Wednesday, July 24, 2024
- Advertisement -
- Advertisement -
ማኅበራዊበቴክኒክና ሙያ ሥልጠና ኢንስቲትዩት ላይ ቅሬታ ያቀረቡ ከ400 በላይ ተማሪዎች የዩኒቨርሲቲ ምደባ...

በቴክኒክና ሙያ ሥልጠና ኢንስቲትዩት ላይ ቅሬታ ያቀረቡ ከ400 በላይ ተማሪዎች የዩኒቨርሲቲ ምደባ እንደሚደረግላቸው ተናገሩ

ቀን:

የፌዴራል ቴክኒክና ሙያ ትምህርትና ሥልጠና ኢንስቲትዩት በ2013 ዓ.ም. ‹‹ወደ ዩኒቨርሲቲነት አድጌያለሁ›› በማለት በዓመቱ መጀመሪያ የተቀበላቸው ከ400 በላይ ተማሪዎች ባቀረቡት ቅሬታ መሠረት፣ ወደ ተለያዩ ዩኒቨርሲቲዎች እንደ አዲስ እንደሚመደቡ ተናገሩ፡፡

በቀድሞው የሳይንስና ቴክኖሎጂ ሚኒስቴር ከቴክኒክና ሙያ ማሠልጠኛነት ወደ ዩኒቨርሲቲነት ተቀይሮ  የነበረው ተቋሙ፣ በመስከረም 2014 ዓ.ም. በሕዝብ ተወካዮች ምክር ቤት በፀደቀው የመንግሥት አስፈጻሚ አካላትን ሥልጣንና ተግባር ለመወሰን በወጣው አዋጅ መሠረት፣ የቴክኒክና ሙያ ሥልጠና ኢንስቲትዩት ተብሎ እንደ አዲስ ለተቋቋመው ሥራና ክህሎት ሚኒስቴር ተጠሪ እንዲሆን ተደርጓል፡፡

ይሁን እንጂ ኢንስቲትዩቱ ከተለያዩ የአገሪቱ ክፍሎች አወዳድሮ ያመጣቸው ስማቸው እንዳይጠቀስ የፈለጉ ተማሪዎች እንደሚሉት፣ ከጅምሩ ወደ አዲስ አበባ ሲመጡ ወደ ቴክኒክ ዩኒቨርሲቲ እንደሚገቡ ተነግሯቸው ከገቡ በኋላ ስያሜው ኢንስቲትዩት ተብሎ መቀየሩ አግባብ አይደለም፡፡ በውሳኔው የተከፉት ተማሪዎች ቅሬታቸውን በሠልፍ ወደ አደባባይ በመውጣትና በተለያዩ መንገዶች ለመግለጽ ቢሞክሩም፣ መልስ የሚሰጣቸው አጥተው መቸገራቸውን ተናግረዋል፡፡

የመጀመሪያ ዓመት አጋማሽ ፈተና እየወሰዱ ያሉት ተማሪዎቹ ፈተናውን እንደ ጨረሱ በተለያዩ ዩኒቨርሲቲዎች መመደብ የሚፈልጉ በምደባ እንደሚሄዱ፣ እንዲሁም በተቋሙ መቀጠል የሚፈልጉትን ደግሞ እዚሁ መማር እንደሚችሉ፣ በሥራና ክህሎት ሚኒስቴር የበላይ ኃላፊዎች በተማሪዎች ተወካይ አማካይነት እንደተነገራቸው ተማሪዎች አክለው ገልጸዋል፡፡

የኢንስቲትዩቱ የኮሙዩኒኬሽን ዳይሬክተር አቶ መኩሪያ ንጋቱ ለሪፖርተር እንደተናገሩት፣ ከ420 በላይ የሚሆኑ ተማሪዎች በሚሞሉት ፎርም መሠረት ወደ ዩኒቨርሲቲ መሄድ የሚፈልጉት በትምህርት ሚኒስቴር በኩል ምድባ ይደረግላቸዋል፡፡

‹‹የሚሻሻል ነገር አለ ብለን እየጠበቅን የነበረ ቢሆንምና በአዋጅ ወደ ኢንስቲትዩት መቀየሩ ሙሉ ደስተኛ ባያደርገንም፣ የመንግሥት ውሳኔ በመሆኑ ውሳኔውን ማስፈጸም የግድ ነው፤›› ሲሉ የገለጹት ዳይሬክተሩ፣ በቀጣይ ተማሪዎች ወደ የሚመደቡበት ዩኒቨርሲቲ ውጤታቸው አብሮ ተያይዞ ይላካል ብለዋል፡፡

ይሁን እንጂ ተማሪዎች ወደ ዩኒቨርሲቲ የመሄድ ፍላጎት ቢኖራቸውም፣ የትኛው ዩኒቨርሲቲ እንደሚመደቡ ስለማያውቁ ለመወሰን እንደተቸገሩ አስረድተዋል፡፡

2003 .. ማቋቋሚያ ደንብ ሥራ የጀመረው ኢንስቲትዩቱ በአገሪቱ በተሠራው የከፍተኛ ትምህርት ተቋማት ልየታ ጥናት፣ በየካቲት 2013 ዓ.ም. ‹‹የቴክኒካል ዩኒቨርሲቲ›› ደረጃ ያገኘና ከመደበኛ ዩኒቨርሲቲዎች እኩል የሚታይ ትልቅ የመንግሥት ትምህርት ተቋም ተብሎ ነበር፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

“ከሁለት ሳምንት በፊት ወደ ኤርትራ የማደርገውን በረራ እንዳሳድግ ተጠይቄ ነበር” የኢትዮጵያ አየር መንገድ

ኢትዮጵያ አየር መንገድ ወደ ኤርትራ የሚያደርገውን በረራ እንዲያሳድግ የሚጠይቅ...
00:06:46

የኤርትራ አቪዬሽን ባለሥልጣን የኢትዮጵያ አየር መንገድ በረራዎችን ማገዱን አስታወቀ

የኢትዮጵያ ሲቪል አቪዬሽን ባለሥልጣን ጉዳዩን እያጣራሁ ነው ብሏል በኤርትራ ትራንስፖርትና...

[ክቡር ሚኒስትሩ ከተቋሙ የሠራተኞች ማኅበር አመራር ጋር እየተወያዩ ነው]

ጤና ይስጥልኝ ክቡር ሚኒስትር? ሰላም! በአስቸኳይ እንደፈለጉኝ መልዕክት ደርሶኝ ነው የመጣሁት። አዎ።...

የሱዳን ጦርነትና የኢትዮጵያ ሥጋት

የሱዳን ጦርነት ከጀመረ አንድ ዓመት ከአራት ወራት አስቆጠረ፡፡ ጦርነቱ...