Wednesday, July 24, 2024
- ማስታወቂያ -
- ማስታወቂያ -

በአፍሪካ ነፃ ንግድ ቀጣና ተወዳዳሪ ለመሆን የአነስተኛና መካከለኛ አምራች ኢንዱስትሪዎችን አቅም በእጥፍ ማሳደግ እንደሚገባ ተገለጸ

ተዛማጅ ፅሁፎች

ኢትዮጵያ በአፍሪካ ነፃ የንግድ ቀጣና ተወዳዳሪና ተጠቃሚ ለመሆን፣ በአገር ውስጥ ያሉ አነስተኛና መካከለኛ አምራች ኢንዱስትሪዎችን አቅም በእጥፍ ማሳደግ እንደሚገባ ተገለጸ፡፡

የነፃ የንግድ ቀጣናው በአፍሪካ አገሮች መካከል ተመጋጋቢ የሆነ የኢኮኖሚ ትስስር ለመፍጠር ያስችላል የተባለለት የንግድ ሥርዓት ሲሆን፣ ኢትዮጵያ የአምራች ኢንዱስትሪዎችንና ሥራ ፈጣሪዎችን ሊያበረታታ የሚችል ተግባር ከወዲሁ መሠራት እንዳለበት የተባበሩት መንግሥታት ድርጅት (ተመድ) የንግድና ልማት ኮንፈረንስ (UNCTAD) በአፍሪካ የልዩ ፕሮግራም ዳይሬክተር ፖል አኪውሚ ተናግረዋል፡፡

አምራች ኢንዱስትሪዎች የመሥሪያ ካፒታልና የዳበረ አቅም ካልተፈጠረላቸው በቀጣናው ተወዳዳሪ የመሆን ዕድላቸው የላላ እንደሚሆን የተገለጸው፣ የተመድ የንግድና ልማት ኮንፈረንስ ከኢንዱስትሪ ሚኒስቴር ጋር በመሆን የካቲት 24 እና 25 ቀን 2014 ዓ.ም. በአምራች ኢንዱስትሪዎች አቅምና መዋቅራዊ ግንባታ ላይ ውይይት በተካሄደበት ወቅት ነበር፡፡

በርካታ አገሮች ፈርመውበት ወደ ሥራ እየገባ ባለው ነፃ የንግድ አሠራር ውስጥ በኢትዮጵያ ብቁ የሆኑ ባለሙያዎች፣ ከፖለቲካ ተፅዕኖ ነፃ የሆኑና በመሣሪያ የተደራጁ፣ እንዲሁም የንግድ ሥርዓትን ሊያጠናክሩና ሕግን ሊያከብሩ የሚችሉ ተቋማት መፈጠር እንዳለባቸው ዳይሬክተሩ አብራርተዋል፡፡

ለውይይቱ የቀረበ ሰነድ እንደሚያመለክተው ኢትዮጵያ በአፍሪካ ውስጥ ያላት የንግድ ድርሻ አንድ በመቶ አይሞላም፡፡ 

የኢንዱስትሪ ሚኒስትር ደኤታ አቶ ታረቀኝ ቡልልታ እንደገለጹት፣ አምራች ኢንዱስትሪው እ.ኤ.አ. በ2030 የአገሪቱን 15 በመቶ የሥራ ዕድል የሚፈጥር ዘርፍ በማድረግ ወደ የአምስት ሚሊዮን ዜጎችን የሚይዝ የሥራ ዘርፍ ይሆናል፡፡ አሁን ከ45 በመቶ ያላለፈውን የአምራች ኢንዱስትሪ አቅም ወደ 85 በመቶ በማሳደግ፣ ለአገሪቱ እያበረከተ ያለውን አራት ሚሊዮን ዶላር ወደ ዘጠኝ ቢሊዮን ዶላር ያሳድገዋል ብለዋል፡፡

በሌላ በኩል በቅርቡ ከሰሜን ኢትዮጵያ ጦርነት ጋር በተገናኘ ከዓመታት በፊት በአሜሪካ መንግሥት ለኢትዮጵያ ተሰጥቶ የነበረው የአጎዋ ከቀረጥ ነፃ የንግድ ዕድል መነሳት ምንም እንኳ ሴቶችና በዝቅተኛ ደረጃ ላይ ሕይታቸውን ይመሩበት የነበሩ ዜጎች በከፍተኛ ሁኔታ የሚጎዳ ቢሆንም፣ መንግሥት ሸቀጦችን በቻይና መንግሥት በተፈጠረ የዜሮ ታሪፍ የንግድ ዕድል፣ እንዲሁም የአፍሪካ ነፃ ንግድ ቀጣና ዕድልን በመጠቀም ገበያውን ለማካካስ እየተሠራ መሆኑን የገለጹት የፕላንና ልማት ሚኒስትሯ ፍፁም አሰፋ (ዶ/ር) ናቸው፡፡

spot_img
- Advertisement -spot_img

የ ጋዜጠኛው ሌሎች ፅሁፎች

- ማስታወቂያ -

በብዛት ከተነበቡ ፅሁፎች