Tuesday, July 23, 2024
- Advertisement -
- Advertisement -
ማኅበራዊ​​​​​​​አሜሪካ ከ400 ሺሕ ዶዝ በላይ የኮቪድ-19 ክትባት ለኢትዮጵያ ለገሰች

​​​​​​​አሜሪካ ከ400 ሺሕ ዶዝ በላይ የኮቪድ-19 ክትባት ለኢትዮጵያ ለገሰች

ቀን:

አሜሪካ ለኢትዮጵያ ለመስጠት ቃል ከገባችው 1.2 ሚሊዮን ዶዝ የኮቪድ-19 ክትባት ‹‹ጆንሰን ኤንድ ጆንሰን›› ውስጥ 453,600 ዶዝ ክትባት ሐምሌ 12 ቀን 2013 ዓ.ም. አስረከበች፡፡ ክትባቱን ያስረከቡት በኢትዮጵያ የአሜሪካ አምባሳደር ጊታ ፓሲ ሲሆኑ፣ የተረከቡት ደግሞ የጤና ሚኒስትሯ ሊያ ታደሰ (ዶ/ር) ናቸው፡፡

አሜሪካ በሚቀጥሉት ሳምንታት 25 ሚሊዮን ዶዝ የኮቪድ-19 ክትባት ለ49 የአፍሪካ አገሮች ድጋፍ የምታደርግ ሲሆን፣ በመጀመርያው ዙር ከአንድ ሚሊዮን ዶዝ በላይ ለቡርኪናፋሶ፣ ለጂቡቲና ለኢትዮጵያ ተደራሽ እንደሚሆን ኤምባሲው በላከው መግለጫ አስታውቋል፡፡

የተለገሰው ክትባት አሜሪካ በዓለም አቀፍ ደረጃ ቫይረሱን ለመከላከል የምታደርገው ድጋፍ አካል ነው፡፡ አሜሪካ በዓለም አቀፍ ደረጃ 80 ሚሊዮን የክትባት ዶዝ ለመስጠት ከገባችው ቃል 25 ሚሊዮኑ ለአፍሪካ ነው፡፡

ከአፍሪካ ኅብረትና ከአፍሪካ ሲዲሲ ጋር በመተባበር ለየአገሮች የሚደርሰው መጠን የተሠራ ሲሆን፣ ክትባቱ ደግሞ በኮቫክስ በኩል ገብቷል፡፡

ዕርዳታው ኢትዮጵያውያን ኮቪድ-19 ከሚያስከትለው ችግር እንዲጠበቁና የኢትዮጵያን ኢኮኖሚ መልሶ ለመገንባት የነበሩ እንቅፋቶችን ለመቀነስ ያስችላል ተብሏል፡፡

ኮቪድ-19 በመከላከሉ ዘርፍ ቬንትሌተሮች፣ መድኃኒቶች፣ የመመርመርያ ኪት፣ የኦክስጅን ዕቃዎችና የጤና ባለሙያ መጠበቂያ አልባሳት ከዚህ ቀደም መለገሳቸውን ያስታወሱት አምባሳደር ፓሲ፣ ክትባቱን በመጨመራቸው እንደተደሰቱ ገልጸዋል፡፡

ኢትዮጵያ ቫይረሱን ለመከላከል እስካሁን ከሁለት ሚሊዮን በላይ ዜጎቿን ‹‹የአስትራዜኒካ›› እና ‹‹ሲኖፋርም›› ክትባቶችን መስጠቷ ይታወቃል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ኢትዮጵያዊ ማን ነው/ናት? ለምክክሩስ መግባባት አለን?

በደምስ ጫንያለው (ዶ/ር) የጽሑፉ መነሻ ዛሬ በአገራችን ውስጥ በተለያዩ አካባቢዎች ግጭቶችና...

ዴሞክራሲ ጫካ ውስጥ አይደገስም

በገነት ዓለሙ የዛሬ ሳምንት ባነሳሁት የኢሰመኮ ሪፖርት መነሻነትና በዚያም ምክንያት...

ኢትዮጵያ በምግብ ራሷን የምትችለው መቼ ነው?

መድረኩ ጠንከር ያሉ የፖሊሲ ጉዳዮች የተነሱበት ነበር፡፡ ስለረሃብ፣ ስለምግብ፣...

ደረጃውን የጠበቀ ስታዲየም በሌላት አገር ዘመናዊ ስታዲየም እየገነቡ ያሉ ክልሎች

አዲሱ የማዕከላዊ ኢትዮጵያ ክልል ዘመናዊ ስታዲየም ለማስገንባት ከ500 ሚሊዮን...