Wednesday, July 24, 2024
- ማስታወቂያ -
- ማስታወቂያ -

የጭነት ተሽከርካሪዎችን እጥረት ለማቃለል ከጎረቤት አገሮች ለማስገባት መታሰቡ ተገለጸ

ተዛማጅ ፅሁፎች

  • የጂቡቲ ወደብ ቦታውን ለሌሎች እየለቀቀ መሆነ ተነገረ

በአገር ውስጥ የጭነት ተሸከርካሪዎች እጥረት በማጋጠሙ፣ የጎረቤት አገሮች ተሸከርካሪዎች ለአጭር ጊዜ ወደ ኢትዮጵያ ገብተው አገልግሎት እንዲሰጡ እየተሠራ መሆኑ ተገለጸ፡፡

በኢትዮጵያ 25 ሺሕ ያህል የጭነት ተሽከርካሪዎች የሚገኙ ቢሆንም፣ የድንበር ተሻጋሪ አገልግሎት እየሰጡ ያሉት ተሸከርካሪዎቸ ከ13 ሺሕ እንደማይበልጡ፣ የማሪታይም ባለሥልጠን ዋና ዳይሬክተር የኋላሸት ጀመረ (ኢንጂነር) ተናገሩ፡፡

በሌላ በኩል አገልግሎት እየሰጡ ከነበሩት ተሸከርካሪዎች መሀል፣ በሰሜን ኢትዮጵያ በተካሄደው ጦርነት ከ1,000 በላይ የሚሆኑት ተሽከርካሪዎች በዚያው ቀርተዋል፣ ወይም ወድመዋል ብለዋል፡፡

በተያዘው ዓመት በ30 መርከቦች ተጭኖ ወደ ኢትዮጵያ እንደሚመጣ የሚጠበቀው ማዳበሪያ ሙሉ ለሙሉ ተገዝቶ ወደብ ሲደርስ፣ ወደ መሀል አገር የሚያጓጉዙት በርከት ያሉ ተሽከርካሪዎች እንደሚያስፈልጉ የኋላሸት (ኢንጅነር) ገልጸዋል፡፡

ኬንያ ከ100 ሺሕ በላይ የጭነት ተሸከርካሪዎች እንዳሏት የገለጹት ዋና ዳይሬክተሩ፣ ከጎረቤት አገሮች ወደ ኢትዮጵያ በመምጣት የሚሰማሩት የጭነት ተሸከርካሪዎች በዋነኝነት የዓለም የምግብ ፕሮግራም ለሚያስገቧቸው ስንዴና ሌሎች የሰብዓዊ ዕርዳታ ቁሳቁሶች ለማመላለስ እንደሚውሉ አስረድተዋል፡፡

የተሽከርካሪዎች እጥረት የፈጠረውን ችግር በመረዳት በማክሮ ኢኮኖሚ ኮሚቴው አማካይነት፣ ብሔራዊ ባንክ በመፍቀዱ፣ ተጨማሪ ተሸከርካሪዎች ለመግዛት ዝግጅት መደረጉን ዋና ዳይሬክተሩ ተናግረዋል፡፡

በአሁኑ 3,200 የጭነት ተሸከርካዎች ወደ አገር ውስጥ ለማስገባት የግዥ ፍላጎት መግለጫ ከወጣ በኋላ፣ ፍላጎቱና አቅሙ ያላቸው ድርጅቶች ተመርጠው፣ የብድር አሰጣጡ በጥሩ ሁኔታ እየሄደ በመሆኑ፣ በአጭር ጊዜ ተሸከርካሪዎቹ እንደሚገቡ አስታውቀዋል፡፡

በተመሳሳይ ዜና የኢትዮጵያን ገቢና ወጪ ንግድ ተቆጣጥሮ የነበረው የጂቡቲ ወደብ ከጊዜ ወደ ጊዜ ቦታውን ለሌሎች ወደቦች እየለቀቀ መሆኑን፣ የትራንስፖርትና ሎጂስቲክስ ሚኒስትር ወ/ሮ ዳግማዊት ሞገስ ገለጹ፡፡

ለአብነትም የኢትዮጵያን ገቢና ወጪ ንግድ እስከ 98 በመቶ ያስተናግድ የነበረው የጂቡቲ ወደብ፣ ባለፉት ስድስት ወራት ወደ አገር ውስጥ ከገባው 7.7 ሚሊዮን ሜትሪክ ቶን ጭነት፣ እንዲሁም ከኢትዮጵያ ወደ ውጭ ከተላከው 620 ሺሕ ቶን ጭነት ውስጥ በማስተናገድ 83.9 በመቶ መሸፈኑን፣ በርበራ ወደብ 10.2 በመቶ፣ የታጁራ ወደብ ደግሞ 5.9 በመቶ ማስተናገዳቸውን ሚኒስትሯ ተናግረዋል፡፡

የመንግሥት የወደብ ስብጥር ስትራቴጂ ፍሬ እያፈራ እንደሆነ የገለጹት ሚኒስትሯ፣ በመጪዎቹ የኬንያን ወራት የላሙና የሞምባሳ ወደቦች መጠቀም ሲጀመር ወጪን በመቀነስ ተወዳዳሪነትን መጨመር ይቻላል ብለዋል፡፡

ባለፉት ስድስት ወራት የሎጂስቲክስ ሥርዓቱን በማዘመን በተሠራ የወደብ ስብጥርና የተቀናጀ የባቡር መሠረተ ልማትን በአግባቡ መጠቀም በመቻሉ፣ ወጪ ሊደረግ የነበረ ከ500 ሚሊዮን ብር በላይ ማደን እንደተቻለ ሚኒስትሯ አስረድተዋል፡፡

የተቋማት ኃላፊዎች ይህን የተናገሩት በሕዝብ ተወካዮች ምክር ቤት የከተማ መሠረተ ልማትና ትራንስፖርት ጉዳዮች ቋሚ ኮሚቴ፣ ጥር 17 ቀን 2014 ዓ.ም. የትራንስፖርትና ሎጂስቲክ ሚኒስቴርን የስድስት ወራት ዕቅድ አፈጻጸም ሲገመግም ነው፡፡

 

spot_img
- Advertisement -spot_img

የ ጋዜጠኛው ሌሎች ፅሁፎች

- ማስታወቂያ -

በብዛት ከተነበቡ ፅሁፎች