Sunday, May 19, 2024
- Advertisment -
- Advertisment -

​​​​​​​[ክቡር ሚኒስትሩ ወደ ቢሯቸው ገብተው ከአማካሪያቸው ጋር ስለወቅታዊ ጉዳዮች እያወጉ ነው]

  • ክቡር ሚኒስትር እንዲያው አንድ ያልገባኝን ነገር ልጠይቅዎት ነው፡፡
  • መፍትሔ ታመነጫለህ ተብሎ የአማካሪነት ቦታ ቢሰጥህ የተገላቢጦሽ ሥራህ መጠየቅ ሆነ፣ ግድ የለም ጠይቅ፡፡
  • ክቡር ሚኒስትር በማማከር ሥራዬ ያጎደልኩት አለ እንዴ?
  • እኔ አማክርሃለሁ፣ ጠይቅ አንተ፡፡
  • ኧረ ክቡር ሚኒስትር አይቀልዱብኝ፣ እንዲያው የክተት ጥሪው ነገር ግራ ገብቶኝ እንዲያስረዱኝ ብዬ እንጂ ሌላ እንኳ አልነበረም፡፡
  • የክተት ጥሪው ምን ጥያቄ ፈጠረብህ?
  • በታሪክ እስከማውቀው ክተት የሚጠራው ለውጭ ጠላት ነበር፣ የአሁኑ ክተት ግን ለአገር ውስጥ መሆኑ ትንሽ ጥያቄ ፈጠረብኝ፡፡
  • ብቻቸውን መስለውህ ነው?
  • ምን አሉኝ ክቡር ሚኒስትር?
  • ብቻቸውን አይደሉም፣ በሱዳን በኩል ከተሠለፉት እስከ አሜሪካ ድረስ ክተት ብለው ዘምተውብን አይደለም እንዴ ያሉት?
  • እሱስ ልክ ብለዋል፣ ሕዝቡ ጥሪውን ተቀብሎ የሚያደርገው ድጋፍ አስገራሚ ነው የሆነብኝ፡፡
  • ወጣቱ ወደ መከላከያ ለመቀላቀል የሚተመው ሚስጥሩ ገብቶት አይመስልህም? ብቻ እንዳልከው አስደናቂ ምላሽ ነው፡፡
  • ክቡር ሚኒስትር ወጣቱ ብቻ መሰለዎት እንዴ እየተመመ ያለው? ሠንጋውስ ቢሉ?
  • ምኑ?
  • ስንት ሺሕ ሠንጋ በስንቅ መልክ ሲቀርብ አላዩም እንዴ?
  • አላየሁም፡፡
  • እንዴት አላዩም?
  • የምናየው እንደምንመርጠው ይወሰናል፡፡
  • አቤት ሠንጋ… አቤት ሠንጋ…
  • ከስንት ነገር መካከል የታየህ ሠንጋው ነው?
  • ክቡር ሚኒስትር እሱማ የክተት ጥሪው ነው ዋናው፣ እኔ ራሱ…
  • አንተ ራሱ ምን?
  • አማካሪ ባልሆን ጥሪውን ተቀብዬ እከት ነበር፡፡
  • አንተ በጊዜ ከከተትክ ይበቃል፡፡
  • ወዴት?
  • ወደ ቤትህ!

[የክቡር ሚኒስትሩ ስልክ ጠራ፡፡ ሰሞኑን በወቅታዊ ጉዳዮች ላይ እያነጋገሯቸው የነበሩ አንድ የአውሮፓ ዲፕሎማት ናቸው] 

