Wednesday, July 24, 2024
- Advertisement -
- Advertisement -
ማኅበራዊ​​​​​​​ለኤችአይቪ ሕሙማን አዲስ የቲቢ መመርመሪያ ዘዴ ተጀመረ

​​​​​​​ለኤችአይቪ ሕሙማን አዲስ የቲቢ መመርመሪያ ዘዴ ተጀመረ

ቀን:

ኤችአይቪ በደማቸው  ውስጥ ለሚገኝ ሕሙማን በሽንት ናሙና ላይ ተመሥርቶ የተቀየሰውን አዲስ የመመርመሪያ ዘዴ ተጀመረ፡፡ ከየሁሉም ክልል ጤና ቢሮዎች ላቦራቶሪዎችና የተለያዩ አጋር አካላት በተገኙበት የተጀመረውና በሽንት ላይ የሚደረግ የቲቢ ምርመራ የኤችአይቪ ሕመም ለጠናባቸውና የሲዲፎር መጠናቸው ዝቅ ላሉ ታካሚዎች ቲቢን የመመርመር አቅም በከፍተኛ ደረጃ ይጨምራል፡፡

የኢትዮጵያ ኅብረተሰብ ጤና ኢንስቲትዩት ዋና ዳይሬክተር ጽጌሬዳ ክፍሌ (ዶ/ር) እንደገለጹት፣ የኤችአይቪ ሕሙማን በሽታው በሚፈጥረው የሰውነት የመከላከል አቅም ማነስ ምክንያት የተለመደውን የቲቢ አክታ ናሙና ለመስጠት ይቸገሩ ነበር፡፡ በዚህም ምክንያት ከታካሚዎቹ የሚገኘው ናሙና የቲቢ በሽታን የማመላከት ችግር እንዳለበት ታውቋል፡፡

በመሆኑም ናሙናው ጥራቱን የጠበቀ ባለመሆኑ ብዙ ጊዜ የቲቢ በሽታን በኤችአይቪ ሕሙማን ላይ ለመመርመር አዳጋች አድርጎት እንደቆየ፣ በዚህም ምክንያት ቀላል የማይባሉ የኤችአይቪ ሕሙማን ባልተመረመረ የቲቢ በሽታ ምክንያት እንደሚሞቱ፣ ከዚህ አኳያ የቲቢ በሽታን በኤችአይቪ ታካሚዎች ላይ የመመርመርን አቅም ለማሳደግ ከተለመደው የቲቢ መመርመሪያዎችና ናሙናዎች ውጪ ለኤችአይቪ ታማሚዎች የሚሆኑ የቲቢ ምርመራ ዘዴዎችን ካሉት ምርመራዎች በተጓዳኝ ማቅረብ አስፈላጊነቱ እንደታመነበት ነው ዋና ዳይሬክተር የተናገሩት፡፡

ከእነዚህም ዘዴዎች አንዱ በሽንት ላይ የሚደረግ የቲቢ ምርመራ ሲሆን ይኽም ዘዴ ኤችአይቪ በደማችው ውስጥ ለሚገኝ ዋነኛው መሆኑን ገልጸውበዓለም ጤና ድርጅት ምክረ ሐሳብ መሠረት የኢትዮጵያ ኅብረተሰብ ጤና ኢንስተተዩትና የጤና ጥበቃ ሚኒስቴር ከተለያዩ አጋር ድርጅቶች ጋር በመመተባበር ይህንን ምርመራ በየኤችአይቪ ሕክምና መከታተያ ተቋማት ለመተግበር መዘጋጀታቸውን ሳይገልጹ አላለፉም፡፡

የጤና ሚኒስቴር ተወካይዋ / ምርቴ ጌታቸው፣ በበኩላቸው ባደረጉት ንግግር የቲቢና ኤችአይቪ የምርመራና የሕክምና አገልግሎት የሚሰጡ ጤና ተቋማትን በከፍተኛ ደረጃ የማስፋፋት ሥራዎች መከናወናቸውን ገልጸዋል፡፡ አዳዲስ የቲቢና መድኃኒት የተላመደ ቲቢ መመርመሪያ መሣሪያዎች ወደ አገር ውስጥ በማስገባት አገልግሎቱን ተደራሽ እንዲሆን መደረጉን የማኅበረሰብ አቀፍ የቲቢ በሽታ መከላከልና መቆጣጠር ትግበራ የማጠናከር ሥራዎችም እየተከናወኑ ይገኛሉ ብለዋል፡፡

የመመርመሪያ ዘዴው የኤችአይቪ በሽታ ያለባቸው ሕሙማን የቲቢ ልየታና ምርመራ ላይ በተጠናከረ መንገድ በመተግበርና የተገኘባቸውን ሰዎች በአግባቡ በማከም የቲቢ በሽታ ሥርጭትን በመቀነስና በመቆጣጠር በዓለም አቀፍ ደረጃ የተቀመጠውን ግብ ለማሳካት በሚደረገው ሥራ ላይ ከፍተኛ አስተዋጽኦ እንደሚያደርግም ተወካይዋ አመልክተዋል፡፡

ከሰኔ 28 ቀን 2013 ዓ.ም. ጀምሮ ለሦስት ቀናት የሚካሄደው የማስጀመርያው መርሐ ግብር በሚቀጥሉ ጊዜያት ያለውን የቲቢ ፕሮግራም አፈጻጸም ለማሻሻል፣ እንደሚመክር ታውቋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

“ከሁለት ሳምንት በፊት ወደ ኤርትራ የማደርገውን በረራ እንዳሳድግ ተጠይቄ ነበር” የኢትዮጵያ አየር መንገድ

ኢትዮጵያ አየር መንገድ ወደ ኤርትራ የሚያደርገውን በረራ እንዲያሳድግ የሚጠይቅ...
00:06:46

የኤርትራ አቪዬሽን ባለሥልጣን የኢትዮጵያ አየር መንገድ በረራዎችን ማገዱን አስታወቀ

የኢትዮጵያ ሲቪል አቪዬሽን ባለሥልጣን ጉዳዩን እያጣራሁ ነው ብሏል በኤርትራ ትራንስፖርትና...

[ክቡር ሚኒስትሩ ከተቋሙ የሠራተኞች ማኅበር አመራር ጋር እየተወያዩ ነው]

ጤና ይስጥልኝ ክቡር ሚኒስትር? ሰላም! በአስቸኳይ እንደፈለጉኝ መልዕክት ደርሶኝ ነው የመጣሁት። አዎ።...

የሱዳን ጦርነትና የኢትዮጵያ ሥጋት

የሱዳን ጦርነት ከጀመረ አንድ ዓመት ከአራት ወራት አስቆጠረ፡፡ ጦርነቱ...