Tuesday, May 21, 2024
- Advertisement -
- Advertisement -

ስፖርትኢትዮጵያ በቶኪዮ ኦሊምፒክ ከኬንያ ኡጋንዳና ግብጽ በታች ሆና አጠናቀቀች

ኢትዮጵያ በቶኪዮ ኦሊምፒክ ከኬንያ ኡጋንዳና ግብጽ በታች ሆና አጠናቀቀች

ቀን:

በአትሌቲክስ ስፖርት ከአፍሪካ ስመጥር የነበረችው ኢትዮጵያ በቶኪዮ ኦሊምፒክ ተሳትፎዋ ድል ቢቀናትም ፤ በአጠቃላይ ውጤት ከኬንያ ኡጋንዳ እና ግብጽ በታች ሆና አጠናቃላች።

ቅዳሜ ነሐሴ 1 ቀን 2013 ዓም ሌሊት በተካሄደው የወንዶች ማራቶን ፍፃሜውን ባገኘው የቶኪዮ ኦሎምፒክ ኢትዮጵያ በወንዶች ማሮትን ሦስት አትሌቶችን ብታሳትፍም ፤ ሶስቱም ኢትዮጵያውያን ውድድሩን መጨረስ ሳይችሉ ቀርተዋል። 

የቶኪዮ ኦሎምፒክ ማጠናቀቂያ የነበረው የወንዶች ማራቶን ውድድርም በኬንዬዊው አትሌት ኤሉድ ኪፕቾጌ አሸናፊነት ተጠናቋል። ኤሉድ ኪፕቾጌ በ2:08.38 አንደኛ በመውጣት ያለፈውን የኦሊምፒክ ማራቶን ሻምፕዮንነት ክብሩን አስጠብቋል። በዚህ ውድድር ኔዘርላንዳዊው አብዲ ናጌዬ ሁለተኛ፣ ቤልጂየማዊው ባሺር አብዲ ሶስተኛ ሆነው ሲጨርሱ ፤ ሦስቱን የኢትዮጵያውያ አትሌቶችን ጨምሮ 30 አትሌቶች ውድድሩን ሳይጨርሱ አቋርጠው መውጣታቸው ታውቋል።

- Advertisement -

በቶኪዮ ኦሊምፒክ ተሳትፎ ኢትዮጵያ አንድ የወርቅ፣ አንድ የብር፣ እና በሁለት የነሐስ ፤ በድምሩ በአራት ሜዳልያዎች ከዓለም 56ኛ ፣ ከአፍሪካ ደግሞ 5ኛ ደረጃን ይዛ ጨርሳለች፡፡ 

የኢትዮጵያ የምንጊዜም ተፎካካሪ የሆነችው ኬንያ በአትሌቲክስ ስፖርት ዘርፍ ተሳትፎዋን እና ፋክክሩን በማስፋት የቶኪዮ ኦሎምፒክ ውድድርን በ4 የወርቅ፣ በ4 የብር፣ እና በ2 የነሐስ ሜዴሊያዎች በድምሩ በ10 ሜዳልያዎች ከዓለም 19ኛ ፤ ከአፍሪካ አንደኛ ሆና አጠናቃለች።

ከቅርብ ዓመታት ወዲህ በአትሌቲክስ ዘርፍ የነቃ ተሳትፎ በማድረግ ላይ የምትገኘው የምስራቅ አፍሪካዋ ኡጋንዳም የቶኪዮ ኦሎምፒክን ከኢትዮጵያ በተሻለ ውጤት አጠናቃለች።

በዚህም መሠረት ኡጋንዳ በ2 የወርቅ፣ በ1 የብር፣ እና በ1 የነሐስ በድምሩ በ4 ሜዳልያዎች ከዓለም 35ኛ ከአፍሪካ ሁለተኛ ሆና አጠናቃለች፡፡ 

ደቡብ አፍሪካ በአንድ ወርቅና ሁለት ብር ከዓለም 52ኛ ከአፍሪካ ሶስተኛ ደረጃ ላይ ስትቀመጥ ፤ ሌላዋ የአፍሪካ ሀገር ግብጽ በአንድ ወርቅ በአንድ ብር እና በአራት የነሐስ ሜዳሊያዎች ከዓለም 54ኛ ከአፍሪካ ደግሞ አራተኛ ደረጃን ይዛ አጠናቃለች።

ደቡብ አፍሪካ በድምሩ ያገኘችው ሜዳሊያ ብዛት ሦስት ቢሆን ፤ የሜዳሊያ ሰንጠረዡ አቀማመጥ ቅድሚያ የሚሰጠው ለወርቅ ፣ ቀጥሎ ለብር እና ለነሐስ በመሆኑ እና ሁለት የብር ሜዳሊያዎችን በማግኘቷ በሜዳሊያ ሰንጠረዡ ደረጃዋ ከፍ ብሏል።

የቶኪዮ ኦሊምፒክ የሜዳልያ ሰንጠረዥ አናት ላይ የተቀመጠችው አሜሪካ ስትሆን ፤ በ39 የወርቅ፣ በ40 የብር፣ እና በ33 የነሐስ በድምሩ 112 ሜዳልያዎችን አግኝታለች። በሁለተኛ ደረጃ የጨረሰችው ቻይና ስትሆን ፤ 38 የወርቅ ፣ 32 የብር እና 18 የነሐስ ሜዳልያዎችን በድምሩም 88 ሜዳሊያዎችን አግኝታለች።

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

በሥጋ ላይ አላግባብ እየተጨመረ ያለውን ዋጋ መንግሥት ሊቆጣጠረው ይገባል

በአገራችን የግብይት ሥርዓት ውስጥ ኢኮኖሚያዊ ያልሆኑ ወይም ያልተገቡ የዋጋ...

ኢትዮጵያን የተባበረ ክንድ እንጂ የተናጠል ጥረት አይታደጋትም!

ኢትዮጵያ በአሁኑ ጊዜ ከምትገኝበት ውጥንቅጥ ውስጥ የምትወጣበት ዕድል ማግኘት...

የፖለቲካ ቅኝቱ የሕዝባችንን ታሪካዊ ትስስር ለምን አያከብርም?

በንጉሥ ወዳጅነው የዓብይ አህመድ (ዶ/ር) መራሹ የ2010 ዓ.ም. የለውጥ መንግሥት...

ዛሬም ኧረ በሕግ!

በገነት ዓለሙ በዚህ በያዝነው ሚያዝያ/ግንቦት ወይም ሜይ ወር ውስጥ የተከበረው፣...