Wednesday, July 24, 2024
- Advertisement -
- Advertisement -
ማኅበራዊአሜሪካ 42 ሚሊዮን ብር የሚያወጡ የቲቢ መመርመርያ መሣሪያዎች ለገሰች

አሜሪካ 42 ሚሊዮን ብር የሚያወጡ የቲቢ መመርመርያ መሣሪያዎች ለገሰች

ቀን:

የአሜሪካ መንግሥት 42 ሚሊዮን ብር (አንድ ሚሊዮን ዶላር) የሚያወጡ ቲቢንና መድኃኒት የተለማመደውን ቲቢ በፈጣን ለመመርመር፣ ቶሎ ለመለየትና ለማከም የሚረዱ 46 ማሽኖችን ለኢትዮጵያ መንግሥት አበረከተ፡፡

‹‹ጂን ኤክስፐርት›› የተባሉትና በዕርዳታ የተሰጡትን እነዚህኑ አዳዲስ ማሽኖችን በኢትዮጵያ የመድኃኒት አቅራቢ ኤጀንሲ መጋዘን ጳጉሜን 3 ቀን 2013 ዓ.ም. በተከናወነው ሥነ ሥርዓት የተረከቡት የጤና ሚኒስትር ሊያ ታደሰ (ዶ/ር) ሲሆኑ፣ ያስረከቡት ደግሞ በኢትዮጵያ የአሜሪካ አምባሳደር ጊታ ፓሲ ናቸው፡፡

እንደ አገር እንደዚህ ዓይነት የመመርመሪያ ማሸኖች በየወረዳው እንዲኖሩ እየተሠራ ነው ያሉት ሚኒስትሯ፣ ዓምና በተሠራው የተጠናከረ የቲቢ በሽታን የመከላከልና የመቆጣጠር ተግባር ከጊዜ ወደ ጊዜ ተጨባጭ ለውጥ እያመጣን መሆኑን ገልጸው በዚህም የቲቢርጭት መጠን 2015 እስከ 2020 27% መቀነስ ተችሏል ብለዋል፡፡

በየዓመቱ በቲቢ በሽታ የሚያዙ ሰዎች ቁጥር 157,000 በላይ ይደርሳል ያሉት ሊያ (/ር) ቲቢ ያላቸውን የመለየት ምጣኔ 71 በመቶ ሲሆን፣ እንደዚህ ዓይነት ድጋፎች የመመርመርና የመለየት አቅምን እንደሚያጎለበት አስገንዝበዋል፡፡

ይህም ሆኖ ግን አሁንም በቲቢ የሚያዙ ሰዎች ቁጥር ከፍ ያለ መሆኑን  ገልጸው ለዚህም ቲቢ ኖሮባቸው በየዓመቱ መለየት ያልተቻሉ ወደ 29 በመቶ መድረሱን ሳይገልጹ አላለፉም፡፡

‹‹አሁን የመለየት አቅማችን ለማሻሻል ሰፊ ሥራዎች እየተከናወኑ ናቸው፡፡ ለሥራው መቃናትም የዚህ ዓይነት ማሽኖችን በሁሉም ክልሎች ለማዳረስ አስፈላጊው ጥረት ሁሉ እየደረገ ነው፤›› ብለዋል፡፡

ቲቢን የመከላከል፣ የማከምና የመለየት ሥራን ለማጠናከር እንዲቻል የአምስት ዓመት ስትራቴጂ ተቀርፆ በዚህ ዓመት እየተተገበረ መሆኑን ከሊያ ታደሰ (ዶ/ር) ማብራሪያ ለመረዳት ተችሏል፡፡

የመመርመርያ ማሽኖቹ በሽታውን በፍጥነት ለመለየትና ለማከም ትልቅ እገዛ ያደረጋሉ ያሉት በኢትዮጵያ የአሜሪካ አምባሳደር ጊታ ፓሲ፣ በተለይም በአሁን ሰዓት ተላላፊ የሆኑ በሽታዎችን ለመከላከልና አፋጣኝ ሕክምና እንዲያገኙ ከማድረግ አንፃር የአሜሪካ ተራድዖ ድርጅት (ዩኤስኤይ) ትልቅ ትኩረት ሰጥቶ በመሥራት ላይ መሆኑን ገልጸዋል፡፡

 በምሥራቅ አፍሪካ በአብዛኛው ጊዜ በቲቢ በሽታ የሚጠቃ መሆኑንና በኢትዮጵያም በየዓመቱ ከ24,000 በላይ ዜጎች በቲቢ በሽታ እንደሚሞቱ የገለጹ ሲሆን፣ ለመቆጣጠርና አፋጣኝ ምላሽ ለመስጠት 46ቱ  የቲቢ መመርመሪያ ማሽኖችን አገራቸው ማበርከቷን ገልጸዋል፡፡

በድጋፍ የተገኙት የምርመራ ማሽኖቹ ከዚህ በፊት እስከ ሁለት ቀን ይወስድ የነበረውን የምርመራ ናሙና ውጤት ወደ ሁለት ሰዓት ከመቀነሳቸው በተጨማሪ ትክክለኛ ውጤት ይሰጣሉም ብለዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

“ከሁለት ሳምንት በፊት ወደ ኤርትራ የማደርገውን በረራ እንዳሳድግ ተጠይቄ ነበር” የኢትዮጵያ አየር መንገድ

ኢትዮጵያ አየር መንገድ ወደ ኤርትራ የሚያደርገውን በረራ እንዲያሳድግ የሚጠይቅ...
00:06:46

የኤርትራ አቪዬሽን ባለሥልጣን የኢትዮጵያ አየር መንገድ በረራዎችን ማገዱን አስታወቀ

የኢትዮጵያ ሲቪል አቪዬሽን ባለሥልጣን ጉዳዩን እያጣራሁ ነው ብሏል በኤርትራ ትራንስፖርትና...

[ክቡር ሚኒስትሩ ከተቋሙ የሠራተኞች ማኅበር አመራር ጋር እየተወያዩ ነው]

ጤና ይስጥልኝ ክቡር ሚኒስትር? ሰላም! በአስቸኳይ እንደፈለጉኝ መልዕክት ደርሶኝ ነው የመጣሁት። አዎ።...

የሱዳን ጦርነትና የኢትዮጵያ ሥጋት

የሱዳን ጦርነት ከጀመረ አንድ ዓመት ከአራት ወራት አስቆጠረ፡፡ ጦርነቱ...