Monday, May 20, 2024
- Advertisement -
- Advertisement -

ዜናበህዳሴ ግድብ ላይ አገሮች የሚያደርጓቸው ስምምነቶች በሉዓላዊነት ላይ እንዲያጠነጥኑ አይፈቀድም ተባለ

በህዳሴ ግድብ ላይ አገሮች የሚያደርጓቸው ስምምነቶች በሉዓላዊነት ላይ እንዲያጠነጥኑ አይፈቀድም ተባለ

ቀን:

ከታላቁ ህዳሴ ግድብ ጋር በተገናኘ አገሮች የሚያደርጓቸው ስምምነቶች፣ በኢትዮጵያ ሉዓላዊነት ላይ ያነጣጠሩ እንዲሆኑ እንደማይፈቀድ የውጭ ጉዳይ ሚኒስቴር አስታወቀ፡፡

የሚኒስቴሩ ቃል አቀባይ ዲና ሙፍቲ (አምባሳደር) በሳምንታዊ ጋዜጣዊ መግለጫቸው ከጋዜጠኞች ‹‹የግብፅ ፕሬዚዳንት አብዱልፈታህ አልሲሲ በሱዳን ያደረጉት ጉብኝት በኢትዮጵያ በተለይም ከግድቡ ግንባታ ላይ ምን ዓይነት ጫና ይፈጥራል›› ተብለው ለተጠየቁት ጥያቄ በሰጡት ምላሽ፣ ማንኛውም ሉዓላዊ አገር የትኛውንም ዓይነት ስምምነት መፈራረም ይችላል ብለዋል፡፡

‹‹ነገር ግን የሚደረጉ ስምምነቶች በኢትዮጵያ ብሔራዊ ጥቅም ላይ ያነጣጠሩ እንዲሆኑ አንፈልግም፡፡ በተመሳሳይም ኢትዮጵያ በሌሎች አገሮች ጣልቃ አትገባም፡፡ ይህ መርህ ደግሞ ኢትዮጵያ አጥብቃ የምትቀበለውና የምትተገብረው ነው፡፡ በመሆኑም ሌሎችም በእኛ ሉዓላዊነት ጣልቃ እንዲገቡ አንፈቅድም፤›› ሲሉ አስረድተዋል፡፡››

- Advertisement -

ቀይ መስመር የሚሆነው የትኛውም አገር በኢትዮጵያ ሉዓላዊነት፣ ድንበርና ጥቅም ላይ ያነጣጠረ ስምምነት ሲፈጠር እንደሆነ፣ ይህንን ዓይነቱን አካሄድ በሁለም የመከላከያ መንገድ ለመመከት ሕጋዊ መብት አለን ሲሉ አክለው ገልጸዋል፡፡

ቃል አቀባዩ በግብፅና በሱዳን በኩል እየቀረበ ያለውን የተባበሩት መንግሥታት ድርጅት፣ የአውሮፓ ኅብረት፣ የአፍሪካ ኅብረትና አሜሪካ ያሉበት የአራትዮሽ ድርድር ኢትዮጵያ እንደማትቀበል አስታውቀዋል፡፡ ‹‹ለአፍሪካ ኅብረትም ሆነ የወቅቱ የአፍሪካ ኅብረት ፕሬዚዳንት አገር ኮንጎ ታላቅ አክብሮት አለን፤›› ብለዋል፡፡

‹‹የአፍሪካ ኅብረት ሒደቱን እየመራ ባለበት ወቅትና ይህ ጉዳይ ባላለቀበት ጊዜ ሌላ አደራዳሪ ማምጣት አያስፈልግም፡፡ በመሆኑም ሦስቱ አገሮች አሁን ባሉበት ደረጃ ካልተስማሙ ወደ ሦስቱ አገር መሪዎች ቀርቦ በመሪዎች ስምምነት መሠረት ወደ ቀጣይ መንገድ ሊሄድ ይችላል እንጂ፣ በአሁኑ ወቅት እነሱ እንደሚሉት ሌላ አደራዳሪ ይምጣ የሚለው አይሠራም፤›› ሲሉ ቃል አቀባዩ አስረድተዋል፡፡

በተመሳሳይ ከሰሞኑ የኢትዮጵያ መንግሥት በትግራይ ክልል እያደረገ ያለውን የሕግ ማስከበር ዘመቻ አስመልክቶ በፀጥታው ምክር ቤት በኩል በኢትዮጵያ ላይ ውሳኔ ለማሳለፍ የተደረገው እንቅስቃሴ፣ ለኢትዮጵያ ትልቅ ጥያቄ ያጫረ ነው ሲሉ ገልጸውታል፡፡

ሱዳኖች የኢትዮጵያን ድንበር አልፈው ገብተው መሬታችንን ያዝን ብለው ያመኑትን ጉዳይ ከቁብ ያልቆጠረ ኃይል፣ አሁን በኢትዮጵያ የውስጥ ጉዳይ ላይ መምጣቱ የአባል አገሮች የተለየ ጥቅምና ፍላጎት የታየበት ነው ብለዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

በሥጋ ላይ አላግባብ እየተጨመረ ያለውን ዋጋ መንግሥት ሊቆጣጠረው ይገባል

በአገራችን የግብይት ሥርዓት ውስጥ ኢኮኖሚያዊ ያልሆኑ ወይም ያልተገቡ የዋጋ...

ኢትዮጵያን የተባበረ ክንድ እንጂ የተናጠል ጥረት አይታደጋትም!

ኢትዮጵያ በአሁኑ ጊዜ ከምትገኝበት ውጥንቅጥ ውስጥ የምትወጣበት ዕድል ማግኘት...

የፖለቲካ ቅኝቱ የሕዝባችንን ታሪካዊ ትስስር ለምን አያከብርም?

በንጉሥ ወዳጅነው የዓብይ አህመድ (ዶ/ር) መራሹ የ2010 ዓ.ም. የለውጥ መንግሥት...

ዛሬም ኧረ በሕግ!

በገነት ዓለሙ በዚህ በያዝነው ሚያዝያ/ግንቦት ወይም ሜይ ወር ውስጥ የተከበረው፣...