Tuesday, July 23, 2024
- Advertisement -
- Advertisement -
ዜናበሦስት ክልሎች ለሚካሄደው ምርጫ የመራጮች ምዝገባ ዓርብ እንደሚያበቃ ተነገረ

በሦስት ክልሎች ለሚካሄደው ምርጫ የመራጮች ምዝገባ ዓርብ እንደሚያበቃ ተነገረ

ቀን:

  • የአየር ሰዓት ድልድል ተደርጓል

መስከረም 20 ቀን 2014 ዓ.ም. በሐረሪ፣ በሶማሌና በደቡብ ክልሎች ለሚካሄደው ምርጫ የመራጮች ምዝገባ ዓርብ ጳጉሜን 5 ቀን 2013 .. እንደሚጠናቀቅ፣ የኢትዮጵያ ብሔራዊ ምርጫ ቦርድ አስታወቀ፡፡

የደቡብ ምዕራብ ኢትዮጵያ ሕዝብ ውሳኔ መስከረም 20 ቀን የኮንታ ልዩ ወረዳ፣ የምዕራብ ኦሞ ዞን፣ የቤንች ሸካ ዞን፣ የካፋ ዞን፣ የዳውሮና የሸካ ዞን ከደቡብ ክልል በመውጣት የጋራ ክልል መመሥረትን ለመደገፍ ወይም ለመቃወም ይካሄዳል፡፡

በመጪው መስከረም 20 ቀን የሚከናወነው ምርጫ በተለያዩ ምክንያቶች ሰኔ 14 ቀን 2013 ዓ.ም. ሳይካሄድ በመቅረቱ ሲሆን፣ የመራጮች ምዝገባ የተጀመረው ነሐሴ 25 ቀን 2013 ዓ.ም. እንደነበር አይዘነጋም፡፡

ብሔራዊ ምርጫ ቦርድ ከኢትዮጵያ ብዙኃን መገናኛ ባለሥልጣን ጋር በመተባበር፣ መስከረም 20 ቀን በሚደረገው ምርጫ ለሚወዳደሩ ፖለቲካ ፓርቲዎችና የግል ዕጩዎች የሚውለውን የነፃ አየር ሰዓት ድልድል መካሄዱን አስታውቋል፡፡

ቦርዱ ነሐሴ 28 ቀን 2013 . ከኢትዮጵያ ብዙኃን መገናኛ ባለሥልጣን ጋር በመተባበር፣ ምርጫ በሚደረግባቸው አካባቢዎች ለሚወዳደሩ ፖለቲካ ፓርቲዎችና የግል ዕጩዎች የሚውለውን የነፃ አየር ሰዓት ድልድል ማካሄዱን ነው የገለጸው፡፡

የአየር ሰዓት ድልድሉ መመርያውን መሠረት በማድረግ በሶማሌ ክልል፣ በሐረሪ ክልልና በደቡብ ክልል ለሚወዳደሩ 22 የፖለቲካ ፓርቲዎችና 106 የግል ዕጩ ተወዳዳሪዎች የቀረበ መሆኑንና በሦስት ሬዲዮ ጣቢያዎች፣ በአራትቴሌቪዥን ጣቢያዎችና በሁለት ጋዜጦች ላይ ይከናወናል ብሏል።

በድልድሉ በቴሌቪዥን 39 ሰዓታት ለፖለቲካ ፓርቲዎች ሲቀርብ ለግል ዕጩ ተወዳዳሪዎች ደግሞ 26 ሰዓታት ከግማሽ ሰዓት፣ በሬዲዮ 32 ሰዓታት ለፖለቲካ ፓርቲዎች ሲቀርብ ለግል ዕጩ ተወዳዳሪዎች ደግሞ 26 ሰዓታት ከግማሽ ሰዓት፣ በጋዜጦችም እንዲሁ በአጠቃላይ 45 ዓምድ ለፖለቲካ ፓርቲዎች መደልደሉ ተጠቁሟል።

የነፃ የአየር ሰዓቱ ከጳጉሜን 2 ቀን 2013 .ም. ጀምሮ እስከ መስከረም 14 ቀን 2014 .ም. ተፈጻሚ እንደሚሆን፣ የፓለቲካ ፓርቲዎች ከብሔራዊ ምርጫ ቦርድ ዋናው ቢሮ የድልድልዓታቸውን መውሰድ እንደሚችሉና ድልድሉ የተከናወነው ከዚህ በፊት በነበረው የዕጣ አወጣጥ ቴክኖሎጂ መሠረት መሆኑን ቦርዱ አስታውቋል

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ኢትዮጵያዊ ማን ነው/ናት? ለምክክሩስ መግባባት አለን?

በደምስ ጫንያለው (ዶ/ር) የጽሑፉ መነሻ ዛሬ በአገራችን ውስጥ በተለያዩ አካባቢዎች ግጭቶችና...

ዴሞክራሲ ጫካ ውስጥ አይደገስም

በገነት ዓለሙ የዛሬ ሳምንት ባነሳሁት የኢሰመኮ ሪፖርት መነሻነትና በዚያም ምክንያት...

ኢትዮጵያ በምግብ ራሷን የምትችለው መቼ ነው?

መድረኩ ጠንከር ያሉ የፖሊሲ ጉዳዮች የተነሱበት ነበር፡፡ ስለረሃብ፣ ስለምግብ፣...

ደረጃውን የጠበቀ ስታዲየም በሌላት አገር ዘመናዊ ስታዲየም እየገነቡ ያሉ ክልሎች

አዲሱ የማዕከላዊ ኢትዮጵያ ክልል ዘመናዊ ስታዲየም ለማስገንባት ከ500 ሚሊዮን...