Tuesday, July 23, 2024

[ክቡር ሚኒስትሩ ከውጭ ግንኙነት አማካሪያቸው ጋር በወቅታዊ ጉዳይ ዙሪያ እየተነጋገሩ ነው]

  • ክቡር ሚኒስትር የውጭ አጋሮቻችን ደጋግመው ማብራሪያ እንድንሰጣቸው እየጠየቁ ነው፡፡ 
  • በምን ጉዳይ ላይ ነው ማብራሪያ የሚጠይቁት?
  • አዲስ መንግሥት ከተመሠረተ በኋላ የሚጀመረው የፖለቲካ ድርድር ሁሉን አሳታፊ እንደሚሆን ማረጋገጥ ፈልገው ነው ማብራሪያ እየጠየቁ ያሉት።
  • ሁሉን አሳታፊ እንደሚሆን አትገልጽላቸውም እንዴ ታዲያ?
  • ለማስረዳት ሞክሬያለሁ ነገር ግን
  • ነገር ግን ምን?
  • ሕወሓት በውይይቱ ተሳታፊ ይሆናል የሚለውን በቀጥታ ማረጋገጥ ፈልገዋል።
  • ምን አልካቸው?
  • ስም አልጠራም አልኳቸው።
  • ስም አልጠራም?
  • አዎ፣ ነገር ግን ሁሉን አሳታፊ ውይይት እንደሚካሄድ አሳውቄያቸዋለሁ።
  • ለምን ግልጹን አልነገርካቸውም?
  • ምን ብዬ? 
  • ማን እንደሚደራደር እነሱም አያውቁትም ብለህ፡፡
  • እንዴት አያውቁትም ብለው ቢጠይቁኝስ? 
  • አንድነት የፈጠሩት ለውጊያው እንጂ ለድርድር አይደለም በላቸው። 
  • እንደዚያ ነው እንዴ? 
  • የውስጥ ሽኩቻ ላይ መሆናቸውን አታውቅም እንዴ?
  • አልሰማሁም? በምን ምክንያት?
  • በሥልጣን ነዋ?
  • የምን ሥልጣን?
  • ከድርድር በኋላ በሚጠብቁት ሥልጣን።
  • እና እንዴት ነው ሁሉን አቀፍ የፖለቲካ ውይይት የምንጀምረው?
  • እስኪጀመር አንዱ ያሸንፋል፣ ካልሆ ደግሞ…
  • ካልሆነ ምን?
  • እኛ ያቋቋምነው ጊዜያዊ አስተዳደር ወክሎ ይደራደራል። 
  • ትክክል፣ ዋናው አሳታፊ ወይይት መሆኑ ነው።

[ክቡር ሚኒስትሩ ድካም ተጫጭኗቸው ወደ መኖሪያ ቤታቸው ሲገቡ ባለቤታቸው የቴሌቪዥኑን ዜና እየተመለከቱ በመገረም አንገታቸውን ሲወዘውዙ አገኟቸው] 

  • ምን የሚያስገርም ነገር አገኘሽ?
  • አትሰማም እንዴ ሚኒስትር ባልደረባህ የሚሉትን?
  • ምን አለ?
  • በኢትዮጵያ ታሪክ ታይቶ የማይታወቅ የመንግሥት መዋቅር በመጪው መስከረም ይዋቀራል እያሉ ነው።
  • እሱማ እውነት ነው። 
  • እውነት ነው አልክ?
  • አዎ፣ በታሪክ ያልነበረ የመንግሥት መዋቅር ነው ከጥቂት ሳምንት በኋላ የሚመሠረተው። 
  • ታዲያ እናንተ እንዴት ልትሆኑ ነው?
  • እኛ ምን እንሆናለን?
  • አሃ… እናንተ ትቀጥላላችሁ እዚህ መዋቅር ውስጥ?
  • እንዴት አንቀጥልም? ምነው ሠጋሽ እንዴ?
  • እናንተ ከቀጠላችሁ ምኑ ነው ታዲያ ታሪካዊ የሚሆነው?
  • የመንግሥት መዋቅሩ ነዋ፣ አደረጃጃቱ… 
  • ታሪካዊ የተባለው እሱ ነው?
  • አዎ፣ አደረጃጀቱን ማለታችን ነው።
  • ልትደራጅብን ነዋ!
  • ምን አልሽ?
  • አድምጥ… አድምጥ… 
  • ምንድነው?
  • አለቃህ ሌላ ታሪካዊ ነገር እያሉ ነው።
  • ምንድነው ያሉት?
  • በመቶ ዓመት ውስጥ ታይቶ የማይታወቅ ጦር እየገነባን ነው እያሉ ነው።
  • እሱማ ትክክል ነው፣ ለማንም የማይመለስ ጦር እየተገነባ ነው። 
  • ኤጭ፣ ምንድን ነው የለከፋችሁ እንደዚህ?
  • ምንድነው? ምን ሰማሽ ደግሞ?
  • በኢትዮጵያ ታሪክ ተገኝቶ የማያውቅ ገቢ ነው ዘንድሮ ከኤክስፖርት የተገኘው እያለ ነው ቴሌቪዥኑ። 
  • አዎ፣ ታሪካዊ ገቢ ነው ዘንድሮ ከኤክስፖርት የተገኘው። 

