Monday, May 27, 2024
- Advertisement -
- Advertisement -

ዜናመንግሥት የህዳሴው ግድብ ውይይት የሚቋጨው በሦስትዮሽ ድርድር ብቻ ነው አለ

መንግሥት የህዳሴው ግድብ ውይይት የሚቋጨው በሦስትዮሽ ድርድር ብቻ ነው አለ

ቀን:

በታላቁ የህዳሴ ግድብ ላይ በሚደረገው ድርድር የኢትዮጵያ አቋም የሚቋጨው በሦስትዮሽ ውይይት ብቻ ነው ሲል መንግሥት አስታወቀ፡፡

የውጭ ጉዳይ ሚኒስቴር ቃል አቀባይ ዲና ሙፍቲ (አምባሳደር) በሳምንታዊ ጋዜጣዊ መግለጫቸው ለጋዜጠኞች እንደገለጹት፣ በቅርቡ በግብፅና በሱዳን በኩል የአፍሪካ ኅብረትን ጨምሮ የአውሮፓ ኅብረት፣ የተባበሩት መንግሥታት ድርጅትና አሜሪካን የያዘ የአራትዮሽ አደራዳሪ ቡድን እንዲካተት እየተሰማ ያለው መረጃ አያስኬድም፡፡

ቃል አቀባዩ የአራትዮሽ ድርድር የተባለው ጉዳይ ለኢትዮጵያ መረጃው እንዳልደረሰ፣ በቅርቡ የአፍሪካ ኅብረት ሊቀመንበርነትን የተረከበው ዴሞክራቲክ ሪፐብሊክ ኮንጎ የድርድሩ ሁኔታ ምን ይሁን በሚለው ጉዳይ ላይ እንደ አስተባባሪ የምታመቻች እንጂ የሚያጎርስ፣ የሚያነሳ፣ የሚወስድ ወይም የሚቀበል ዓይነት ሥልጣን የለውም ብለዋል፡፡

- Advertisement -

የአፍሪካ ኅብረትም ቢሆን የማስተባበር ኃላፊነት እንጂ አቅጣጫ ሰጪ አይደለም ሲሉ አክለው ገልጸዋል፡፡ ኢትዮጵያ ለአራትዮሽ አደራዳሪነት ይቅረቡ ከተባሉት አገሮች ሁሉ ወዳጅ በመሆኗ ችግር የለባትም ሲሉ ቃል አቀባዩ ተናግረዋል፡፡

‹‹እነዚህ አገሮች ስለገቡ ወይም ስለወጡ የሚፈጠር ተዓምር አይኖርም፡፡ በመሆኑም በኢትዮጵያ በኩል ድርድሩ ከመስፋትና ከመጥበብ ችግር ጋር ሳይሆን፣ አፍሪካ ይችለዋል ከሚል ፅኑ እምነት የተነሳ ነው፤›› በማለት ቃል አቀባዩ ገልጸዋል፡፡

‹‹ከአገሮቹ ጋር በመርህ ደረጃ የተስማማንበት አካሄድ አለ፡፡ በመሆኑም በዚያ መርህ መሠረት መሄድ አለብን፡፡ ከዚያ ሲያልፍ ግን ለአፍሪካ ኅብረት ትልቅ አክብሮት አለን፤›› ብለዋል፡፡

የአፍሪካ ኅብረት ‹‹የአፍሪካን ችግር በአፍሪካውያን መፍታት›› የሚለውን መርህ ኢትዮጵያ እንደምትከተል አክለዋል፡፡

በተመሳሳይ የአየርላንድ መንግሥት በተባበሩት መንግሥታት ድርጅት የፀጥታው ምክር ቤት መድረክ ላይ እየሠራው ያለው ነገር ‹‹አስከፍቶናል›› ብለዋል፡፡

ዲና (አምባሳደር) ከአየርላንድ ሕዝብና መንግሥታት ጋር በዕርዳታም ሆነ በልማት ከኢትዮጵያ ጋር ጥሩ ግንኙነት እንደነበረው፣ በተባበሩት መንግሥታት መድረክ የቀረበው ግን የሁለቱን አገሮች የቆየ ታሪክ የሚመጥን አይደለም በማለት ገልጸዋል፡፡

የኢትዮጵያ መንግሥት ጉዳዩን ለአየርላንድ መንግሥት በተለያዩ መንገዶች እየገለጸ እንደሆነ፣ በአየርላንድ የኢትዮጵያ አምባሳደር ወደ አገር ቤት መጠራታቸው ለምክክር እንጂ ከኤምባሲ መዘጋት ጋር የሚገናኝ እንዳልሆነ ቃል አቀባዩ ጠቁመዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የፋይናንስ ኢንዱስትሪው ለውጭ ባንኮች መከፈት አገር በቀል ባንኮችን ለምን አስፈራቸው?

የማይረጥቡ ዓሳዎች የፋይናንስ ተቋማት መሪዎች ሙግት ሲሞገት! - በአመሐ...

የምርጫ 97 ትውስታ!

በበቀለ ሹሜ      መሰናዶ ኢሕአዴግ ተሰነጣጥቆ ከመወገድ ከተረፈ በኋላ፣ አገዛዙን ከማሻሻልና...

ሸማቾች የሚሰቃዩት በዋጋ ንረት ብቻ አይደለም!

የሸማች ችግር ብዙ ነው፡፡ ሸማቾች የሚፈተኑት ባልተገባ የዋጋ ጭማሪ...

መንግሥት ከለጋሽ አካላት ሀብት ለማግኘት የጀመረውን ድርድር አጠናክሮ እንዲቀጥል ፓርላማው አሳሰበ

የሦስት ዩኒቨርሲቲዎች ፕሬዚዳንቶች በኦዲት ግኝት ከኃላፊነታቸው መነሳታቸው ተገልጿል አዲስ አበባ...