Friday, May 24, 2024
- Advertisement -
- Advertisement -

ዜናከፓርላማ የሚነሱ ሐሳቦችን በጥናትና ምርምር ለመደገፍ ከከፍተኛ ትምህርት ተቋማት ጋር ስምምነት ተፈረመ

ከፓርላማ የሚነሱ ሐሳቦችን በጥናትና ምርምር ለመደገፍ ከከፍተኛ ትምህርት ተቋማት ጋር ስምምነት ተፈረመ

ቀን:

የሕዝብ ተወካዮች ምክር ቤት አባላት ለሚያነሷቸውና ከሕዝብ የሚጠየቁትን ጥያቄ በጥናትና ምርምር ለመደገፍ የሚያስችል የመግባቢያ ስምምነት፣ ፓርላማው ከሳይንስና ከፍተኛ ትምህርት ሚኒስቴር ጋር ተፈራረመ፡፡

ፓርላማው የመጀመርያውን ዓመታዊ የጥናትና ምርምር ኮንፈረንስ ዓርብ የካቲት 12 ቀን 2013 ዓ.ም. በአፍሪካ ኢኮኖሚክ ኮሚሽን አካሂዷል፡፡

በኮንፈረንሱ ከ12 በላይ ምክር ቤቱን የተመለከቱ የጥናት ጽሑፎች የቀረቡ ሲሆን፣ በዋናነት ወደፊት ከኅብረተሰቡ የሚነሱ ጥያቄዎችን በሳይንሳዊ መንገድ ለመመለስና በዘላቂነት አገርን ለመገንባት ያስችላሉ ተብሏል፡፡

- Advertisement -

ፓርላማው በ2012 ዓ.ም. የጥናትና ምርምር ዘርፍ ማቋቋሙ ተገልጿል፡፡ ይህ ዘርፍ ወደፊት ከሲቪል ማኅበራት፣ ከከፍተኛ ትምህርት ተቋማትና ከሐሳብ አመንጪና መሰል ተቋማት ጋር በመሆን ከኅብረተሰቡና ከምክር ቤት አባላት የሚነሱ ጥያቄዎችን በጥናትና ምርምር እንደሚፈታ፣ የሕዝብ ተወካዮች ምክር ቤት አፈ ጉባዔ አቶ ታገሰ ጫፎ ተናግረዋል፡፡

በሕዝብ ተወካዮች ምክር ቤትና ከሳይንስና ከፍተኛ ትምህርት ሚኒስትር ጋር የተደረገው ስምምነት በቀጣይ የምክር ቤት አባላት ሕግ በሚያወጡበት ጊዜ የተሟላ ዕውቀት እንዲኖራቸውና የሕዝብን ጥያቄ የሚመልስ ሕግ እንዲያወጡ ያግዛል ሲሉ አፈ ጉባዔው አስረድተዋል፡፡

በተጨማሪም የምክር ቤት አባላት አስፈጻሚ አካላትን በሚቆጣጠሩበት ጊዜ የተሟላ መረጃና ዕውቀት ኖሯቸው፣ ሥራን ውጤታማ በሆነ መንገድ እንዲመሩ ያስችላቸዋል ተብሏል፡፡

አገራዊ ውሳኔዎች ስሜታዊ ባለመሆን ውይይት እንዲካሄደባቸው፣ የሚደረጉ ሙግቶችና ክርክሮች መረጃ ላይ የተመረኮዙ እንዲሆኑ ለማድረግና የአገርን ፖለቲካዊ፣ ኢኮኖሚያዊና ማኅበራዊ የልማት ዕቅዶችን መፈጸም ባለባቸው ልክ እንዲፈጸሙ ያስችላል ሲሉ አቶ ታገሰ ጠቁመዋል፡፡

በሕዝብ ተወካዮች ምክር ቤት አፈ ጉባዔ የበላይነት የሚመራው የጥናትና ምርምር ትብብር ተቋማት ችግር ፈቺ የሆኑ የምርምር ተግባራትን በማካሄድ፣ የምክር ቤት አባላት የሚጠበቅባቸውን  አገራዊ ግዴታ እንዲወጡ ማስቻል እንደሆነ ተነግሯል፡፡

‹‹ሕዝቡ የእኔ ድምፅ እየተሰማ ነው፣ በትክክል ተወክያለሁ እንዲል ማድረግ የሚጠበቅ ቢሆንም፣ በርካታ ከሕዝቡ የሚንፀባረቁና የሚብላሉ ጉዳዮች ምክር ቤት ውስጥ ሳይንፀባረቁ ይቀራሉ፤›› ሲሉ አፈ ጉባዔው ተናግረዋል፡፡

‹‹በመሆኑም የሕዝብ ተወካዮች ምክር ቤት እውነትም ተወካይ መሆን ይኖርበታል፡፡ ነገር ግን በሚጠበቅበት ልክ ሕዝብን ካልወከለ በየአካባቢው ለሐሜት እንደሚደረግና ለሐሰተኛ መረጃ ዝውውር ምንጭ ሊሆን ይችላል፤›› ሲሉ አፈ ጉባዔው አክለው ገልጸዋል፡፡

የሳይንስና ከፍተኛ ትምህርት ሚኒስትር ዴኤታ አፈወርቅ ካሱ (ፕሮፌሰር)፣ የተደረገው የመግባቢያ ስምምነት ለሕዝብ ኑሮ መቀየርና ለአንድ አገር ዕድገት ወሳኝ ሕጎችና ፖሊሲዎች እንዲወጡ ያግዛል ብለዋል፡፡

ምክር ቤት ራስ እንደ መሆኑ መጠን ሳይንስ መፍትሔ ያመጣል ብሎ መጀመሩ ትልቅ ጅምርና ማሳያ ነው ሲሉ አስረድተዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የማዳበሪያ አቅርቦትና ውጣ ውረዱ

በቅፅል ስሙ “The Father of Chemical Warfare” እየተባለ የሚጠራው...

የኢትዮጵያ ልማት ባንክ የትርፍ ምጣኔውን ከ70 በመቶ በላይ አሳደገ

ከሁለቱ መንግሥታዊ ባንኮች መካከል አንዱ የሆነው የኢትዮጵያ ልማት ባንክ...