Tuesday, July 23, 2024
- ማስታወቂያ -
- ማስታወቂያ -

በኢትዮጵያ ከነበሩ 37 የስልክ መገጣጠሚያ ፋብሪካዎች ሁለት ብቻ እንደቀሩ ተነገረ

ተዛማጅ ፅሁፎች

በኢትዮጵያ እየተስፋፋ በመጣ የኮንትሮባንድ ንግድ ምክንያት 37 የተለያዩ የሞባይል ስልኮችን ከሚገጣጥሙ ፋብሪካዎች ውስጥ 35 ተዘግተው ከገበያ ውጭ መሆናቸውንና ሁለት ብቻ መቅረታቸውን የኢንዱስትሪ ሚኒስቴር አስታወቀ።

መገጣጠሚያ ፋብሪካዎቹ የተዘጉት ከቁጥጥር ውጪ የሆነ በድንበር የሚገባ ሞባይል ቀፎ የአገር ውስጥ ገበያውን በመቆጣጠሩ እንደሆነ የኢንዱስትሪ ሚኒስትሩ አቶ መላኩ አለበል ተናግረዋል።

ሚኒስትሩ አክለውም አሁንም ያለቀረጥ የሚገባው ሞባይል ስልክ በዚሁ ከቀጠለና ቁጥጥር ካልተደረገበት ሁለቱ የሞባይል መገጣጠሚያ ኢንዱስትሪዎችም በቅርቡ ይዘጋሉ ብለዋል።

አቶ መላኩ ይህን የተናገሩት፣ ጥር 27 ቀን 2014 .ም. የሚኒስቴሩን የስድስት ወር ዕቅድ አፈጻጸም ሪፖርት ለሕዝብ ተወካዮች ምክር ቤት ኢንዱስትሪና ማዕድንናት ጉዳዮች ቋሚ ኮሜቴ ባቀረቡበት ወቅት ነበር።

የአምራች ኢንዱስትሪው የቁልቁለት ጉዞ እየተጓዘ እንደሆነ የገለጹት አቶ መላኩ፣ ከፍተኛ ከሆነው የኮንትሮባንድ ግብይት በተጨማሪ በአምራች ኢንዱስትሪ የሚጠየቁ የመሬት አቅርቦት አለመኖር የመሠረተ ልማት አለመስፋፋትየፋይናንስና የውጭ ምንዛሪ እጥረትና ረዥም የሆነ የቢሮክራሲ ማነቆና የሚያበረታታ የሕግ ማዕቀፍ አለመኖሩ እንደሆነ ተናግረዋል።

በርካታ ማነቆዎች ያለው አምራች ኢንዱስትሪ ፋብሪካዎች በአሁኑ ጊዜ የሚያመርቱት 46 በመቶ አቅማቸው እንደማይበልጥ  ተናግረዋል።

በተጨማሪም ኩባንያዎች ፋብሪካ እንዲገነቡ ሲታሰብ በሚገባ ባልተቀናጀ አሠራር እየተሄደ መሆኑን በመግለጽ ለአብነትም የሚከፈቱ ፋብሪካዎች ከግንባታው ቀድሞ ሊታሰብባቸው የሚገቡ የመሠረተ ልማትና የጥሬ ዕቃ አቅርቦት ከግምት ውስጥ ሳይገባ ሰፊ የሕዝብ ቦታ ላይ በአገር ሀብት ሕንፃ ተገንብቶ ለበርካታ ዓመታት ያለአገልግሎት እየቆመ እንደሆነ ተናግረዋል።

በዚህ በአገር ውስጥ ባለ የዘፈቀደ  አሠራር የተነሳ በውጭ ያሉ ኩባንያዎች መምጣት አይደለም በሥራ ላይ ያሉት አምራች ኢንዱስትሪዎችም ሥራ ሊያቆሙ እንደሚችሉ አመላክተዋል።

ስኳር ፋብሪካ ገንብተው አገዳ የሌለው ወይም አገዳ ተክለው ስኳር ፋብሪካ በአካባቢው የሌለ ዓይነት ‹‹ውጥንቅጡ የወጣና በዕውቀት ላይ ያልተደገፈ አሠራር፤›› የኢንዱስትሪ ዘርፉን ዋጋ እያስከፈለው እንደሆነ ሚኒስትሩ ገልጸዋል።

በመሆኑም በተቋማት መካከል ጠንካራ የሆነ ቅንጅታዊ አሠራር እንዲገባ  ፓርላማው ዕገዛ እንዲያደርግና ሊያግዙ የሚችሉ ሐሳቦችን በማቅረብና በፕሮጀክቶች ግንባታ  ላይ ጠንካራ ክትትል ቢያደርጉ የተሻለ መፍትሄ ያመጣል ብለዋል።

በተመሳሳይ ዜና የኢንዱስትሪ ሚኒስቴር ከውጭ አገር ተመርቶ የሚገባውን የአገር መከላከያ ሠራዊትና ሌሎች የሁሉም የፀጥታ ኃይሎች ልብስና ጫማ እንዲሁም የተማሪዎች አልባሳትና ቦርሳዎች ሙሉ በሙሉ በአገር ቤት እንዲመረት ተቋማቸው ጥናት አጥንቶ ካባለሀብቶች ጋር  ስምምነት እንደተደረሰ አቶ መላኩ ገልጸዋል።

spot_img
- Advertisement -spot_img

የ ጋዜጠኛው ሌሎች ፅሁፎች

- ማስታወቂያ -

በብዛት ከተነበቡ ፅሁፎች