Monday, July 22, 2024
- Advertisement -
- Advertisement -
ዜናበቢራ ሳጥን ውስጥ ተደብቆ ሲዘዋወር የነበረ ከ448 ሺሕ በላይ ዶላር በቁጥጥር...

በቢራ ሳጥን ውስጥ ተደብቆ ሲዘዋወር የነበረ ከ448 ሺሕ በላይ ዶላር በቁጥጥር መዋሉ ተገለጸ

ቀን:

መነሻው ከአማራ ክልል ደብረ ብርሃን ከተማ መሆኑ የተጠቆመውና በሕገወጥ መንገድ ሲዘዋወር ነበረ የተባለ 448,550 ዶላር በቁጥጥር ሥር ማዋሉን፣ የፌዴራል ፖሊስ ኮሚሽን አስታወቀ።

ኮሚሽኑ ለመገናኛ ብዙኃን እንዳስታወቀው ዳሽን ቢራ በመጫን መነሻውን ከአማራ ክልል ደብረ ብርሃን ከተማ ያደረገው የሰሌዳ ቁጥሩ ኮድ 3-26981 ኢት.ተሳቢ የጭነት ተሽከርካሪ አዲስ አበባ ከተማ ከደረሰ በኋላ ወደ ሐረር ከተማ በማቅናት ላይ እያለ፣ ማክሰኞ ትናንት መስከረም 11 ቀን 2014 ዓ.ም. ቃሊቲ ኬላ ላይ በተደረገበት ፍተሻ በቁጥጥር ሥር መዋሉን ኮሚሽኑ ገልጿል፡፡

አሽከርካሪው በሕገወጥ መንገድ ሲያጓጉዘው ከነበረው 448,550 ዶላር ጋር በቁጥጥር መዋሉንም አክሏል።

በሕገወጥ መንገድ ሲዘዋወር የነበረው ዶላር በቁጥጥር የዋለው ፖሊስ ከሕዝብ በደረሰው ጥቆማ፣ ባደረገው ጥብቅ ክትትልና ፍተሻ መሆኑንና አሽከርካሪው ዶላሩን በቢራ ሳጥን ውስጥ ደብቆ ለማሳለፍ ሲሞክር እንደሆነ ጠቁሟል፡፡

በወንጀሉ ተጠርጥሮ በቁጥጥር የዋለው አሽከርካሪ ከእነ ኤግዚቢቱ ለፌዴራል ፖሊስ ወንጀል ምርመራ ቢሮ ተላልፎ፣ ጉዳዩ በምርመራ ሒደት ላይ መሆኑንም አስረድቷል፡፡

በሽብርተኝነት የተፈረጀው የሕወሓት ቡድን ቀድሞ በዘረጋቸው ኔትወርኮች በንግድ ተቋማት የሚሰበሰብ ዶላርን በሕገወጥ መንገድ በውድ ዋጋ እየገዛ ከአገር እንዲወጣና በአገር ውስጥ የዶላር እጥረት እንዲፈጠር በማድረግ፣ የኑሮ ውድነት እንዲባባስ አንዱና ዋነኛ ምክንያት መሆኑንም ነው ኮሚሽኑ ያስታወቀው፡፡

ቡድኑ የሚያገኘውን ገቢ ለሽብር ተግባር መፈጸሚያ የፋይናንስ ምንጭ ሆኖ እንዲያገለግለው ሲሠራ መቆየቱን ኮሚሽኑ ከዚህ በፊት መግለጹን አስታውሷል። የሽብር ቡድኑ ውስጥ  በአባልነት  የሚጠረጠሩ አንዳንድ ግለሰቦች  ከድርጊታቸው ያልተቆጠቡ መሆኑን በተደረገው ክትትል መረጋገጡን የገለጸው ኮሚሽኑ፣ በሕገወጥ መንገድ ሲንቀሳቀስ የነበረው ዶላር በቃሊቲ ኬላ የተያዘው በኅብረተሰቡ ትብብር መሆኑንም አስታውቋል።

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ኢትዮጵያዊ ማን ነው/ናት? ለምክክሩስ መግባባት አለን?

በደምስ ጫንያለው (ዶ/ር) የጽሑፉ መነሻ ዛሬ በአገራችን ውስጥ በተለያዩ አካባቢዎች ግጭቶችና...

ዴሞክራሲ ጫካ ውስጥ አይደገስም

በገነት ዓለሙ የዛሬ ሳምንት ባነሳሁት የኢሰመኮ ሪፖርት መነሻነትና በዚያም ምክንያት...

ኢትዮጵያ በምግብ ራሷን የምትችለው መቼ ነው?

መድረኩ ጠንከር ያሉ የፖሊሲ ጉዳዮች የተነሱበት ነበር፡፡ ስለረሃብ፣ ስለምግብ፣...

ደረጃውን የጠበቀ ስታዲየም በሌላት አገር ዘመናዊ ስታዲየም እየገነቡ ያሉ ክልሎች

አዲሱ የማዕከላዊ ኢትዮጵያ ክልል ዘመናዊ ስታዲየም ለማስገንባት ከ500 ሚሊዮን...