 

  • ምን ያህል ተገኝቶ ነው?
  • ከዓምናው በአሥር እጅ የሚበልጥ መሰለኝ። 
  • ምኑ ነው ታዲያ ታሪካዊ ያደረገው?
  • ከዚህ ቀደም ይህን ያህል ተገኝቶ ስለማያውቅ ነዋ፡፡
  • ከዚህ ቀደም አልተላከማ? ዓምና ተልኮ ቢሆን ይገኝ አልነበረም እንዴ?
  • በይ ተይው፡፡
  • እናንተም ተውና፡፡
  • ምኑን ነው የምንተወው፡፡
  • አንድ እጅ ከፍ አድርጋችሁ ታሪካዊ የምትሉንን! 

በብዛት የተነበቡ ፅሁፎች

- Advertisment -

ትኩስ ፅሁፎች

ኢትዮጵያዊ ማን ነው/ናት? ለምክክሩስ መግባባት አለን?

በደምስ ጫንያለው (ዶ/ር) የጽሑፉ መነሻ ዛሬ በአገራችን ውስጥ በተለያዩ አካባቢዎች ግጭቶችና...

ዴሞክራሲ ጫካ ውስጥ አይደገስም

በገነት ዓለሙ የዛሬ ሳምንት ባነሳሁት የኢሰመኮ ሪፖርት መነሻነትና በዚያም ምክንያት...

ኢትዮጵያ በምግብ ራሷን የምትችለው መቼ ነው?

መድረኩ ጠንከር ያሉ የፖሊሲ ጉዳዮች የተነሱበት ነበር፡፡ ስለረሃብ፣ ስለምግብ፣...

ደረጃውን የጠበቀ ስታዲየም በሌላት አገር ዘመናዊ ስታዲየም እየገነቡ ያሉ ክልሎች

አዲሱ የማዕከላዊ ኢትዮጵያ ክልል ዘመናዊ ስታዲየም ለማስገንባት ከ500 ሚሊዮን...

የኢትዮጵያ ንግድ ባንክ ከፍተኛ ትርፍ ቢያገኝም የውጭ ምንዛሪ ገቢው ቅናሽ ማሳየቱ ተጠቆመ

የኢትዮጵያ ንግድ ባንክ በ2016 የሒሳብ ዓመት ያሰባሰበው የውጭ ምንዛሪ...
spot_img

ተዛማጅ ፅሁፎች

[ክቡር ሚኒስትሩ የቅርብ ወዳጃቸው ከሆነች አንድ ባለሀብት የተደወለላቸውን ስልክ አንስተው በኮሪደር ልማቱ ላይ የምታቀርበውን ቅሬታ እየሰሙ ነው]

ክቡር ሚኒስትር እኔ የኮሪደር ልማቱ ላይ ተቃውሞም ሆነ ጥላቻ እንደሌለኝ የሚያውቁ ይመስለኛል? በዚህ እንኳን አትታሚም።  የእውነቴን ነው ክቡር ሚኒስትር። አውቃለሁ ስልሽ? ለኮሪደር ልማቱ አዋጡ ሲባልም ያለማመንታት አምስት ሚሊዮን...

[ክቡር ሚኒስትሩ በችግኝ ተከላ ፕሮግራም ላይ ሳይገኝ ከቀረው አንድ የተቋማቸው ባልደረባ የሆነ የተቃዋሚ ፓርቲ አባልን አስጠርተው እያናገሩ ነው]

ለምንድነው በዚህ አገራዊ ፋይዳ ባለው ፕሮግራም ላይ ያልተገኘኸው? ክቡር ሚኒስትር ህሊናዬ አልፈቀደልኝም። መቃወምና መተቸት ብቻ ውጤት የሚያመጣ መስልዎህ ከሆነ ተሳስተሃል። አልተሳሳትኩም ክቡር ሚኒስትር? ቆይ የመጀመሪያ ዓመት የችግኝ ተከላ...

[ክቡር ሚኒስትሩ ከሚያከብሯቸው አንድ የቀድሞ ጉምቱ ፖለቲከኛ ስልክ ተደውሎላቸው እያወሩ ነው]

አንዳንድ ነገሮች ቢያሳስቡኝ ነው ቀጠሮ ሳልይዝ ላነጋግርህ የፈለኩት ክቡር ሚኒስትር፡፡ እርስዎማ ቀጠሮ መያዝ አያስፈልግዎትም፣ ምን ገጠመዎት? እኔማ ምን ይገጥመኛል አንተኑ ልጠይቅህ እንጂ? ምን? እውነት ለመናገር የማየው ነገር አሳስቦኛል፡፡ ይንገሩኝ...