Wednesday, April 17, 2024
- Advertisement -
- Advertisement -
ዜናየጡረታ ፈንድ ለኢንቨስትመንት እንዲውል የሚነደግግ አዋጅ ፀደቀ

የጡረታ ፈንድ ለኢንቨስትመንት እንዲውል የሚነደግግ አዋጅ ፀደቀ

ቀን:

የግልና የመንግሥት ሠራተኞች የጡረታ ፈንዶች አትራፊና አስተማማኝ በሆኑ የኢንቨስትመንት ፕሮጀክቶች ላይ ፈሰስ እንዲደረጉ የሚፈቅዱ ሁለት የተለያዩ አዋጆችን፣ የሕዝብ ተወካዮች ምክር ቤት ማክሰኞ የካቲት 8 ቀን 2014 ዓ.ም. አፀደቀ፡፡

በዚህም መሠረት ‹‹የግል ድርጅት ሠራተኞች ጡረታ አዋጅ ቁጥር 715/2003›› እና ‹‹የመንግሥት ሠራተኞች የጡረታ አዋጅ ቁጥር 714/2003›› ተሽረዋል፡፡

በአዲሶቹ አዋጆች የሚቋቋሙት የጡረታ ፈንድ አስተዳደር ሥራ አመራር ቦርዶች አዋጭ የሆኑ የኢንቨስትመንት ፕሮጀክቶችንና ዘርፎችን ያፀድቃሉ፡፡ ነባሮቹ አዋጆች የጡረታ ፈንድ በግምጃ ቤት ሰነድ ግዥ ላይ ብቻ ፈሰስ እንዲደረጉ የሚፈቅዱ ሲሆን፣ ይህ ደግሞ ወለዱ ከሦስት በመቶ የማያልፍ በመሆኑ አመርቂ ገቢ ሊያስገኝ አልቻለም ነበር፡፡

- Advertisement -

Video from Enat Bank Youtube Channel.

በአዲሱ አዋጆች ድንጋጌ መሠረት የማኅበራዊ ዋስትና ይግባኝ ጉባዔ አባላት አሰያየም በብሔራዊ ባንክ አቅራቢነት በጠቅላይ ሚኒስትሩ እንዲሰየሙ ይደረጋል፡፡

ከሐምሌ 2007 ዓ.ም. ወዲህ የጡረታ መዋጮ ባልከፈሉ ላይ ቅጣት ተፈጻሚ የሚሆን ሲሆን፣ የጡረታ ዕድሜ ጣሪያም ወደ 60 ዓመት ከፍ ተደርጓል፡፡

ቢያንስ አሥር ዓመት ያገለገለ የግል ድርጅት ሠራተኛ አገልግሎት ካቋረጠ፣ ዕድሜው ሲደርስ የጡረታ አበል እስከ ዕድሜ ልክ ይከፈለዋል፡፡ ይህም በበፊቱ አዋጅ ውስጥ ካለው ሃያ ዓመት ዝቅ ተደርጓል፡፡ አዋጆቹን ለማስፈጸም የሚቋቋመው የግልና የመንግሥት ሠራተኞች ማኅበራዊ ዋስትና ፈንድ አስተዳደር መረጃዎችን በሙሉ በዘመናዊ መንገድ (Digitalization) እንዲያስቀመጥ ኃላፊነት ተሰጥቶታል፡፡

የተሻሻሉት አዋጆች በአጠቃላይ የነበሩ ችግሮችን ይቀርፋሉ ተብለው የሚጠበቁ ሲሆን፣ በተለይ የሠራተኞቻቸውን ጡረታ በጊዜ ገቢ በማያደርጉ ድርጀቶች ላይ የንግድ ፈቃድ ማደስን እስከ መከልከል ይደርሳል፡፡

ይሁን እንጂ ከፈንዶቹ ኢንቨስትመንት የሚገኘው ተጨማሪ ገቢ ለጡረተኞች የሚደርስበት መንገድ በአዲሱ አዋጅ አልተመለከተም፡፡ ለጡረተኞች የሚከፈለው ገንዘብ በጥቅሉ ከሚሰበሰበው እጅግ ያነሰ መሆኑ አጨቃጫቂ ሆኖ ቢቆይም፣ በአዲሱም አዋጅ ትኩረት አልተደረገበትም፡፡

 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሰላማዊ የፖለቲካ ትግልና ፈተናው

የኦሮሞ ነፃነት ግንባር (ኦነግ) የፖለቲካ ኦፊሰር የአቶ በቴ ኡርጌሳን...

አበጀህ ማንዴላ! አበጀሽ ደቡብ አፍሪካ!

በአየለ ት. የፍልስጤም ጉዳይ የዓለም አቀፍ ፖለቲካንም ሆነ የተባበሩት መንግሥታትን...

የውጭ ባለሀብቶች ለኢትዮጵያውያን ብቻ በተፈቀዱ የንግድ ዘርፎች እንዲገቡ የመወሰኑ ፋይዳና ሥጋቶች

ጠቅላይ ሚኒስትር ዓብይ አዓመድ (ዶ/ር) የውጭ ኩባንያዎች በጅምላና ችርቻሮ...