Wednesday, April 17, 2024
- Advertisement -
- Advertisement -
ማኅበራዊአስቸኳይ የምግብ ዕርዳታ ለሚያስፈልጋቸው 16.5 ሚሊዮን ዜጎች ከ1.6 ቢሊዮን ዶላር በላይ እንደሚያስፈልገው...

አስቸኳይ የምግብ ዕርዳታ ለሚያስፈልጋቸው 16.5 ሚሊዮን ዜጎች ከ1.6 ቢሊዮን ዶላር በላይ እንደሚያስፈልገው መንግሥት ይፋ አደረገ

ቀን:

ለኮሮና ተፅዕኖ ከግማሽ ቢሊዮን ዶላር በላይ ያስፈልጋል ብሏል

በአሁኑ ወቅት በአትዮጵያ አስቸኳይ የዕለት ደራሽ የምግብ ዕርዳታ የሚያስፈልጋቸው ዜጎች ቁጥር ከዚህ ቀደም ከነበረው ተከልሶ 16.5 ሚሊዮን መድረሱን መንግሥት አስታውቆ፣ ዕርዳታ ለማቅረብ 1.65 ቢሊዮን ዶላር እንደሚያስፈልግ ይፋ አደረገ፡፡

መንግሥት ከሰብዓዊ ድጋፍ ሰጪ አጋሮቹ ጋር በመተባበር ማክሰኞ ሰኔ 2 ቀን 2012 ዓ.ም. ይፋ ያደረገው መረጃ እንዳመለከተው እስካሁን በምግብ እጥረት፣ በመፈናቀል፣ በበሽታ ክስተትና በበረሃ አንበጣ ሥጋት እስካሁን ድጋፍ ያስፈልጋቸዋል ተብለው ከሚታሰቡት ዜጎች በተጨማሪ፣ በኮሮና ወረርሽኝ ምክንያት ወደ አሥር ሚሊዮን የሚጠጉ ዜጎች ተጨማሪ ድጋፍ ያስፈልጋቸዋል፡፡

- Advertisement -

Video from Enat Bank Youtube Channel.

የኮሮና ወረርሽኝ ለፈጠረው ተፅዕኖ ብቻ ከ506 ሚሊዮን ዶላር ያላነሰ እንደሚያስፈልግ መንግሥት አስታውቋል፡፡ በወረርሽኙ ምክንያት በኢትዮጵያ አስቸኳይ የሰብዓዊ ድጋፍ የሚሹ ዜጎች ቁጥር ማሻቀቡን፣ የተመድ የሰብዓዊ ጉዳዮች ማተባበሪያ ጽሕፈት ቤት ያወጣው መግለጫ ያስረዳል፡፡

ተሻሽሎ በወጣው የሰብዓዊ ድጋፍ በኮሮና ምክንያት ማሻቀቡን ያመላከቱት የብሔራዊ አደጋ ሥጋት ሥራ አመራር ኮሚሽነር አቶ ምትኩ ካሳ፣ ከመጋቢት ወር ጀምሮ ኢትዮጵያ ከኮሮና ቫይረስ ጋር ትግል ውስጥ መግባቷን አስረድተዋል፡፡ የኮሮና ወረርሽኝን የመከላከል፣ የሚያስከትላቸውን ጉዳቶች የመቀነስና ዝግጁነት ሥራዎች እየተካሄዱ እንደሚገኙም አስታውቀዋል፡፡

በኢትዮጵያ የተመድ ቋሚ ተወካይና የሰብዓዊ ጉዳዮች አስተባባሪ ካተሪን ሶዚ (ዶ/ር) በበኩላቸው፣ በኮሮና ምክንያት ደካማ የጤና ተቋማት ያሏቸው አገሮች ከባድ ጫና ውስጥ መውደቃቸውንና ከአቅማቸው በላይ መወጠራቸውን ተናግረዋል፡፡ በኢትዮጵያም የኮሮና ወረርሽኝ ባደረሰው ጫና ምክንያት ከዚህ ቀደም ውጤታማ የመከላከል ሥራ የተከናወነባቸውና እየቀነሱ የነበሩ በሽታዎች፣ ዳግመኛ እንዲያንሰራሩ ጫና በመፍጠር ላይ እንደሚገኝ አሳስበዋል፡፡ ይህ ሁኔታ እየተባባሰ ከመምጣቱ በፊት ለኢትዮጵያ አስቸኳይ ድጋፍ እንዲያደርግ ዓለም አቀፉን ማኅበረሰብ ጠይቀዋል፡፡

