Monday, July 22, 2024
- Advertisement -
- Advertisement -
ዝንቅአዲስ አበባን የማስዋብ ተግባር

አዲስ አበባን የማስዋብ ተግባር

ቀን:

አዲስ አበባ የመስከረም መጨረሻ ሰኞ ላይ በፓርላማ የሚሰየሙትን የሕዝብ እንደራሴዎች በክብር ለመቀበል ሽር ጉድ እያለች ነው፡፡ አንዱ መገለጫ አውራ ጎዳናዎችንና አካፋይ መንገዶችንና አደባባዮችን መቀባባቱ ነው፡፡

 

አቶ ክቡር ገና፣ የኢኮኖሚ ባለሙያ

  • ፎቶ መስፍን ሰሎሞን

***

ዜና ጽጌ ረዳ

እጅጉን መልካም ነው፤

ጽጌ ረዳ ዘርቶ ጽጌ ረዳ ማብቀል፣

ጽጌ ረዳ አፍልቶ ጽጌ ረዳ መትከል፡፡

ጽሬ ረዳ ፈክታ ውበቷ ሲዛነቅ፣

ከኅብረ ልምላሜ ወዘናዋ ሲፈልቅ፣

እስኪ የማነው ልብ፣

በዚች ጽጌ ረዳ ውበት የማይማልል

ቀልቡ ከ’ሱ ርቆ ብትንትን የማይል?

ይልቅ አስቀያሚው፣

የዚች ጽጌ ረዳ አሳዛኝ ገጽታ፣

ፍሬ ሳታፈራ ቅንጥስ ያለች ለታ፡፡

  • መዝገበቃል አየለ ገላጋይ ‹‹ዶፍ አዘል ደመና›› (2013)

****

ፖለቲከኞች ለሽያጭ

ፕሬዚዳንት የልሲን ምክትል ፕሬዚዳንቱን ሊያናግረው እንደሚፈልግ በቁጣ ገልፆለት ተያይዘው ከስብሰባው ወጡ፡፡

‹‹ስማ!›› አለ የልሲን፤ ‹‹ትላንትና ለፓርላማው የዚህ አገር ፖለቲከኞች በሙሉ ለሽያጭ የቀረቡ ናቸው ብለህ ነበር፡፡ ያ ማለት እኔም ልገዛ የተዘጋጀሁ ታጋይ ነኝ ማለት ነው?››

‹‹አዎን፣ ክቡር ፕሬዚዳንት፡፡››

የልሲን ቱግ አለ፡፡ ‹‹እንዲህ ዓይነቱን ዘለፋ በርጋታ መስማት አልችልም!›› …ለሽያጭ የቀረብኩ ከሆነ በል እስኪ የማወጣውን ዋጋ ንገረኝ?››

‹‹ግማሽ ሚሊዮን የአሜሪካን ዶላር፡፡››

‹‹ይቺን ታክል ብቻ?!››

‹‹አየህ፣ ቦሪስ ኒኰላዬቪች፤ ገና ከአሁኑ የምትሸጥበትን ዋጋ ለመደራደር እየሞከርክ ነው፡፡››

***

አቶ ክቡር ገና፣ የኢኮኖሚ ባለሙያ

ፖለቲካ በመናገር

ሁለት ፍርደኞች ስለታሰሩበት ጉዳይ እየተወያዩ ነበር፡፡ ‹‹የታሰርከው በፖለቲካ ነው በደረቅ ወንጀል?›› ሲል ጠየቀ አንደኛው፡፡

‹‹በፖለቲካ ነውን’ጂ፡፡ አየህ እኔ የቧንቧ ሠራተኛ ነኝ፡፡ ታዲያ የአውራጃው ፓርቲ ጽሕፈት ቤት ኃላፊ አስጠርቶኝ የፍሳሽ ቧንቧዎቹን እንዳስተካክል አዘዘኝ፡፡ ከዚያም የፍሳሽ አሠራሩን ከተመለከትሁ በኋላ አጠቃላይ ሥርዓቱ መቀየር እንዳለበት ገለጽኩለት፡፡ በቃ፤ እንደምታየው ሰባት ዓመት ፈረዱብኝ፡፡

