Wednesday, July 24, 2024
- Advertisement -
- Advertisement -
ዜናበሁለት ክልሎች ብቻ በኤሌክትሪክ መሠረተ ልማቶችና ንብረቶች ላይ ከ1.1 ቢሊዮን ብር በላይ...

በሁለት ክልሎች ብቻ በኤሌክትሪክ መሠረተ ልማቶችና ንብረቶች ላይ ከ1.1 ቢሊዮን ብር በላይ ጉዳት መድረሱ ተገለጸ

ቀን:

በአማራና በአፋር ክልሎች በተካሄደው ጦርነት በኤሌክትሪክ መሠረተ ልማቶችና ንብረቶች ላይ 1.1 ቢሊዮን ብር በላይ ጉዳት መድረሱን፣ የኢትዮጵያ ኤሌክትሪክ አገልግሎት አስታወቀ፡፡

የፌደራል መንግሥት ከሰኔ 21 ቀን 2014 ዓ.ም. ጀምሮ በትግራይ ክልል ሲያካሂደው የነበረውን የሕግ ማስከበር ዘመቻ የተናጠል ተኩስ በማወጅ ክልሉን ለቆ በወጣ ማግሥት፣ የሕወሓት ታጣቂዎች በአማራና በአፋር ክልሎች ባደረጉት ወረራ ምክንያት በርካታ አካባቢዎች ከሐምሌ 2013 ዓ.ም. ጀምሮ የኤሌክትሪክ አገልግሎት እንዳልቀረበላቸው ተቋሙ ትናንት ማክሰኞ ጥር 24 ቀን 20114 ዓ.ም. ባወጣው መግለጫ አስታውቋል፡፡

መግለጫው እንደሚያመላክተው ተቋሙ የጉዳቱን ሁኔታ እንዲያጠና ባደራጀው አጥኚ ቡድን ግኝት ሪፖርት መሠረት፣ በአፋር ክልል ኤሌክትሪክ አገልግሎት ሥር ያሉ ስድስት አገልግሎት መሰጫ ማዕከላት ወድመዋል፡፡ እንዲሁም በአማራ ክልል ኤሌክትሪክ አገልግሎት አምስት ዲስትሪክቶች ሥር የሚገኙ 30 አገልግሎት መስጫ ማዕከላት፣ ሁለት ዲስትሪክት ሕፈት ቤቶችና የፕሮጀክት ማስተባበሪያዎች ሙሉ በሙሉና በከፊል ጉዳት እንደደረሰባቸው ተገልጿል፡፡

በወረራው ምክንያት በበጀት ዓመቱ ባለፉት ስድስት ወራት ጊዜ ውስጥ፣ ከኤሌክትሪክ ቢል ሽያጭ ሊሰበስብ ካቀደው 336 ሚሊዮን ብር ገቢ በላይ ማጣቱን አሰታውቋል፡፡

በሁለቱ ክልሎች አገልግሎት ያገኙ የነበሩ ከተቋሙ ጋር ቀጥተኛ ውል ያላቸው 278 ሺሕ በላይ ደንበኞች አገልግሎት ተቋርጦባቸው እንደቆየ፣ ይህም በቤተሰብ ደረጃ ሲታይ 1,531,173 ያህል ዜጎች በቀጥታ ከኤሌክትሪክ አገልግሎት ውጪ ሆነው መቆየታቸው በሪፖርቱ ተመልክቷል፡፡

ውድመት ከደረሰባቸው የተቋሙ ንብረቶች መካከል የዲስትሪቢዩሽን ኔትወርክ ማለትም 66 ኪሎ ቮልት ትራንስሚሽን ማስተላለፊያየመካከለኛ ቮልቴጅ ማስተላለፊያየዝቅተኛ ቮልቴጅ ማስተላለፊያ መስመሮች ላይ የደረሰው ጉዳት በገንዘብ ሲተመን ከ438 ሚሊዮን ብር በላይ እንደሚገመት ተጠቁሟል፡፡