  • ጤና ይስጥልኝ ክቡር ሚኒስትር?
  • እንደምን አሉ አምባሳደር?
  • ክቡር ሚኒስትር በሠራችሁት ሥራ በጣም አዝኜ ነው የደወልኩት፣ ጥረታችንን የሚያበላሽ ተግባር ነው የፈጸማችሁት፡፡
  • አምባሳደር ምንድነው ያሳዘነዎት ተግባር?
  • ቅድመ ሁኔታዎቹን በሙሉ አንስተው ድርድሩን ሊቀበሉ ጫፍ በደረሱበት ሰዓት ክስ መሠረታችሁባቸው፡፡ የሰላም ጥረቱን የሚያደናቅፍ አካሄድ ነው የመረጣችሁት፡፡
  • አምባሳደር ቀድሞውንም ቢሆን በወንጀል መጠየቅ የሚገባቸው እንዳሉ አሳውቀውናል፡፡ በዚያ ላይ ደግሞ ክስ እንዳይመሠረትባቸው ያደረግንባቸው አመራሮች መኖራቸውን አይዘንጉ፡፡
  • ክቡር ሚኒስትር ማን ክስ ያልተመሠረተበት አለ? ሁሉም ተመሥርቶበት የለ እንዴ?
  • ክስ ያልተመሠረተባቸው አሉ አምባሳደር፡፡ እነሱ ይህንን ያውቃሉ ለዚያ ነው ክስ በተመሠረተባቸውና ባልተመሠረተባቸው መካከል ግጭት ማለቴ የአቋም ልዩነት የተፈጠረው፡፡
  • እና በድርድሩ ጉዳይ ላይ ቡድኑ ለሁለት የተከፈለው ለዚያ ነው ማለት ነው? አንዳንዶቹ ድርድሩን ለመቀበል ቅድመ ሁኔታዎቹ እንዲነሱ ሲጠይቁ ሌሎቹ አሻፈረኝ ብለው አስቸግረውናል፡፡
  • አምባሳደር በእኛ በኩል ወንጀለኛ ብለን ከፈረጅነው አካል ጋር ለመደራደር ፍላጎት እንደሌለን ነው ልነግርዎት የምችለው፣ በፍጥነት ወደ ድርድር የማይመጡ ከሆነም መንግሥት በቅርቡ ውሳኔ ሊያሳልፍ እንደሚችል እንዲያውቁ እንፈልጋለን፡፡
  • የምን ውሳኔ ነው ክቡር ሚኒስትር?
  • እስካሁን የመከላከል እንጂ የማጥቃት ዕርምጃ እንዳልወሰድን የሚያውቁ ይመስለኛል፡፡
  • አዎ አውቃለሁ፡፡
  • ይህ የሆነው ወደ ድርድር እንዲመጡ ብለን ነው አምባሳደር፣ በፍጥነት ወደ ድርድር የማይመጡ ከሆነ ግን የማጥቃት ውሳኔ ለማሳለፍ እንገደዳለን፡፡

[ክቡር ሚኒስትሩ ወደ ቶኪዮ ያመራውን የኢትዮጵያ አትሌቲክስ ቡድንን በተመለከተ ከአንጋፋ አትሌቶች ጋር እየመከሩ ነው]

  • ክቡር ሚኒስትር እንዴት ኢትዮጵያን የሚያህል አገር በተከበረችበት የኦሊምፒክ ስፖርት በሁለት ሰው ብቻ ትወከላለች?
  • መንግሥት ስፖርቱን መደገፍ እንጂ አስተዳደር ውስጥ ሊገባ እንደማይችል ታውቃላችሁ ብዬ እገምታለሁ፡፡
  • ክቡር ሚኒስትር እሱን እናውቃለን፣ ነገር ግን ችግሩ የተፈጠረው መንግሥት ሳያውቀው ስለገባ ነው፡፡
  • መንግሥት ሳያውቀው ስለገባ ነው?
  • አዎ ክቡር ሚኒስትር፡፡ 
  • እንዴት?
  • ሰውዬው መንግሥት ናቸው፡፡
  • መቀለድ ጀመራችሁ? እንደዚያ ከሆነ ምርጫ ማድረግ ነዋ፡፡
  • ክቡር ሚኒስትር እሱንም እኮ ሞክረን ነበር ግን አልቻልንም፡፡
  • ለምን?
  • ኮሮና ብለው አራዘሙት፡፡

 

 

በብዛት የተነበቡ ፅሁፎች

- Advertisment -

ትኩስ ፅሁፎች

በሥጋ ላይ አላግባብ እየተጨመረ ያለውን ዋጋ መንግሥት ሊቆጣጠረው ይገባል

በአገራችን የግብይት ሥርዓት ውስጥ ኢኮኖሚያዊ ያልሆኑ ወይም ያልተገቡ የዋጋ...

