Wednesday, June 19, 2024
- Advertisement -
- Advertisement -

ማኅበራዊበኢትዮጵያ የኮሮና ቫይረስ ይዞታ አሳሳቢ ደረጃ መድረሱን ጤና ሚኒስቴር አስታወቀ

በኢትዮጵያ የኮሮና ቫይረስ ይዞታ አሳሳቢ ደረጃ መድረሱን ጤና ሚኒስቴር አስታወቀ

ቀን:

በቫይረሱ የተያዙት ቁጥር ከ11 ሺሕ በላይ ሆኗል

የኮሮና ቫይረስ በኢትዮጵያ ከተከሰተ ከአምስት ወራት ወዲህ ከአሥር ሺሕ በላይ ሰዎች በቫይረሱ መያዛቸውን ተከትሎ መግለጫ ያወጣው የጤና ሚኒስቴር፣ የፅኑ ሕሙማን ቁጥርም መበራከቱ ጉዳዩን እጅጉን አሳሳቢ አድርጎታል ብሏል፡፡

እስከ ሐምሌ 14 ቀን 2012 ዓ.ም. ድረስ ቫይረሱ የተገኘባቸው ቁጥር 11,072 ሲሆን ሕይወታቸው ያለፈው ደግሞ 180 መድረሱ፣ በፅኑ ሕክምና ክፍል የሚገኙት 40 መሆኑን የሚኒስቴሩ መግለጫ ያሳያል፡፡

- Advertisement -

ከአገሪቱ የተለያዩ አካባቢዎች የተሰበሰበው መረጃ እንደሚያሳየው ከፍተኛ ቁጥር የተመዘገበባቸው አዲስ አበባ፣ ትግራይና ኦሮሚያ ናቸው፡፡ ከሐምሌ 11 ቀን ቅዳሜ እስከ ሐምሌ 14 ማክሰኞ ባሉት አራት ቀናት በአዲስ አበባ 1372፣ በትግራይ 139፣ በኦሮሚያ 115 ሰዎች በቫይረሱ ተይዘዋል፡፡

የጤና ሚኒስትር ሊያ ታደሰ (ዶ/ር)፣ በሳምንቱ መባቻ በሰጡት መግለጫ እንዳመለከቱት፣ በኮሮና ቫይረስ የሚያዙ ሰዎች ቁጥር በፍጥነት እየጨመረ ከመምጣቱ ባለፈ የፅኑ ሕሙማን መበራከትም እጅጉን አሳሳቢ ሆኗል፡፡

ኅብረተሰቡ ስለወረርሽኙ በቂ ግንዛቤ ቢኖረውም የመከላከያ ዘዴዎቹን ከመተግበሩ ላይ ችላ እያለ ነው፡፡ በተለይም በወጣቶች ላይ የሚታየው ኃላፊነት የጎደለው አካሄድ የቫይረሱን ሥርጭት ሊያስፋፋ ስለሚችል መቆም አለበት ብለዋል፡፡

በወረርሽኙ ሳቢያ የከፋ ጊዜ እንዳይመጣ መሠረታዊ የሆኑትን መታጠብ፣ አፍና አፍንጫን መሸፈንን፣ መራራቅን በቤት ውስጥ መቆየትንና መተሳሰብን ጨምሮ በአንድነት መሥራት ይገባል ሲሉም አሳስበዋል፡፡

የጤና ባለሙያዎች በኢትዮጵያ የኮሮና ቫይረስ ሥርጭት አስጊ ደረጃ ላይ መድረሱን በተለያዩ ጊዜያት በየመገናኛ ብዙኃኑ አስተያየት ቢሰጡም፣ በማኅበረሰቡ ዘንድ ያለው ግዴለሽነት መቀጠሉ ይታያል፡፡ ሪፖርተር እንደታዘበው በትራንስፖርትና በገበያ ቦታ፣ በምግብና መጠጥ ቤቶች፣ የአውሮፓን የእግር ኳስ ግጥሚያዎች በሚያስተላልፉ የመዝናኛ ቦታዎችና በጫት መሸጫ አካባቢዎች የሚታየው ጥንቃቄ የጎደለው አካሄድ፣ ኢትዮጵያ ቫይረሱን ለመከላከል የምትሠራውን ሥራ ወደኋላ የሚጎትት ነው፡፡

በመሆኑም ሰዎች በኮሮና ምክንያት ለተለያየ የጤና ቀውስ ከሚዳረጉ፣ ለጊዜው ሕክምና የሆነውን፣ እጅን መታጠብ፣ የአፍና አፍንጫ መሸፈኛ ማድረግ፣ አለመጨባበጥ፣ ርቀትን መጠበቅ፣ የበሰሉ ምግቦችን በንጽሕና መመገብ የግልና የአካባቢ ንጽሕናን መጠበቅ እንደሚገባቸው የጤና ባለሙያዎች አሳስበዋል፡፡

የኢትዮጵያ ኅብረተሰብ ጤና ኢንስቲትዩት በተደጋጋሚ እንዳሳሰበው፣ ለተለያዩ ጉዳዮች በአንድ ቦታ መሰባሰብን በማስወገድ፣ እጅን አዘውትሮ በመታጠብ፣ ሰዎች በሚሰበሰቡበት ቦታዎች ላይ የአፍንና የአፍንጫ መሸፈኛ (የፊት ማስክ) በማድረግ፣ በአካል ንክኪ የሚደረግ ሰላምታን በመተውና አካላዊ መራራቅን ተግባራዊ በማድረግ የበሽታውን ሥርጭት መከላከል ያስፈልጋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የንብረት ማስመለስ ረቂቅ አዋጅና የሚስተጋቡ ሥጋቶች

ከሰሞኑ ለሕዝብ ተወካዮች ምክር ቤት የቀረበው የንብረት ማስመለስ ረቂቅ...

የመጨረሻ የተባለው የንግድ ምክር ቤቱ ምርጫና የሚኒስቴሩ ውሳኔ

በአገር አቀፍ ደረጃ ደረጃ የንግድ ኅብረተሰቡን በመወከል የሚጠቀሰው የኢትዮጵያ...

ሚስጥሩ!

ጉዞ ከካዛንቺስ ወደ ስድስት ኪሎ፡፡ የጥንቶቹ አራዶች መናኸሪያ ወዘናዋ...