Monday, July 22, 2024
- Advertisement -
- Advertisement -
ዜናሲቪል ሰርቪስ ኮሚሽን በጦርነቱ የወደሙ መረጃዎችን ለማደራጀት  አጥኚ ቡድን እንደሚልክ አስታወቀ

ሲቪል ሰርቪስ ኮሚሽን በጦርነቱ የወደሙ መረጃዎችን ለማደራጀት  አጥኚ ቡድን እንደሚልክ አስታወቀ

ቀን:

በሰሜን ኢትዮጵያ በአማራና በአፋር ክልሎች ሲካሄድ በነበረው ጦርነት በሕወሓት ታጣቂዎች ወድሟል የተባለውን የተቋማት መረጃ እንደገና ለማደራጀት የሚረዳ ጥናት የሚያደረግ አጥኚ ቡድን ከሰሞኑ እንደሚልክ፣ የኢትዮጵያ ሲቪል ሰርቪስ ኮሚሽን አስታወቀ፡፡

ለአምስት ወራት ያህል በሁለቱ ክልሎች ውስጥ ሲካሄድ በነበረው ጦርነት በርካታ የመንግሥት ተቋማት ንብረታቸው በታጣቂዎች ተዘርፎ መወሰዱንና ቀሪው ደግሞ በእሳት እንዲቃጠልና እንዲወድም መደረጉን፣ በርካታ የመንግሥትና የግል ተቋማት ለሕዝብ ይፋ ሲያደርጉ ቆይተዋል፡፡

በተጠቀሱት አካባቢዎች ከተዘረፉት የመንግሥትና የሕዝብ ሀብቶች በተጨማሪ የበርካታ ተቋማት የሠራተኞቻቸውና አገልግሎት የሚሰጡዋቸው ተገልጋዮች መረጃዎች በመውደማቸው፣ ኮሚሽኑ ከተለያዩ አካላት ጋር በመሆን ያቋቋመው የአጥኚ ቡድን ጉዳት በደረሰባቸው ቦታዎች በአጭር ጊዜ ውስጥ በመሰማራት የወደሙ መረጃዎች እንዴት ይተኩ ለሚለው ጥያቄ መፍትሔ እንደሚሰጠው፣ የኮሚሽኑ የኮሙዩኒኬሽን ዳይሬክተር ወ/ሮ ንግሥት ጌታቸው ለሪፖርተር ተናግረዋል፡፡

ይሁን እንጂ በጊዜዊነት ከመረጃ ውድመት ጋር በተገናኘ የተወሰኑ ተቋማት ከዚህ ቀደም በተዘረጋው የተቀናጀ የመረጃ አያያዝ ትግበራ ውስጥ የገቡና መረጃቸው ኢንተርኔት ላይ በቀላሉ የሚገኝ መሆኑን፣ ቀሪዎቹን ደግሞ መረጃቸውን አምጥተው እንደ አዲስ እንዲያደራጁ በማድረግ የተቋማትን መረጃ መልሶ የመሰነድና የማደራጀት ሥራ እየተከናወነ እንደሆነ ዳይሬክተሯ አስረድተዋል፡፡

ባለፉት ጥቂት ጊዜያት በሁለቱ ክልሎች የተለያዩ ተቋማት ላይ የደረሰውን ጉዳት ኮሚሽኑ በአካል እንዲመለከትና ድጋፍ እንዲያደርግ ከየአካባቢው ጥያቄ እንደቀረበ አስታውሰው፣ በተቋማት ትብብር ሊፈታ የሚችለውን የቁሳቁስ ድጋፍ መሣሪያዎችን ሊያቀርቡ በሚችሉ ተቋማት እየተሟላ እንደሆነም ወ/ሮ ትዕግሥት አክለው ገልጸዋል፡፡

ከደረሱ ጉዳቶች ውስጥ ከሰሞኑ በመገናኛ ብዙኃን ለሕዝብ በተላለፈ ፕሮግራም፣ በደቡብ ወሎ ዞን ሐይቅ ከተማ ውስጥ አራት ተቋማት በአንድ ላይ ይዞ የነበረ የቢሮ አገልግሎት የሚሰጥና 400 ሠራተኞችን በውስጡ ያካተተ የሕዝብ ተቋም የያዘ ግቢ፣ በእሳት ሙሉ ለሙሉ ወደ አመድነት መቀየሩን ለማየት ተችሏል፡፡

በዚህ ወደ አመድነት በተቀየረው ተቋም ውስጥ ከነበሩ ሰነዶች ውስጥ የሐይቅ ከተማ አስተዳድር በፊት ከምትታወቅበት ተሁለደሬ ወረዳ ወደ ከተማነት ስትቀየር የተያዙ ሰነዶች፣ እንዲሁም ለከተማው ወሳኝ የሚባሉ የሠራተኞችና የተገልጋዮች ሰነዶች አብረው በእሳት መንደዳቸውን በዘገባው ተመላክቷል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ኢትዮጵያዊ ማን ነው/ናት? ለምክክሩስ መግባባት አለን?

በደምስ ጫንያለው (ዶ/ር) የጽሑፉ መነሻ ዛሬ በአገራችን ውስጥ በተለያዩ አካባቢዎች ግጭቶችና...

ዴሞክራሲ ጫካ ውስጥ አይደገስም

በገነት ዓለሙ የዛሬ ሳምንት ባነሳሁት የኢሰመኮ ሪፖርት መነሻነትና በዚያም ምክንያት...

ኢትዮጵያ በምግብ ራሷን የምትችለው መቼ ነው?

መድረኩ ጠንከር ያሉ የፖሊሲ ጉዳዮች የተነሱበት ነበር፡፡ ስለረሃብ፣ ስለምግብ፣...

ደረጃውን የጠበቀ ስታዲየም በሌላት አገር ዘመናዊ ስታዲየም እየገነቡ ያሉ ክልሎች

አዲሱ የማዕከላዊ ኢትዮጵያ ክልል ዘመናዊ ስታዲየም ለማስገንባት ከ500 ሚሊዮን...