ኢትዮጵያን የተባበረ ክንድ እንጂ የተናጠል ጥረት አይታደጋትም!

ኢትዮጵያ በአሁኑ ጊዜ ከምትገኝበት ውጥንቅጥ ውስጥ የምትወጣበት ዕድል ማግኘት...

የፖለቲካ ቅኝቱ የሕዝባችንን ታሪካዊ ትስስር ለምን አያከብርም?

በንጉሥ ወዳጅነው የዓብይ አህመድ (ዶ/ር) መራሹ የ2010 ዓ.ም. የለውጥ መንግሥት...

ዛሬም ኧረ በሕግ!

በገነት ዓለሙ በዚህ በያዝነው ሚያዝያ/ግንቦት ወይም ሜይ ወር ውስጥ የተከበረው፣...

በስድስተኛው ዙር ጠቅላላና ድጋሚ ምርጫ የሚሳተፉ ፓርቲዎች በገዥው ፓርቲ ላይ ተቃውሞ እያቀረቡ ነው

በ2013 ዓ.ም. ስድስተኛው ምርጫ ባልተካሄደባቸው ክልሎች በጠቅላላና በድጋሚ ምርጫ...
spot_img

ተዛማጅ ፅሁፎች

[ክቡር ሚኒስትሩ የቢሮ ሥራቸውን አጠናቀው ከውጭ አገር የመጣ ወንድማቸውን ለመጠየቅ ያረፈበት ገስት ሀውስ ሲደርሱ ወንድማቸው በቴሌቪዥን የሚተላለፈውን ፕሮግራም በመገረም እየተከታተለ አገኙት]

ውይ መጣህ እንዴ? እስኪ አረፍ በል፡፡ ምንድነው እንዲህ ያስደነቀህ? ተደንቄ ሳይሆን ግራ ግብት ብሎኝ ነው። ምኑ ነው ግራ ያጋባህ? የድልድይ ማስመረቅና የድልድይ ማፍረስ ነገር ነዋ። አልገባኝም? አለቃችሁ ድልድይ ሲያስመርቁ የተናገሩትን...

[ክቡር ሚኒስትሩ ከዘመዶቻቸውና ቤተሰቦቻቸው ጋር ሆነው በዓሉን በመኖሪያ ቤታቸው እያከበሩ ነው። ባለቤታቸውም ለበዓሉ የተዘጋጀውን ዳቦ ባርከው እንዲቆርሱ ለሚኒስትሩ እያቀረቡ ነው]

በል ዳቦውን ባርክና ቁረስልንና በዓሉን እናክብር? ጥሩ ወዲህ አምጪው... አዎ! በል መርቅ... ከዓመት ዓመት ያድርሰን... ኧረ በሥርዓት መርቅ ተው? ከዓመት ዓመት ያድርሰን አልኩኝ እኮ ...አልሰማሽም? ከዓመት ዓመት መድረሱ ብቻ ምን...

[ክቡር ሚኒስትር መንግሥት ይፋ ያደረገውን ንቅናቄ አመራሮችና ቤተሰቦቻቸው በግንባር ቀደምትነት እንዲቀላቀሉ መታዘዙን ለባለቤታቸው እያጫወቱ በዚያውም ወደተከፈተው የባንክ ሒሳብ ገንዘብ እንዲያስተላልፉ እያግባቧቸው ነው]

በይ እስኪ ሞባይልሽን አውጪና ወደዚህ የባንክ ሒሳብ አንድ ሺሕ ብር አስተላልፊ? ለምን? መንግሥት ያስጀመረውን ንቅናቄ አመራሩ ከነቤተሰቡ ግንባር ቀደም ሆኖ እንዲደግፍ ታዟል። የምን ንቅናቄ ነው መንግሥት ያስጀመረው? ‹‹ፅዱ...