Wednesday, June 19, 2024
- Advertisement -
- Advertisement -

ማኅበራዊውዳሴ ዳያግኖስቲክ ማዕከል የምርመራ ወጪያቸውን መሸፈን ለማይችሉ የነፃ አገልግሎት ሊሰጥ ነው

ውዳሴ ዳያግኖስቲክ ማዕከል የምርመራ ወጪያቸውን መሸፈን ለማይችሉ የነፃ አገልግሎት ሊሰጥ ነው

ቀን:

በሔለን ተስፋዬ

የምርመራ ወጪያቸውን መሸፈን ለማይችሉ ሕሙማን ታካሚዎች አገልግሎቱን በነፃ እንደሚሰጥ ውዳሴ ዳያግኖስቲክ የምርመራ ማዕከል አስታወቀ፡፡

ማዕከሉ በየዓመቱ በሚያደርገው ‹‹ጳጉሜን ለጤና›› ዘመቻ ለዘንድሮ ከ1,000 በላይ ታካሚዎች አገልግሎት ለመስጠት የተዘጋጀ መሆኑን የማዕከሉ ዋና ሥራ አስፈጻሚ አቶ ዳዊት ኃይሉ ነሐሴ 19 ቀን 2012 ዓ.ም. በሰጡት ጋዜጣዊ መግለጫ አስታውቀዋል፡፡

- Advertisement -

‹‹ጳጉሜን ለጤና›› ዘመቻ ሲካሄድ በአገልግሎት ወቅት ኮሮና እንዳይሰራጭ ተገቢው ጥንቃቄ የሚደረግ ሲሆን፣ የታካሚ መረጃንም በወረቀት ከመቀበል ይልቅ በዲጂታል ማዘመኑ ሥርጭቱን ለመከላከል እንደሚያግዝ ዋና ሥራ አስፈጻሚው ተናግረዋል፡፡

የሕክምና ማስረጃ ለያዙና አቅም ለሌላቸው የሲቲ ስካን፣ ኤምአርአይ፣ አልትራሳውንድ፣ ራጅ፣ ኢንዶስኮፒ ወይም ኮሎኖስኮፒና ከሕክምና ተቋም ለሚመጡ ደግሞ በተጨማሪ የአምቡላንስ አገልግሎት መስጠት በዘመቻው ከሚሰጡ አገልግሎቶች እንደሚጠቀሱም አክለዋል፡፡

ማዕከሉ ከሚገኝበት አራዳ ክፍለ ከተማ በጳጉሜን ለሚመጡ ነዋሪዎች 25 በመቶ ቅናሽ የሚያደርግ ሲሆን፣ የቀበሌ መታወቂያቸውን በማሳየት አገልግሎቱን ማግኘት ይችላሉ ብለዋል፡፡

ከጳጉሜን 1 ቀን እስከ ጳጉሜን 5 ቀን 2012 ዓ.ም. ድረስ የሚሰጠውን አገልግሎት ለማግኘት በ0940050505 ወይም በ0940040404 የሞባይል ቁጥሮች በመደወል መመዝገብ እንደሚቻልም አሳውቀዋል፡፡

አቶ ዳዊት እንዳሉት፣ የማዕከሉ 11ኛ ዓመት 11 በጎ ነገሮች በማድረግ የሚከበር ሲሆን፣ ከምርመራው ባሻገር በክፍለ ከተማው የሚገኙ ችግረኞችን በመደገፍ፣ አካባቢን በማፅዳት፣ ችግኝ በመትከል፣ ግንዛቤ መፍጠርና ሌሎች ሥራዎች የሚከናወኑት ይሆናል፡፡

ምርመራ ሊያደርጉ የሚመጡ ተገልጋዮች ጥንቃቄ አድርገው እንዲመጡ ጥሪ ቀርቧል፡፡ ማዕከሉ ላለፉት አሥር ዓመታት ገንዘብ ከፍለው የጤና ምርመራ ማድረግ ለማይችሉ በጳጉሜን ወር ነፃ አገልግሎት የሰጠ ሲሆን፣ በዘንድሮ የአገልግሎቱ ቁጥር ከፍ ይላል ተብሎ ይጠበቃል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የንብረት ማስመለስ ረቂቅ አዋጅና የሚስተጋቡ ሥጋቶች

ከሰሞኑ ለሕዝብ ተወካዮች ምክር ቤት የቀረበው የንብረት ማስመለስ ረቂቅ...

የመጨረሻ የተባለው የንግድ ምክር ቤቱ ምርጫና የሚኒስቴሩ ውሳኔ

በአገር አቀፍ ደረጃ ደረጃ የንግድ ኅብረተሰቡን በመወከል የሚጠቀሰው የኢትዮጵያ...

ሚስጥሩ!

ጉዞ ከካዛንቺስ ወደ ስድስት ኪሎ፡፡ የጥንቶቹ አራዶች መናኸሪያ ወዘናዋ...