Monday, July 22, 2024
- Advertisement -
- Advertisement -
ዜናየአስተዳደር ወሰንና የማንነት ኮሚሽን ለአገራዊ የምክክር ኮሚሽን ግብዓት የሚሆን ጥናት መሰነዱን አስታወቀ

የአስተዳደር ወሰንና የማንነት ኮሚሽን ለአገራዊ የምክክር ኮሚሽን ግብዓት የሚሆን ጥናት መሰነዱን አስታወቀ

ቀን:

የአስተዳደር ወሰን፣ ማንነትና ራስን በራስ ማስተዳደር አስመልክቶ በቅርቡ ለሚቋቋመው ለአገራዊ የምክክር ኮሚሽን ግብዓት የሚሆኑ በ56 አካባቢዎች የተሠራ ጥናት፣ በዚህ ወር ውይይት ተደርጎበት ዝግጁ እንደሚሆን የአስተዳደር ወሰንና የማንነት ኮሚሽን አስታወቀ፡፡

ኮሚሽን ከ2012 ዓ.ም. መጨረሻ ጀምሮ በአዲስ አበባ ዩኒቨርሲቲ አማካይነት ሲያስጠናው የነበረውን ጥናት በቅርቡ ይፋ አድርጓል፡፡ ከትግራይ ክልል፣ ከኦሮሚያና ደቡብ ክልሎች የተወሰኑ አካባቢዎች ውጪ ካሉ የአገሪቱ አካባቢዎች በስተቀር በአስተዳደር ወሰን፣ ማንነትና ራስን በራስ ማስተዳደር ረገድ የሚነሱ ግጭቶችንና አለመግባባቶችን የተመለከተ ጥናት መሰነዱን አስታውቋል፡፡

ኮሚሽኑ ጥናት ለማካሄድ ካቀደባቸው 68 ልዩ ዞኖችና ወረዳዎች በፀጥታ ችግር ምክንያት በአሥራ ሁለቱ ሳይካሄድ መቅረቱን የገለጹት የኮሚሽኑ ጽሕፈት ቤት ዋና ዳይሬክተር አቶ አወል ሁሴን፣ በቀጣይ በዞንና በክልል ደረጃ ውይይት ተደርጎበት  ለመንግሥት የምክረ ሐሳብና ለሚቋቋመው አገራዊ ኮሚሽን የመነሻ ግብዓት እንዲሆን ይደረጋል ብለዋል፡፡

በተደጋጋሚ እየተነሱ ላሉ የወሰን ይገባኛልና የማንነት ጥያቄዎችን ገለልተኛ በሆነ ተቋም በማያዳግምና ሰላማዊ በሆነ መንገድ መፍትሔ እንዲያፈላልግ ታስቦ፣ በየካቲት 2011 ዓ.ም. የተቋቋመው ይህ ጊዜያዊ ኮሚሽን የሦስት ዓመት የሥራ ዘመኑ ከጥቂት ወራት በኋላ ይጠናቀቃል፡፡

ኮሚሽኑ እያካሄዳቸው ያሉት ሥራዎች ባለመጠናቀቃቸው የኮሚሽኑ የአገልግሎት ዘመን እንዲራዘም መጠየቁ የተገለጸ ሲሆን፣ ስለመራዘምና አለመራዘሙ የሕዝብ ተወካዮች ምክር ቤት በቅርቡ ይመክርበታል ተብሎ ይጠበቃል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ኢትዮጵያዊ ማን ነው/ናት? ለምክክሩስ መግባባት አለን?

በደምስ ጫንያለው (ዶ/ር) የጽሑፉ መነሻ ዛሬ በአገራችን ውስጥ በተለያዩ አካባቢዎች ግጭቶችና...

ዴሞክራሲ ጫካ ውስጥ አይደገስም

በገነት ዓለሙ የዛሬ ሳምንት ባነሳሁት የኢሰመኮ ሪፖርት መነሻነትና በዚያም ምክንያት...

ኢትዮጵያ በምግብ ራሷን የምትችለው መቼ ነው?

መድረኩ ጠንከር ያሉ የፖሊሲ ጉዳዮች የተነሱበት ነበር፡፡ ስለረሃብ፣ ስለምግብ፣...

ደረጃውን የጠበቀ ስታዲየም በሌላት አገር ዘመናዊ ስታዲየም እየገነቡ ያሉ ክልሎች

አዲሱ የማዕከላዊ ኢትዮጵያ ክልል ዘመናዊ ስታዲየም ለማስገንባት ከ500 ሚሊዮን...