በተመሳሳይ በተቋሙ ዕቃ ግምጃ ቤት በነበሩ የዲስትሪቢዩሽን ዕቃዎችና የሥራ መሣሪያዎች ላይ የደረሰው ውድመትና ዝርፊያ በገንዘብ ሲተመን ከ302 ሚሊዮን ብር በላይ፣ እንዲሁምተሽከርካሪዎች ላይ የደረሰው ጉዳት ደግሞ ከ17 ሚሊዮን ብር በላይ ናቸው ተብሏል፡፡

ሕወሓት ተቆጣጥሯቸው በነበሩ አካባቢዎች በሚገኙኤሌክትሪክ አገልግሎት ቢሮዎች ውስጥ ከሚገኙ ካዝናዎች 55,000 ብር፣ እንዲሁም ከ752,000 ብር በላይ የሚገመት የነዳጅ ክምችት፣ ከአይቲ መሠረተ ልማቶች ደግሞ 25 ሚሊዮን ብር በላይ መዘረፉን በመግለጫው ተመላክቷል፡፡

በሌላ በኩል በርካታ ቁጥር ያላቸው ሠራተኞች የሥራ ቦታቸውን፣ ቤትና ንብረታቸውን ትተው በመፈናቀላቸው ከፍተኛ ማኅበራዊና ኢኮኖሚያዊ ችግር ማጋጠሙን፣ ሦስት ሠራተኞች ደግሞ በወረራው ምክንያት ሕይወታቸው ማለፉን፣ ሦስት ሠራተኞች ደግሞ እስካሁን የደረሱበት እንደማይታወቅ ተገልጿል፡፡

በአሁኑ ወቅት በብዙ አካባቢዎች የተቋረጠው የኤሌክትሪክ አገልግሎት እንዲጀምር መደረጉ በመግለጫው ተጠቅሷል፡፡ የተቋሙ የኮሙዩኒኬሽን ዳይሬክተር አቶ መላኩ ታዬ ለሪፖርተር እንደተናገሩት፣ በአሁኑ ወቅት ከትግራይ ክልል ከሚመጣው የአሌክትሪክ ኃይል ማሠራጫ፣ ኃይል ከሚያገኙ የተወሰኑ የአማራና የአፋር ክልሎች አካባቢዎች ውጪ ቀሪዎቹ አገልግሎት አግኝተዋል፡፡

ይሁን እንጂ ተቋሙ በትግራይ ክልል ስላለው አገልግሎትም ሆነ የሠራተኞቹ ሁኔታ ምንም ዓይነት መረጃ እንደሌለው አቶ መላኩ አስረድተዋል፡፡

 

 

 

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

“ከሁለት ሳምንት በፊት ወደ ኤርትራ የማደርገውን በረራ እንዳሳድግ ተጠይቄ ነበር” የኢትዮጵያ አየር መንገድ

ኢትዮጵያ አየር መንገድ ወደ ኤርትራ የሚያደርገውን በረራ እንዲያሳድግ የሚጠይቅ...
00:06:46

የኤርትራ አቪዬሽን ባለሥልጣን የኢትዮጵያ አየር መንገድ በረራዎችን ማገዱን አስታወቀ

የኢትዮጵያ ሲቪል አቪዬሽን ባለሥልጣን ጉዳዩን እያጣራሁ ነው ብሏል በኤርትራ ትራንስፖርትና...

[ክቡር ሚኒስትሩ ከተቋሙ የሠራተኞች ማኅበር አመራር ጋር እየተወያዩ ነው]

ጤና ይስጥልኝ ክቡር ሚኒስትር? ሰላም! በአስቸኳይ እንደፈለጉኝ መልዕክት ደርሶኝ ነው የመጣሁት። አዎ።...

የሱዳን ጦርነትና የኢትዮጵያ ሥጋት

የሱዳን ጦርነት ከጀመረ አንድ ዓመት ከአራት ወራት አስቆጠረ፡፡ ጦርነቱ...