Monday, July 22, 2024
- Advertisement -
- Advertisement -
ማኅበራዊ​​​​​​​ዕውን የሆነው የልጆች የሳይንስ ማዕከል

​​​​​​​ዕውን የሆነው የልጆች የሳይንስ ማዕከል

ቀን:

ልጆች በተመቻቹ የቴክኖሎጂ ቁሳቁሶች እየተዝናኑ ስለሳይንስና ቴክኖሎጂ ፅንሰ ሐሳብና አሠራር ዕውቀት የሚያገኙበት የልጆች ሳይንስ ማዕከል በአዲስ አበባ ከተማ ተቋቁሟል፡፡

በኢትዮጵያ ሳይንስ አካዴሚ ቅጥር ግቢ ውስጥ በ15.8 ሚሊዮን ብር ወጪ  የተቋቋመው ማዕከል ሐምሌ 10 ቀን 2013 ዓ.ም. ሲመረቅ፣ የሳይንስ አካዴሚው ፕሬዚዳንት ፅጌ ገብረ ማርያም (ፕሮፌሰር) እንደገለጹት፣ ማዕከሉ የሳይንስ ዕውቀትንና ባህልን ለማሳደግ እንዲሁም ሕፃናት በተመቻቹ የቴክኖሎጂ ቁሳቁሶች እየተዝናኑ ስለ ሳይንስና ቴክኖሎጂ ፅንሰ ሐሳብና አሠራር ዕውቀት እንዲያገኙ ተቋቁሟል፡፡

አካዴሚው በዋናነት የሳይንስ ዕውቀትንና ባህልን የማሳደግና የማስፋፋት፣ እንዲሁም ለመንግሥትና ለሌሎች ባለድርሻ አካላት በማስረጃ ላይ የተመሠረተ የፖሊሲ ምክር የመስጠት ዓበይት አገራዊ ፋይዳ ያላቸውን ተግባራትን በማከናወን ላይ እንደሆነም ነው ፕሬዚዳንት የተናገሩት፡፡

አገሪቱ ወቅቱ በሚፈልገው የዕድገት አቅጣጫና ፍጥነት እንድትጓዝ ለማድረግ የሳይንስ ዕውቀት ማበልፀጊያ ተቋማት ግንባታ፣ የሳይንስ ማኅበረሰብ ምሥረታና የአገር በቀል ዕውቀት አጣምሮ መሥራት እንዳለበት አሳስበዋል፡፡

 ለዚህ ዓላማ ስኬት መንግሥት፣ የጀርመን የባህል ተቋምናጀርመን የሚገኘው ፌኖሜንታ ሳይንስ ማዕከል ላደረጉት ቴክኒካዊና ፋይናንስ ድጋፍ ምስጋና አቅርበዋል፡፡

 የጀርመን የባህል ተቋምና የፌኖሜንታ ሳይንስ ማዕከል ተወካዮችም ተለያየ የዕድሜ ደረጃና የትምህርት ዕርከን ላይ የሚገኙ የማኅበረሰቡን አካላት ግንዛቤ ለማሳደግና የሳይንስ ዕውቀትን ለማስረፅ ማዕከሉ ጉልህ ሚና እንደሚኖረው ነው ያመለከቱት፡፡

ኢትዮጵያ የበርካታ አገር በቀል ዕውቀቶች፣ የጥንታዊ ታሪክ ቅርሶችና የተፈጥሮ ፀጋ ባለቤቶች መሆኗን ያወሱት የሳይንስ አካዴሚ ዋና ሥራ አስፈጻሚ ተከተል ዮሐንስ (ፕሮፌሰር)፣  እነዚህን ትሩፋቶች በሳይንሳዊ መንገዶች በማዘመን ለኅብረተሰቡ ሕይወት መሻሻል የተጀመሩትን ውጥን ተግባራት ከግብ ለማድረስ የሁሉም ባለድርሻ አካላት ርብርብ ያስፈልጋል ብለዋል፡፡

በሥነ ሥርዓቱ ላይ የተገኙት የሴቶችና ሕፃናት ሚኒስትር ዴኤታ / ዓለሚቱ ኡሞድ በበኩላቸው ባደረጉት ንግግር፣ መንግሥት ለሳይንስና ቴክኖሎጂ ልማት በሰጠው ልዩ ትኩረት ተስፋ ሰጪ ውጤቶች መመዝገባቸውን አመልክተዋል፡፡ የኢትዮጵያ ሳይንስ አካዴሚም ይህንኑ በማጠናከር የነገ አገር ተረካቢ የሆኑትን ሕፃናት በሳይንስና ቴክኖሎጂ ዕውቀት ተኮትኩተው እንዲያድጉ ከአጋር ድርጅቶች ጋር በመቀናጀት ያከናወነውን ተግባር አወድሰዋል፡፡

በሦስት ዓመት ለተጠናቀቀው ማዕከሉ ግንባታ ወጪ የሆነው 15.8 ሚሊዮን ብር የተገኘው ከኢትዮጵያ ሳይንስ አካዴሚ 7.3 ሚሊዮን ብር፣ የጀርመን የሳይንስ ማዕከል ፌኖሚንታ ሰባት ሚሊዮን ብር፣ የጀርመን የባህል ማዕከል 1.5 ሚሊዮን መሆኑ ተገልጿል፡፡ አካዴሚው ወጪ ያደረገው በመንግሥት ከተሰጠው 40 ሚሊዮን ብር ላይ ተቀንሶ የተወሰደ ሲሆን፣ ቀሪው ገንዘብ ለወጣቶች ሳይንስ ማዕከል ግንባታ እንደሚውል ታውቋል፡፡

የኢትዮጵያ ሳይንስ አካዴሚ አሥር ዓመት በፊት 49 ሰዎች አማካይነት ጉለሌ በሚገኘው የብላቴን ጌታ ኅሩይ ወልደሥላሴ የቀድሞ መኖሪያቸው በሆነው ቅጥር ግቢ ውስጥ መቋቋሙ ይታወቃል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ኢትዮጵያዊ ማን ነው/ናት? ለምክክሩስ መግባባት አለን?

በደምስ ጫንያለው (ዶ/ር) የጽሑፉ መነሻ ዛሬ በአገራችን ውስጥ በተለያዩ አካባቢዎች ግጭቶችና...

ዴሞክራሲ ጫካ ውስጥ አይደገስም

በገነት ዓለሙ የዛሬ ሳምንት ባነሳሁት የኢሰመኮ ሪፖርት መነሻነትና በዚያም ምክንያት...

ኢትዮጵያ በምግብ ራሷን የምትችለው መቼ ነው?

መድረኩ ጠንከር ያሉ የፖሊሲ ጉዳዮች የተነሱበት ነበር፡፡ ስለረሃብ፣ ስለምግብ፣...

ደረጃውን የጠበቀ ስታዲየም በሌላት አገር ዘመናዊ ስታዲየም እየገነቡ ያሉ ክልሎች

አዲሱ የማዕከላዊ ኢትዮጵያ ክልል ዘመናዊ ስታዲየም ለማስገንባት ከ500 ሚሊዮን...