ጉዳዮች ላይ መምከራቸው ተጠቆመ

ኢትዮጵያ መጥተው የነበሩት የአሜሪካ ልዩ መልዕክተኛ በተለያዩ ጉዳዮች ላይ መምከራቸው ተጠቆመ

ቀን:

በቅርቡ በፕሬዚዳንት ጆ ባይደን የተሾሙት የአፍሪካ ቀንድ ልዩ መልዕክተኛ ዴቪድ ሳተርፊልድ ለሁለት ቀናት ጉብኝት፣ ሰኞ መጋቢት 12 ቀን 2014 ዓ.ም. አዲስ አበባ ገብተዋል፡፡ የፀጥታ ጉዳይና የሰብዓዊ ዕርዳታ ቀዳሚ የመነጋገሪ አጀንዳ ናቸው ተብሏል፡፡

በኢትዮጵያና በሱዳን የድንበር ግጭትና በሌሎችም አካባቢያዊ የፀጥታ ጉዳዮች ላይ ለመነጋገር ልዩ መልዕክተኛው የተለያዩ ባለሥልጣናትን ማግኘታቸውም ታውቋል፡፡ ከእነዚህም ውስጥ የአፍሪካ ኅብረት የአፍሪካ ቀንድ ከፍተኛ ተወካይ ኦሊሴጉን ኦባሳንጆ፣ እንዲሁም የኅብረቱ የፖለቲካ ጉዳዮች ሰላምና ፀጥታ ኮሚሽነር ባንኮሌ አዶዬ ይገኙበታል፡፡

ሁለቱ ተወካዮች ለኮሚሽኑ ሪፖርት ያቀርባሉ ተብሎ የሚጠበቅ ሲሆን፣ የአፍሪካ ኅብረት በተለይ በድንበር ግጭቱ አፈታት ላይ ሚና ይኖረዋል ተብሎ ይጠበቃል፡፡

- Advertisement -

Video from Enat Bank Youtube Channel.

በኢትዮጵያ፣ በኬንያ፣ በሶማሊያና በደቡብ ሱዳን በተስፋፋው ድርቅ ምክንያት አስቸኳይ ዕርዳታ የሚያስፈልጋቸው ሰዎች ቁጥር 13.5 ሚሊዮን መድረሱ ሌላው አንገብጋቢ አጀንዳ ነው ተብሏል፡፡

በትግራይ ክልል ጉዳይም ላይ ልዩ መልዕክተኛው ከተለያዩ አካላት ጋር ምክከር አድርገዋል፡፡ ከእነዚህም ውስጥ የኢትዮጵያ መንግሥት ባለሥልጣናት፣ የተባበሩት መንግሥታት ድርጅት ባለሥልጣናትና የዕርዳታ ድርጅቶች ይገኙበታል፡፡

‹‹ሰብዓዊ ዕርዳታ ወደ ትግራይ ማድረስ አልተቻለም፤›› የሚሉት የአሜሪካና የተመድ ባለሥልጣናት፣ በዚህም ምክንያት ግማሽ ሚሊዮን የሚሆኑ ሕፃናት ለረሃብ ጉዳት ተጋልጠዋል ብለዋል፡፡

በቅርቡ የአሜሪካ ተራድኦ ድርጅት (USAID) በትግራይ ክልል ነዳጅ በማለቁ፣ ሠራተኞቹ ተንቀሳቅሰው ዕርዳታ ማድረስ አልቻሉም ብሏል፡፡

በሌላ በኩል ግን የመንግሥት ኮሙዩኒኬሽን አገልግሎት ዕርዳታ እየደረሰ መሆኑን መግለጫ ሰጥቷል፡፡

ልዩ መልዕክተኛው ከሕወሓት አመራሮች ጋር ይመክራሉ የሚሉ መረጃዎች ቢኖሩም በግልጽ የታወቀ ነገር የለም፡፡

የኢትዮጵያ መንግሥትም ሆነ የአፍሪካ ኅብረት በጉብኝቱ ላይ ይፋዊ መግለጫ አልሰጡም፡፡ ልዩ መልዕክተኛው ዴቪድ ሳተርፊልድ በቅርቡ የቀድሞውን ልዩ መልዕክተኛ ጄፍሪ ፈልትማንን ከተኩ ወዲህ፣ ኢትዮጵያን ሲጎበኙ በሦስት ወራት ውስጥ ሦስተኛ ጊዜያቸው ነው፡፡   

 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ቪር ጀነራል ትሬዲንግ ኃ/የተ/የግ/ማኀበር የጨረታ ማስታወቂያ

ቪር ጀነራል ትሬዲንግ ኃ/የተ/የግ/ማኀበር በገቢ እና በውጭ ንግድ እንዲሁም...

ያልተቃናው የልጆች የንባብ ክህሎት

አንብቦና አዳምጦ መረዳት፣ የተረዱትን ከሕይወት ጋር አዋህዶ የተቃና ሕይወት...

እንስተካከል!

ሰላም! ሰላም! ውድ ኢትዮጵያውያን ወገኖቼ እንዲሁም የሰው ዘር በሙሉ፣...

የሙዚቃ ምልክቱ ሙሉቀን መለሰ ስንብት

የኢትዮጵያ ዘመናዊ ሙዚቃ በ1950ዎቹ እና በ1960ዎቹ በኪነ ጥበባትም ሆነ...