Wednesday, July 24, 2024
- Advertisement -
- Advertisement -
ማኅበራዊሦስተኛው ዙር የኮቪድ-19 ወረርሽኝ በኢትዮጵያ ለመጀመሩ ፍንጭ መታየቱ ተገለጸ

ሦስተኛው ዙር የኮቪድ-19 ወረርሽኝ በኢትዮጵያ ለመጀመሩ ፍንጭ መታየቱ ተገለጸ

ቀን:

አሜሪካ ከ1.2 ሚሊዮን በላይ ክትባት መለገሷን አስታወቀች

በኢትዮጵያ የኮቪድ-19 የዴልታ ቫይረስ መኖሩ ባይረጋገጥም ሦስተኛው ዙር ወረርሽኝ መከሰቱን የሚያሳዩ ምልክቶች መታየት መጀመራቸውን፣ የኢትዮጵያ ኅብረተሰብ ጤና ኢንስቲትዩት አስታወቀ፡፡

ኢንስቲትዩቱ ባወጣው መግለጫ በማሳያነት የጠቀሰው ከሦስት ሳምንት በፊት በኮቪድ-19 ቫይረስ የሚያዙ ሰዎች ቁጥር አነስተኛ የነበረ ቢሆንም፣ በአሁኑ ወቅት ግን መጨመሩ ታይቷል ብሏል፡፡

ይህም በአማካይ በአንድ ቀን 70 ሰዎች በኮቪድ-19 ቫይረስ ተይዘው ሪፖርት ይደረግ እንደነበር፣ ነገር ግን ከቀን ወደ ቀን እየጨመረ መጥቶ ሐምሌ 22 ቀን 2013 ዓ.ም. 476 ሰዎች በኮቪድ-19 ቫይረስ መያዛቸውን ገልጿል፡፡ ይህም ቁጥር ሁለተኛው ዙር ካበቃበት ጊዜ ጀምሮ ከፍተኛ ቁጥር ሆኖ እንደተመዘገበ መረጃው ያመለክታል፡፡

ናሙና ከሚሰጡ 100 ሰዎች ከአንድ እስከ ሁለት ሰዎች የመያዝ ምጣኔ የነበረ መሆኑን፣ የሐምሌ 22 ቀን ግን ከሦስት እጥፍ በላይ ጨምሮ ወደ ሰባት ሰዎች የመያዝ ምጣኔ ከፍ ማለቱን አስታውቋል፡፡

በሌላ በኩል በፅኑ ሕሙማን ክፍል ውስጥ የሚገኙ ሕሙማን ከሦስት ሳምንት በፊት በአማካይ 124 ሕሙማን የነበሩ መሆናቸውን፣ ሐምሌ 22 ቀን በእጥፍ በመጨመር 228 መድረሳቸውን መረጃው አመላክቷል፡፡

የመጀመርያውና የሁለተኛው ዙር የኮቪድ-19 ወረርሽኝ በመላው ዓለም የሚገኙ በብዙ ሚሊዮን የሚቆጠሩ ሰዎችን ለጤና መታወክና ለሕልፈተ ሕይወት ዳርጎ አልፏል፡፡ በተራው የተተካው ሦስተኛው ዙር የኮቪድ-19 ወረርሽኝ ደግሞ ቀሳፊነቱን እንደ ሰደድ እሳት ተያይዞታል፡፡ የመከላከያ መንገዶች በአግባቡ ሥራ ላይ አለመዋላቸውና የኮቪድ-19 ዴልታ ቫይረስ መኖሩ፣ ለቀሳፊነቱ መጨመር ከፍተኛ አስተዋጽኦ ማድረጉን መረጃዎች ይጠቁማሉ፡፡

በመሆኑም ሁለተኛው ዙር ካበቃ በኋላ በተወሰነ ደረጃ በማኅበረሰቡ መልኩ የታዩ መዘናጋቶች፣ እንዲሁም የኮቪድ-19 መከላከያ መንገዶች በአግባቡ ባለመተግበራቸው ሦስተኛ ዙር ሊከሰት የሚችልበት ምልክቶች እየታዩ ነው፡፡

