Saturday, May 18, 2024
- Advertisement -
- Advertisement -

ማኅበራዊድርጅቶችንና መኖሪያ ቤቶችን የሚያከራዩ የተከራዮችን ማንነት እንዲያረጋግጡ ማሳሰቢያ ተሰጠ

ድርጅቶችንና መኖሪያ ቤቶችን የሚያከራዩ የተከራዮችን ማንነት እንዲያረጋግጡ ማሳሰቢያ ተሰጠ

ቀን:

ወንጀልና ሌሎች የፀጥታ ችግሮችን አስቀድሞ ለመከላከል እንዲቻል ድርጅቶችንና መኖሪያ ቤቶችን የሚያከራዩና የመኝታ አገልግሎት የሚሰጡ ልዩ ልዩ ድርጅቶችና ግለሰቦች፣ የተከራዮችን ማንነት እንዲያረጋግጡ የአዲስ አበባ ከተማ ፖሊስ ኮሚሽን አሳሰበ፡፡

የአዲስ አበባ ከተማ ፖሊስ ኮሚሽን ሰሞኑን በሰጠው መግለጫ እንዳሳሰበው፣ በተለያዩ አካባቢዎች ማንነታቸውን ሰውረውና አቅደው መኖሪያ ቤቶችንና መኝታ ቤቶችን በመከራየት ወንጀል ለመፈጸም የሚንቀሳቀሱ ግለሰቦች ስለመኖራቸው  ከምርመራ መዛግብት ተረድቷል፡፡

የከተማዋን ሰላም በዘላቂነት ማስቀጠል የተቻለው በፀጥታ አካላት ቁርጠኝነትና በኅብረተሰቡ የነቃ ተሳትፎ መሆኑን የገለጸው ፖሊስ፣ አሁንም ይህንን ሰላም አስተማማኝ አድርጎ ማቆየት እንዲቻል ከመቼውም ጊዜ በላይ ለፀጥታ ልዩ ትኩረት መስጠት የሚያስፈልግበት ውቅት ላይ መሆኑን አስታውቋል፡፡

- Advertisement -

የአዲስ አበባ ፖሊስ ኮሚሽን ኮሚሽነር ጌቱ አርጋው እንደገለጹት፣ በሕዝብ ተወካዮች ምክር ቤት አሸባሪ ተብሎ የተሰየመውን የሕወሓት ቡድን በተግባር ይደግፋሉ ተብለው የተጠረጠሩ 323 ግለሰቦችን በቁጥጥር ሥር ውለው ምርመራ እየተደረገባቸው መሆኑን  ጠቁመዋል፡፡ተጠረጠሩባቸው ወንጀሎች መካከል ቡድኑን መደገፍ፣ የጦር መሣሪያ ይዞ መገኘት፣ ሕገ መንግሥቱን ማንቋሸሽ፣ ሰንደቅ ዓላማን ማዋረድ፣ ሐሺሽ ማጨስና ቁማር መጫወት እንደሚካተቱበት አክለዋል።

በወንጀሎቹ ተጠርጥረው በቁጥጥር ሥር ከዋሉት ግለሰቦች መኖሪያ ቤት፣ በፍርድ ቤት ፈቃድ በተደረገ ፍተሻ፣ የሕወሓት ልዩ ኃይል አልባሳት፣ ሽጉጦች፣  ክላሾችና ጥይቶችን ጨምሮ የተለያዩ የጦር መሣሪያዎች መገኘታቸውንም ገልጸዋል፡፡

ከተጠርጣሪዎቹ ጋር ግንኙነት አላቸው የተባሉ የንግድ ድርጅቶችም ታሽገው ምርመራ እየተካሄደባቸው መሆኑን፣ ተጠርጣሪዎቹ  በቁጥጥር ሥር የዋሉት እየተነገረ እንዳለው በብሔራቸው ምክንያት ሳይሆን፣ በትክክልና ተጨባጭ ወንጀል ፈጽመው በመገኘታቸው መሆኑን ኮሚሽነሩ አስታውቀዋል፡፡

የመኖሪያ ቤት የሚያከራዩ ግለሰቦች፣ የመኝታ አገልግሎት የሚሰጡ ሆቴሎች፣ ፔንሲዮኖችና ተመሳሳይ አገልግሎት የሚሰጡ የንግድ ቤቶች ማንነታቸው በግልጽ ላልታወቁ ሰዎች እንዳያከራዩበሚያከራዩበት ወቅትም የተከራዩን ማንነት የሚገልጹ የነዋሪነት መታወቂያና ሌሎች ሰነዶችን በሚገባ አረጋግጠው በመመዝገብ፣  በአቅራቢያቸው ለሚገኝ ፖሊስ ጣቢያ ማሳወቅ እንደሚጠበቅባቸው አሳስበዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