Thursday, June 20, 2024

ለክቡር ሚኒስትሩ የቀድሞ ሚኒስትር ስልክ ደወሉላቸው

[ለክቡር ሚኒስትሩ አንድ ዳያስፖራ ስልክ ደወለላቸው]

  • እንዴት ነዎት ክቡር ሚኒስትር?
  • ሰላም ወዳጄ፡፡
  • ምን ሆነው ነው ስልክ የማያነሱት?
  • የእኛን ነገር እያወቅከው፡፡
  • ምኑን?
  • ቢዚ መሆናችንን ነዋ፡፡
  • አይ ክቡር ሚኒስትር፡፡
  • ምነው?
  • ሕዝቡ የሚፈልገው እኮ ቢዚ መሆናችሁን አይደለም፡፡
  • ታዲያ ሌላ ምን ይፈልጋል?
  • ጥቅሙን ማስከበራችሁን ነዋ፡፡
  • ለዚያ አይደል እንዴ ቢዚ የሆነው፡፡
  • አልመሰለኝም ክቡር ሚኒስትር፡፡
  • ምን እያልክ ነው?
  • ሕዝቡ ምን እያለ እንደሆነ አልሰሙም?
  • ስለምኑ?
  • ስለግድቡ ነዋ፡፡
  • ምን አለ ደግሞ?
  • ክቡር ሚኒስትር ሁላችንም ሥጋት ውስጥ ነን፡፡
  • ለምን?
  • የለፋንበት ግድብ መና እንዳይቀር ሠግተን ነዋ፡፡
  • እንዴት ሆኖ?
  • ድርድሩ ግብፅን እንጂ ኢትዮጵያን የሚጠቅም አይደለም፡፡
  • ማን ነው ያለው?
  • ሚዲያው ሁሉ እሱን አይደል እንዴ የሚያወራው?
  • ወሬኞች በላቸው፡፡
  • እነሱ ምን አደረጉ?
  • ይኸው እነሱ አሉባልታቸውን እየረጩ ሥራ መሥራት አቃተን፡፡
  • ክቡር ሚኒስትር እነሱም እኮ ሥራቸውን እየሠሩ ነው፡፡
  • አሉባልታ ማሠራጨት ነው ሥራቸው?
  • እናንተ ወጥታችሁ በግልጽ ካላወራችሁ አሉባልታ መወራቱማ አይቀርም፡፡
  • እኛ እኮ አገራችንን እንወዳለን፡፡
  • ታዲያ በሥራ አሳዩና?
  • ምን እያልክ ነው?
  • ይኸው እናንተ አገሪቱን እየመራችኋት አይደል እንዴ ቀውስ በቀውስ የሆነችው?
  • እኛ ምን አደረግን?
  • ክቡር ሚኒስትር ጣት መጠቋቆሙ አያዋጣችሁም፡፡
  • ማን ጠቆመ?
  • ይኸው እኛ ምን አደረግን ምናምን እያሉ አይደል እንዴ?
  • እ…
  • ብቻ ለማንኛውም ሁላችንም እየተከታተልናችሁ ነው፡፡
  • በምኑ?
  • በህዳሴ ግድቡ ጉዳይ ነዋ፡፡
  • እንግዲህ የቻልነውን እናደርጋለን፡፡
  • ሁሉም ኢትዮጵያዊ በአገሩ ቀልድ እንደማያውቅ ያውቃሉ፡፡
  • እሱማ ግልጽ ነው፡፡
  • እንግዲያው አንድ ነገር ልንገርዎት?
  • ምን?
  • በግድቡ የሚነሳ ቁጣ…
  • እ…
  • አይገደብም!

[ክቡር ሚኒስትሩ ከሌላ ሚኒስትር ጋር ተገናኝተው እያወሩ ነው]