ኢንስቲትዩቱ የኮቪድ-19 ወረርሽኝን ለመከላከል ማስክ ማድረግ፣ የእጅን ንፅህና በአግባቡ በማከናወንና ርቀትን በመጠበቅ፣ በተጨማሪም የኮቪድ-19 ክትባት በመከተብ ወረርሽኙን መቆጣጠር እንዲቻል ኅብረተሰቡ በኃላፊነት ስሜት ተጠናክሮ እንዲሠራ አሳስቧል፡፡

በኢትዮጵያ እስከ ሐምሌ 26 ቀን ድረስ 280,833 ግለሰቦች በቫይረሱ መያዛቸው የተረጋገጠ ሲሆን፣ ከእነዚህም ውስጥ 263,694 ከኮቪድ-19 ቫይረስ አገግመዋል፡፡  እንዲሁም 4,391 ግለሰቦች በወረርሽኙ ምክንያት ሕይወታቸውን አጥተዋል።

በኢትዮጵያ በአጠቃላይ 3,028,542  ምርመራዎች  የተካሄዱ ሲሆን፣ 2,221,206 ሰዎች ደግሞ ተከትበዋል፡፡

በተያያዘ ፅኑ ሕሙማንን ከሚያስተናግዱ ተቋማት አንዱ የሆነው ኤካ አጠቃላይ ሆስፒታል የፅኑ ሕሙማን ክፍሉ በኮቪድ-19 ታማሚዎች መሙላቱን፣ ኃላፊው ያሬድ አግደው (ዶ/ር) በማኅበራዊ የትስስር ገጻቸው አስታውቀዋል፡፡

ይህ በዚህ እንዳለ የአሜሪካ መንግሥት በተጨማሪ 1,210,550 ጆንሰን ኤንድ ጆንሰን የተሰኘ ክትባት ለኢትዮጵያ መለገሱን፣ በኢትዮጵያ የአሜሪካ ኤምባሲ ማክሰኞ ሐምሌ 27 ቀን 2013 ዓ.ም. አስታወቀ፡፡ በቅርቡም 453,600 ክትባት ኢትዮጵያ ከአሜሪካ መንሥት እንደተለገሳት አስታውሷል፡፡ በተጨማሪ የተለገሰው የጆንሰን ኤንድ ጆንሰን ክትባት ሰኞ ዕለት አዲስ አበባ መድረሱን ኤምባሲው ገልጿል፡፡

ከሐምሌ 20 ቀን 2013 ዓ.ም. ድረስ በየዕለቱ በኮቪድ-19 ወረርሽኝ የተያዙና በፅኑ ሕሙማን ክፍል ውስጥ ያሉትን ታካሚዎች ብዛት ከዚህ በታች በቀረበው ሠንጠረዥ አማካይነት ቀርቧል፡፡

ሦስተኛው ዙር የኮቪድ-19 ወረርሽኝ በኢትዮጵያ ለመጀመሩ ፍንጭ መታየቱ ተገለጸ

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

“ከሁለት ሳምንት በፊት ወደ ኤርትራ የማደርገውን በረራ እንዳሳድግ ተጠይቄ ነበር” የኢትዮጵያ አየር መንገድ

ኢትዮጵያ አየር መንገድ ወደ ኤርትራ የሚያደርገውን በረራ እንዲያሳድግ የሚጠይቅ...
00:06:46

የኤርትራ አቪዬሽን ባለሥልጣን የኢትዮጵያ አየር መንገድ በረራዎችን ማገዱን አስታወቀ

የኢትዮጵያ ሲቪል አቪዬሽን ባለሥልጣን ጉዳዩን እያጣራሁ ነው ብሏል በኤርትራ ትራንስፖርትና...

[ክቡር ሚኒስትሩ ከተቋሙ የሠራተኞች ማኅበር አመራር ጋር እየተወያዩ ነው]

ጤና ይስጥልኝ ክቡር ሚኒስትር? ሰላም! በአስቸኳይ እንደፈለጉኝ መልዕክት ደርሶኝ ነው የመጣሁት። አዎ።...

የሱዳን ጦርነትና የኢትዮጵያ ሥጋት

የሱዳን ጦርነት ከጀመረ አንድ ዓመት ከአራት ወራት አስቆጠረ፡፡ ጦርነቱ...