****

አስቀድሞ መግደል አሾክሿኪውን ነው

የስታሊን ፀሐፊ ከሶቭየት ኅብረት ከፍተኛ ባለሥልጣኖች አንዱ የነበረው ማርሻል ዙኰቭ፣ ከአገሪቱ መሪ ስታሊን ጋር ስብሰባ ቆይቶ በመውጣት ላይ ሳለ፣ ‹‹ይኼ ነፍሰ ገዳይ ጢማም!›› እያለ ሲወጣ መስማቷን ለአለቃዋ ነገረችው፡፡

ስታሊን ዙኰቭን በአስቸኳይ አስጠርቶ፣ ‹‹ነፍሰ ገዳይ ጢማም ስትል በአዕምሮህ የነበረው ማን ነው?›› በማለት ጠየቀው፡፡

‹‹እንዴት ይህን ትጠይቀኛለህ፣ ጓድ ዮሴፍ ቪሳሪዮኖቪች፡፡

ሒትለርን ማለቴ ነዋ!››

ስታሊን አመስግኖ አሰናበተውና ፀሐፊዋ እንድትጠራ አደረገ፡፡

‹‹እሺ እቱ፣ አንቺስ ነፍሰ ገዳይ ጢማም ሲል ስለማን የተናገረ ነበር የመሰለሽ?››

  • አረፈ ዓይኔ ሐጐስ ‹‹ፖለቲከኞች እፈሩ ቀልድ እና ቁም ነገር›› [2013]

****

‹‹ሆድ ሲያውቅ ዶሮ ማታ››

አንድ ቀን ስብሐት ገብረእግዚአብሔር ለአማጭነት ሽምግልና ይላካል። የላኩት ልጆች መጋባት ፈልገው የሴቷ አባት እንዲፈቅዱ ለወግ ያህል ሽምግልና ከሌሎች ሽማግሌዎች ጋር አጩት። ስብሐት ‹‹ሆድ ሲያውቅ ዶሮ ማታ›› እንደሆነ ገብቶታልና በሽምግልና የሚጠፋው ጊዜና ጉልበት ከወዲሁ አድክሞታል። ሽማግሌዎቹ ልጅቷ ቤት ደርሰው በር ተከፍቶላቸው እንደገቡ አባቷ ይመጣሉ። ተጨባብጠው አረፍ እንዳሉ ስብሐት ተሽቀዳድሞ፣ ‹‹የመጣነው ልጅዎትን አንድ የእኛ ልጅ ጠይቆ ነው። እዚህ ውስጥ እርስዎም ሆኑ እኛ ምንም መብት የለንም። እምቢ ቢሉ እንኳን እነሱ ለመጋባት ቆርጠው ጨርሰዋል። ስለዚህ ይጋባሉ። አሁን በከንቱ ከመታከት ደስ የሚለንን ሌላ ጨዋታ እየተጫወትን እንቆይ። ምን ይመስልዎታል፤›› አለ። አባትየው ስብሐትን ያውቁት ኖሮ ስቀው ‹‹ጥሩ›› አሉና ሌላ ጉዳይ ሲጨዋወቱ ቆዩ።

  • ዓለማየሁ ገላጋይ ‹‹ስብሐት ብረእግዚአብሔር ሕይወትና ክህሎት››
spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ኢትዮጵያዊ ማን ነው/ናት? ለምክክሩስ መግባባት አለን?

በደምስ ጫንያለው (ዶ/ር) የጽሑፉ መነሻ ዛሬ በአገራችን ውስጥ በተለያዩ አካባቢዎች ግጭቶችና...

ዴሞክራሲ ጫካ ውስጥ አይደገስም

በገነት ዓለሙ የዛሬ ሳምንት ባነሳሁት የኢሰመኮ ሪፖርት መነሻነትና በዚያም ምክንያት...

ኢትዮጵያ በምግብ ራሷን የምትችለው መቼ ነው?

መድረኩ ጠንከር ያሉ የፖሊሲ ጉዳዮች የተነሱበት ነበር፡፡ ስለረሃብ፣ ስለምግብ፣...

ደረጃውን የጠበቀ ስታዲየም በሌላት አገር ዘመናዊ ስታዲየም እየገነቡ ያሉ ክልሎች

አዲሱ የማዕከላዊ ኢትዮጵያ ክልል ዘመናዊ ስታዲየም ለማስገንባት ከ500 ሚሊዮን...