  • ምንም አላማረኝም ክቡር ሚኒስትር፡፡
  • ምኑ?
  • አካሄዳችን ነዋ፡፡
  • ምን እያልክ ነው?
  • ሕዝቡ ደስተኛ አይደለም፡፡
  • በምኑ?
  • በብዙ ነገሮች፡፡
  • ምን እናድርግ ታዲያ?
  • መነጋገር አለብን፡፡
  • አንድ ላይ አይደል እንዴ አገር እየመራን ያለነው?
  • ነበር ባይሰበር፡፡
  • አልገባኝም ምን እያልክ ነው?
  • ክቡር ሚኒስትር ሁሉም እንዳሻው ነው እየተጓዘ ያለው፡፡
  • ማለት?
  • በአገራችን ጉዳይ ሌሎች ገብተው እየፈተፈቱ አይደል እንዴ?
  • ምን አልከኝ?
  • ክቡር ሚኒስትር አገራችን በሯ ተበረጋግዷል፡፡
  • እ…
  • ይህ ደግሞ ለብዙ ችግሮች ሊዳርገን ይችላል፡፡
  • የምታወራው ምንም አልገባኝም?
  • እንዲገባዎት ካልፈለጉማ እንዴት ይገባዎታል?
  • አስረዳኝ እያልኩህ እኮ ነው?
  • ክቡር ሚኒስትር ሁሉም በየፊናው የፈለገውን እያደረገ ነው እኮ፡፡
  • ለምን በግልጽ አትነግረኝም?
  • አገሪቱ በጎረቤት አገሮች ሰላዮች ተሞልታለች፡፡
  • እ…
  • የቀድሞ ጓዶቻችንን ለማናደድ ብለን እየሄድንበት ያለው ርቀት አደገኛ ነው፡፡
  • እ…
  • በዚያ ላይ በተለያዩ ቦታዎች ለሚፈጠሩ ግጭቶች አንዳንድ ባለሥልጣናት እጃቸው እንዳለበት መረጃዎችም አሉን፡፡
  • ይኼማ ሊሆን አይገባም፡፡
  • በሚያሳዝን ሁኔታ ግን እየሆነ ነው፡፡
  • እ…
  • በተለይ ከሌሎች አገሮች ጋር ያለን ግንኙነት በመርህ ላይ የተመሠረተ ሊሆን ይገባዋል፡፡
  • ትክክለኛ ነጥብ ነው ያነሳኸው፡፡
  • እየተደረገ ያለው ግን ሌላ ነው፡፡
  • እ…
  • ለማንኛውም ሕዝቡም እየታዘበን ነው፡፡
  • እኛን?
  • ምን ጥያቄ አለው፡፡
  • ወይ ጣጣ፡፡
  • ከዚያም አልፎ መልዕክት እያስተላለፈ ነው፡፡
  • ምን ብሎ?
  • አታሽቃብጡ!

[ክቡር ሚኒስትሩ ከአንድ ተቃዋሚ ፓርቲ መሪ ጋር ተገናኙ]

  • ታሳፍራላችሁ ክቡር ሚኒስትር፡፡
  • እንዴት?
  • ለሥልጣን ብላችሁ አገር ትሸጣላችሁ?
  • ማን ነው የሸጠው?
  • እናንተው ናችኋ?
  • አንተን መሰልንህ እንዴ?
  • ማለት?
  • አንተ እኮ ነህ ከጥቅምህ ውጪ ሌላ ነገር ማየት የማትችለው፡፡
  • እ…
  • አንተ አይደለህ እንዴ ያልሆነ ትርክት እየፈጠርክ ሕዝብ ከሕዝብ የምታባላው?
  • ቢያንስ ከእናንተ እሻላለሁ፡፡
  • በምን?
  • እናንተ እኮ አገር እየሸጣችሁ ነው፡፡
  • ከአንተ ብሶ እንዲህ ስታወራ አታፍርም?
  • ምን ያሳፍረኛል?
  • ለማንኛውም እናንተ መቃወም እንጂ መምራት የት ታውቁበታላችሁ?
  • እልህ አያሲዙኝ ክቡር ሚኒስትር፡፡
  • ማለት?
  • እኔ የምሬን ከሠራሁ በዜሮ ነው የማስወጣችሁ፡፡
  • ማን ከለከለህ?
  • እናንተው ናችኋ፡፡
  • ምን ብለን?
  • አንተ መቃወም እንጂ መምራት አትችልም ብላችሁ ነዋ፡፡
  • ታዲያ ዋሸን?
  • እሱማ ትክክል ናችሁ፡፡
  • ስለዚህ አርፈህ ተቃወም፡፡
  • እኔ እኮ በመቃወም የሚገኘው ጥቅም በልጦብኝ እንጂ ጉድ ነበር የምሠራችሁ፡፡
  • እ…
  • ያው እናንተም ሥራ ስለምትሰጡኝ ብዬ እንጂ ድምጥማጣችሁን ነበር የማጠፋችሁ፡፡
  • ከእኛ ጋር እንደምትሠራ ማውራት የለብህም ብዬሃለሁ፡፡
  • እኔማ ለእርስዎ እንጂ ለሌላ ሰው አልናገርም፡፡
  • ለማንኛውም አንተም አቅምህን ማወቅ አለብህ፡፡
  • የምን አቅም?
  • ከእኛ ጋር መወዳደር እንደማትችል ነዋ፡፡
  • እሱን እንኳን ይተውት፡፡
  • እንዴት?
  • ምርጫውን ብወዳደር ድሮ እናንተ እንደምታሸንፉት ነበር የማሸንፈው፡፡
  • በምንድነው የምታሸንፈው?
  • በዝረራ!

