Friday, May 24, 2024
- Advertisement -
- Advertisement -

ዜናኢዜማ ለኢትዮጵያ በፍጥነት መድረስ ያስፈልጋል አለ

ኢዜማ ለኢትዮጵያ በፍጥነት መድረስ ያስፈልጋል አለ

ቀን:

አገሪቱ ፖለቲካዊ፣ ኢኮኖሚያዊ፣ ማኅበራዊና የውጭ ግንኙነት ጉዳዮችአስቸጋሪ ሁኔታ ውስጥ የሚገኙ በመሆናቸው ለኢትዮጵያ በፍጥነት መድረስ እንደሚያስፈልግ የኢትዮጵያ ዜጎች ለማኅበራዊ ፍትሕ (ኢዜማ) ተናገረ፡፡

አገሪቱ ያለችበት ውስብስብ ሁኔታ  ከምንጊዜውም በላይ ተጨባጭ ለውጥ የሚሻበት ወቅት እንደሆነና የመውጫ መንገዱ ስሜት ተኮር የምናብ ቅዠት ሳይሆን በተጨባጭ ሳይንሳዊ ትንተናን የተከተለ የፖሊሲ አቅጣጫ እንደሆነ የገለጹት ለአዲስ ከተማ ምክር ቤት የሚወዳደሩት የፓርቲው ዕጩ ተወካይ  አቶ ሀብታሙ ኪታባ ናቸው፡፡

ብልፅግና የሚመራው መንግሥት የመናገር እንጅ  የመፈጸም አቅም ውስንነት ያለበት እንደሆነ፣ የአገሪቱ ውስጣዊ አንድነት መዳከምና ያለውን ውስጣዊ ቀውስ መነሻ በማድረግ  በውጭ ኃይሎች የአገሪቱ ሉዓላዊነት እንደተደፈረ ተናግረዋል። አቶ ሀብታሙ አክለውም፣ ‹‹በፍትሕ አደባባይ ፍትሕን ማግኘት ቅንጦት ሆኗል፤›› ሲሉ ገልጸዋል።

- Advertisement -

የኢዜማ መሪ  ብርሃኑ ነጋ (/ር) በበኩላቸው ሕዝቡ ብልፅግናን መምረጥ መብቱ ነው ብለው፣ ‹‹ነገር ግን መንገዱ ወደ አገር ዕድገት አያመራም፣ ሰላም አያሰፍንም፣ ኢትዮጵውያንን የአገራቸው ባለቤት አያደርግም፣ ለወጣቶች ተጨማሪ ሥራ አይፈጥርም፤›› ብለዋል፡፡

‹‹ማኅበረሰባችንን በመከፋፈል በስሜት የተነዳ ድምፅ ለማግኘት አንታትርም። ካለፈው ጊዜ ትምህርት ወስደን ወደፊት በመጓዝ ኢትዮጵያችንንም ወደ ብሩህ ተስፋ መንገድ ማስገባት ነው ዓላማችን፤›› በማለት አክለው ገልጸዋል፡፡

በኢትዮጵያ በመጪው ግንቦት ወር በሚካሄደው አገራዊ ምርጫ፣ ብልፅግናርቲ በቀድሞው የኢሕአዴግ አካሄድ የሚያሸንፍ ከሆነ፣ የኢትዮጵያ ፖለቲካ አለመረጋጋት  እንደሚቀጥልና ብጥብጥና ግጭት ሊሰፋ እንደሚችል ፓርቲው ገልጿል፡፡

ፓርቲው ቅዳሜ የካቲት 13 ቀን 2013 ዓ.ም. የምርጫ ዘመቻ ማስጀመርያ ዝግጅቱን በአዲስ አበባ ግዮን ሆቴል አካሂዷል፡፡

‹‹ምንም እንኳ ቀጣዩ ምርጫ እንከን የለሽ ይሆናል ተብሎ ባይጠበቅም፣  ተቀባይነት ባለው መንገድ የመጠናቀቅ ዕድል እንደሚኖረው፣ ነገር ግን ብልፅግና ፓርቲ በቀድሞው ኢሕአዴግ አካሄድ አሸናፊ ከሆነ ከፍተኛ ሥጋት አለን፤›› ሲሉዝግጅቱ ወቅት ንግግር ያደረጉት የፓርቲው የምርጫ ስትራቴጂና ማኔጅመንት ተወካይ ወ/ሮ ከውሰር እድሪስ ተናግረዋል፡፡

 በተመሳሳይ ብዙ ፓርቲዎች አሸናፊ የሆኑበት ነገር ግን በተቀራራቢ ፓርቲዎች መካከል መንግሥት ለመፍጠር የማያስችል ፓርላሜንታዊ ድርድር ከተፈጠረ የተረጋጋ ፖለቲካ ብቻ ሳይሆን፣ የተረጋጋ መንግሥትም ስለማይኖር ወደ አገር መፍረስ ያመራል ሲሉ ገልጸዋል፡፡

‹‹ኢዜማ አሸናፊ ሆኖ የሚወጣበት የዜግነት ፖለቲካ ያብባል፣ የወደፊት የኢትዮጵያ ዕድል ብሩህ ይሆናል፡፡ በመሆኑም የምርጫው ውጤት ለአገርና ሕዝብ የሚጠቅመው ኢዜማ አሸናፊ ሆኖ የሚወጣበት ከሆነ ነው፤›› ሲሉ / ከውሰር አክለው ገልጸዋል።

በተያዘው ዓመት ግንቦት ወር መጨረሻ ይካሄዳል ተብሎ ለሚጠበቀው ምርጫ የሚወዳደሩ የፖለቲካ ፓርቲዎች፣ ከየካቲት 8 ቀን 2013 .ም. ጀምሮ የምረጡኝ ቅስቀሳ ወይም የምርጫ ዘመቻ መጀመራቸው ይታወሳል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የማዳበሪያ አቅርቦትና ውጣ ውረዱ

በቅፅል ስሙ “The Father of Chemical Warfare” እየተባለ የሚጠራው...

የኢትዮጵያ ልማት ባንክ የትርፍ ምጣኔውን ከ70 በመቶ በላይ አሳደገ

ከሁለቱ መንግሥታዊ ባንኮች መካከል አንዱ የሆነው የኢትዮጵያ ልማት ባንክ...