Monday, July 22, 2024
- Advertisement -
- Advertisement -
ዜናየአፋር ክልል ሕወሓት እንደገና ውጊያ እንደከፈተበት አስታወቀ

የአፋር ክልል ሕወሓት እንደገና ውጊያ እንደከፈተበት አስታወቀ

ቀን:

  • የሰብዓዊ ዕርዳታ የጫኑ ተሽከርካሪዎች ወደ ኋላ መመለሳቸውን ተመድ አስታውቋል

የአፋር ክልላዊ መንግሥት ሕወሓት በኪልበቲ ረሱ ዞን በአብአላና በመጋሌ ወረዳ፣ በንፁኃን ዜጎች ላይ ከባድ መሣሪያ እንደገና ውጊያ መጀመሩን አስታወቀ፡፡

የፌዴራል መንግሥት በሕወሓት ቁጥጥር ሥር የነበሩ የአፋርና የአማራ ክልል ከተሞችን፣ በመጀመርያው ዙር የህልውና ዘመቻ ነፃ ማውጣቱን ማስታወቁ ይታወሳል፡፡

ይሁን እንጂ ሕወሓት ለዘመናት የቆየውን በድንበር የሚዋሰኑ የአፋርና የትግራይ ሕዝቦችን ግንኙነት ከምንም ሳይቆጥር፣ ሁለቱን ሕዝቦች በማጋጨት የማይረባ ትርፍ ለማግኘት ሌት ተቀን እየጣረ መሆኑን የአፋር ክልል አስታውቋል፡፡ ሕወሓት እያደረሰ ባለው ጥቃትም የአፋር ንፁኃንን ዒላማ በማድረግ የሽብር ተግባሩን እያሰፋ መሆኑን፣ የክልሉ መንግሥት ኮሙዩኒኬሽን ጽሕፈት ቤት  ሰኞ ጥር 16 ቀን 2014 ዓ.ም. ባወጣው መግለጫ ገልጿል፡፡

ክልሉ በመግለጫው እንዳመላከተው፣ በኪልበቲ ረሱ ዞን የተለያዩ ቦታዎች የአፋር ክልልን ወሰን ጥሶ በመግባት በአብአላ፣ በመጋሌና በበራህሌ በኩል በከባድ መሣሪያ የታገዘ ጦርነት በመክፈት በርካታ ንፁኃንን ለጉዳት መዳረጉን አስታውቋል፡፡

የሕወሓት ታጣቂዎች በአፋር ክልል በተለያዩ ወረዳዎች በኩል ዘልቀው በመግባት ንፁኃንን  የጎዱ ቢሆንም፣ ሕወሓት ጥቃት እንደተፈጸመበት አስመስሎ እያቀረበ እንደሆነም ክልሉ በመግለጫው ጠቁሟል፡፡

ከጥቂት ወራት በፊት በነበረው የህልውና ዘመቻ ሕወሓት በአራት ዞኖች 21 ወረዳዎች ወረራ በማካሄድ የአፋር ሕዝብን በአሰቃቂ ሁኔታ እንደጨፈጨፈ፣ በብዙ ቢሊየኖች የሚገመት ሀብት ንብረት አውድሞ በሚሊዮኖች የሚቆጠር ሕዝብ  ከቀዬው እንዲሰደድ ማድረጉን አስታውቋል፡፡

ለጎረቤት ትግራይ ሕዝብ ሰብዓዊነት ሲባል ዕርዳታ በአፋር አብአላ በኩል እንዲያልፍ እየተደረገ መሆኑን በመግለጽ፣ ‹‹የትግራይ ሕዝብም የሕወሓትን ዕብደት በቃህ ሊል ይገባል፡፡ በግልጽ እየወጣ ያለውን ሴራውንና ተንኮሉን በመረዳት ከሕዝብ የሚበልጥ የለምና እንደ ሕዝብ ሊቃወም ግድ ይላል፤›› ብሏል፡፡

ሕወሓት በአፋር ክልል በከፈተው አዲስ ውጊያ ምክንያት የሰብዓዊ ዕርዳታ ጭነው  ወደ መቀሌ ሲጓዙ የነበሩ የጭነት ተሸከርካሪዎች ወደኋላ መመለሳቸውን፣ በተባበሩት መንግሥታት ድርጅት (ተመድ) የኢትዮጵያ ቋሚ መልዕክተኛ ጽሕፈት ቤት ማክሰኞ ጥር 25 ቀን 2014 ዓ.ም. በቲዊትር ገጹ አስታውቋል፡፡

በተጨማሪም የሕወሓት ታጣቂዎች በመኖሪያ ቤቶች ላይ በከፈቱት የከባድ መሣሪያ ተኩስ ምክንያት፣ በ10 ሺዎች የሚቆጠሩ ንፁኃን ዜጎች መፈናቀላቸውን አክሎ ገልጿል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ኢትዮጵያዊ ማን ነው/ናት? ለምክክሩስ መግባባት አለን?

በደምስ ጫንያለው (ዶ/ር) የጽሑፉ መነሻ ዛሬ በአገራችን ውስጥ በተለያዩ አካባቢዎች ግጭቶችና...

ዴሞክራሲ ጫካ ውስጥ አይደገስም

በገነት ዓለሙ የዛሬ ሳምንት ባነሳሁት የኢሰመኮ ሪፖርት መነሻነትና በዚያም ምክንያት...

ኢትዮጵያ በምግብ ራሷን የምትችለው መቼ ነው?

መድረኩ ጠንከር ያሉ የፖሊሲ ጉዳዮች የተነሱበት ነበር፡፡ ስለረሃብ፣ ስለምግብ፣...

ደረጃውን የጠበቀ ስታዲየም በሌላት አገር ዘመናዊ ስታዲየም እየገነቡ ያሉ ክልሎች

አዲሱ የማዕከላዊ ኢትዮጵያ ክልል ዘመናዊ ስታዲየም ለማስገንባት ከ500 ሚሊዮን...