እንደ ቢጫ ወባና ኩፍኝ ያሉት በሽታዎች በኢትዮጵያ ከማንሰራራታቸውም በተጨማሪ፣ በርካቶች ለሥራ አጥነት በመጋለጥ ለምግብ ዕጦት እንደሚዳረጉ በማሳሰብ አስቸኳይ ድጋፍ ማድረግ እንደሚያስፈልግ አስታውቀዋል፡፡ ሰብዓዊ ድጋፍ አድራጊዎች እስካሁን 150 ሚሊዮን ዶላር ያህል ለማዋጣት ቃል መግባታቸውንና ተጨማሪ ገንዘብ ለማዋጣት እየተንቀሳቀሱ እንደሚገኙ የተመድ ተወካይዋ አስታውሰዋል፡፡

በአሁኑ ወቅት መንግሥት እስከ 20 ሺሕ የኮሮና ታማሚዎችን ለማስተናገድ የሚችል አቅም መፍጠሩን፣ ጠቅላይ ሚኒስትር ዓብይ አህመድ (ዶ/ር) በሕዝብ ተወካዮች ምክር ቤት ሰኞ ሰኔ 1 ቀን 2012 ዓ.ም. መግለጻቸው ይታወቃል፡፡ በሺዎች የሚቆጠሩ የምግብ ማከማቻዎችን (ባንኮችን) በማደራጀት የምግብ እጥረት ላጋጠማቸው ዜጎች ድጋፍ በማድረግ ላይ እንደሚገኝ አስታውቀዋል፡፡ በጠቅላላው ከ30 ሚሊዮን በላይ ዜጎች የምግብ ዕርዳታ እንደሚያስፈልጋቸው ከዚህ ቀደም በመንግሥት ይፋ መደረጉ ይታወሳል፡፡ ለዚህ የሚውል አራት ቢሊዮን ዶላር ድጋፍ ተጠይቆ አብዛኛው መገኘቱን ጠቅላይ ሚኒስትሩ ጠቁመዋል፡፡

የብሔራዊ ሥጋት ሥራ አመራር ኮሚሽን ሕዝብ ግንኙነት ኃላፊ አቶ ደበበ ዘውዴ በበኩላቸው፣ እስከ መጪው ታኅሳስ 2013 ዓ.ም. ድረስ የሚቆይ አስቸኳይ የዕለት ደራሽ የምግብ ዕርዳታ የሚያስፈልጋቸው የድርቅ ተጎጂዎች ቁጥር ከሰባት ሚሊዮን በላይ እንደሆኑ ገልጸዋል፡፡  

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

ሰላማዊ የፖለቲካ ትግልና ፈተናው

የኦሮሞ ነፃነት ግንባር (ኦነግ) የፖለቲካ ኦፊሰር የአቶ በቴ ኡርጌሳን...

አበጀህ ማንዴላ! አበጀሽ ደቡብ አፍሪካ!

በአየለ ት. የፍልስጤም ጉዳይ የዓለም አቀፍ ፖለቲካንም ሆነ የተባበሩት መንግሥታትን...

የውጭ ባለሀብቶች ለኢትዮጵያውያን ብቻ በተፈቀዱ የንግድ ዘርፎች እንዲገቡ የመወሰኑ ፋይዳና ሥጋቶች

ጠቅላይ ሚኒስትር ዓብይ አዓመድ (ዶ/ር) የውጭ ኩባንያዎች በጅምላና ችርቻሮ...