[ለክቡር ሚኒስትሩ የቀድሞ ሚኒስትር ስልክ ደወሉላቸው]

  • አላቆምም አላችሁ አይደል ክቡር ሚኒስትር?
  • ምኑን?
  • ብሽሽቁን ነዋ፡፡
  • የምን ብሽሽቅ ነው?
  • በየሄዳችሁበት ስለእኛ ብቻ ነው እንዴ የምታወሩት?
  • ኧረ እኛ ብዙ ሥራ አለብን፣ ለወሬ ጊዜ የለንም፡፡
  • የት እንደሚያደርሳችሁ ግን እናያለን፡፡
  • መቼም አሁን የሚፈራችሁ እንደሌለ ታውቃለህ?
  • እሱማ ጥርሳችን እንዳልተነቀለ ጠንቅቃችሁ ታውቃላችሁ፡፡
  • ግን ያው ኬጅ ውስጥ ስላስቀመጥናችሁ ምንም አታመጡም፡፡
  • ለማንኛውም እኛን ለማናደድ ብላችሁ የምታደርጉት ነገር መስመር እያለፈ ነው፡፡
  • መስመር እያለፋችሁማ ያላችሁት እናንተ ናችሁ እኮ፡፡
  • ምን አደረግን?
  • የቱን ከየቱ ልዘርዝርልህ?
  • እናንተስ ምን እያደረጋችሁ ነው?
  • ምን አደረግን?
  • ይኸው አርፈን እንዳንቀመጥ እያደረጋችሁን ነዋ፡፡
  • እናንተ መቼ አርፋችሁ ተቀምጣችሁ ታውቃላችሁ?
  • እ…
  • እያንዳንዱን ሴራችሁን እናውቀዋለን፡፡
  • ለማንኛውም ይኼ ብሽሽቅ እናንተን የትም አያደርሳችሁም፡፡
  • እኛማ እናንተን እያበሸቅን አይደለም፡፡
  • ታዲያ ምን እያደረጋችሁ ነው?
  • እያወራረድን ነዋ፡፡
  • ምን?
  • ሒሳብ!

በብዛት የተነበቡ ፅሁፎች

- Advertisment -

ትኩስ ፅሁፎች

የንብረት ማስመለስ ረቂቅ አዋጅና የሚስተጋቡ ሥጋቶች

ከሰሞኑ ለሕዝብ ተወካዮች ምክር ቤት የቀረበው የንብረት ማስመለስ ረቂቅ...

የመጨረሻ የተባለው የንግድ ምክር ቤቱ ምርጫና የሚኒስቴሩ ውሳኔ

በአገር አቀፍ ደረጃ ደረጃ የንግድ ኅብረተሰቡን በመወከል የሚጠቀሰው የኢትዮጵያ...

ሚስጥሩ!

ጉዞ ከካዛንቺስ ወደ ስድስት ኪሎ፡፡ የጥንቶቹ አራዶች መናኸሪያ ወዘናዋ...

ብሔራዊ ባንክ ጥርስ እያወጣ ይሆን እንዴ?

በአመሐ ኃይለ ማርያም ‹‹Better late than never›› (ከቀረ የዘገየ ይሻላል) የኢትዮጵያ...
spot_img

ተዛማጅ ፅሁፎች

[የክቡር ሚኒስትሩ ባለቤት ሐዘን ለመድረስ ጎረቤት ተገኝተው ለቀስተኛው በሙሉ የሚያወራው ነገር አልገባ ብሏቸው ወደ ቤታቸው ከተመለሱ በኋላ ባለቤታቸውን ስለጉዳዩ እየጠየቁ ነው] 

ጎረቤታችን ሐዘን ለመድረስ ብሄድ ለቀስተኛው በሙሉ በሹክሹክታ ያወራል። ግን የሚያወሩት ነገር ሊገባኝ አልቻለም። ምንድነው የሚያወሩት? እኔ ምን አውቄ? እንዴት? የሚያወሩትን ምንም አልተሰማሽም? እኔ እንድሰማ የፈለጉ አይመስልም ግን ... ግን...

[ክቡር ሚኒስትሩ በመንግሥት የሚታወጁ ንቅናቄዎችን በተመለከተ ባለቤታቸው ለሚያነሱት ጥያቄ ምላሽ ለመስጠት እየሞከሩ ነው]

እኔ ምልህ? እ... ዛሬ ደግሞ ምን ልትይ ነው? ንቅናቄዎችን አላበዙባችሁም? የምን ንቅናቄ? በመንግሥት የሚታወጁ ሕዝባዊ ንቅናቄዎችን ማለቴ ነው። ምን ታወጀ? አንዴ ከዕዳ ወደ ምንዳ አላችሁ፡፡ እሺ? የእሱን ውጤት እየጠበቅን ሳለ ደግሞ... እ...? ኢትዮጵያ ታምርት...

[ክቡር ሚኒስትሩ ሰሞኑን በተጀመረው አገራዊ የምክክር መድረክ ላይ ስለተላለፉ መልዕክቶች በተመለከተ ከባለቤታቸው ጋር እያወጉ ነው] 

እኔ ምልህ? እ... አንቺ የምትይው? አለቃህ በምክክር መድረኩ ላይ ያስተላለፉትን መልዕክት አደመጥክ? አዎ፡፡ የሚገርም እኮ ነው አልተገረምክም? ምኑ ነው የሚያስገርመው? ለኢትዮጵያ የሚበጀውን ምከሩና አምጡ ብለው የምክክር መድረክ እንዲዘጋጅ ካደረጉ በኋላ...