Thursday, June 20, 2024

ለክቡር ሚኒስትሩ የቀድሞ ሚኒስትር ስልክ ደወሉላቸው

[የክቡር ሚኒስትሩ ጸሐፊ ቢሯቸው ገባች]

  • ምን ፈለግሽ?
  • ምነው ክቡር ሚኒስትር?
  • ሥራ ይዣለሁ፡፡
  • ተቆጡኝ እኮ፡፡
  • እኮ ለምን መጣሽ?
  • እንዲህ ተቆጥተውኝማ እንዴት እነግርዎታለሁ?
  • ታዲያ ለምን መጣሽ?
  • እሱማ አንድ ነገር ልነግርዎት ነበር፡፡
  • ምን?
  • አዲሱ የተመሠረተውን ፓርቲ የተመለከተ ነው፡፡
  • ምንድነው እሱ?
  • ትንሽ ፈርቼ ነው ክቡር ሚኒስትር፡፡
  • ምንድነው ያስፈራሽ?
  • እንደ እኔ ዓይነቷን ጸሐፊ የሚቀንስ እየመሰለኝ ነው፡፡
  • ለምን?
  • ከዚህ በኋላ ሥራ የሚገኘው በብቃት ነው ሲባል ሰማሁ፡፡
  • ታዲያ ምን ችግር አለው?
  • እ…
  • ምነው ደነገጥሽ?
  • ኧረ ምንም፡፡
  • ለነገሩ ሥጋትሽ ገብቶኛል፡፡
  • እንዴት ክቡር ሚኒስትር?
  • አንቺ እዚህ ቦታ ላይ የተቀመጥሽው በብቃትሽ አይደለማ፡፡
  • እንዴት?
  • እዚህ መሥሪያ ቤት ያለውን ዋነኛ የሙስና ኔትወርክ የመሠረትሽው አንቺ እንደሆንሽ አውቃለሁ፡፡
  • እ…
  • በዚያ ላይ ከዚህ ወደዚያ ወሬ እያመላለሽ ሠራተኛውን ታባያለሽ፡፡
  • ኧረ እኔ እንደዚህ ዓይነት ሰው አይደለሁም፡፡
  • ስለሁሉም ነገር መረጃ አለኝ፡፡
  • እኔ እኮ የኢሕአዴግ ደጋፊ ነኝ፡፡
  • እሱም እያበቃለት እንደሆነ አልሰማሽም?
  • እ…
  • ከዚህ በኋላ የፓርቲ ደጋፊ በመሆን ሥራ አይገኝም፡፡
  • ምን አሉኝ?
  • ብልፅግና ፓርቲ በብቃት ብቻ ነው የሚያምነው፡፡
  • ምን ተሻለኝ ታዲያ?
  • ራስሽን ማብቃት ነዋ፡፡
  • ትምህርት እኮ ብዙም አይገባኝም፡፡
  • ለነገሩ አንቺ ሴራ ነው የሚገባሽ፡፡
  • እ…
  • ሲቀጥል ሌብነት፡፡
  • አይስደቡኝ እንጂ ክቡር ሚኒስትር?
  • ይኼም ሲያንስሽ ነው፡፡
  • ተው እንጂ ክቡር ሚኒስትር፡፡
  • ከዚህ በኋላ ከሠነፎች ጋር መጓዝ አንችልም፡፡
  • ወይ ጣጣ፡፡
  • ስለዚህ በጊዜ አስቢበት፡፡
  • ምኑን?
  • ቀጣይ ቦታሽን፡፡
  • ምን እያሉኝ ነው?
  • ወስኛለሁ፡፡
  • ምን ለማድረግ?
  • ላባርርሽ!

[ለክቡር ሚኒስትሩ አንድ ደላላ ስልክ ደወለላቸው]

  • ደስ ይላል ክቡር ሚኒስትር፡፡
  • ምኑ?
  • ብልፅግና ነዋ፡፡
  • ምኑን ወደድከው?
  • ስሙ ራሱ ደስ ሲል፡፡
  • ወደድከው?
  • ምን ጥያቄ አለው?
  • ለምን ወደድከው?
  • በቃ ሁላችንም ልንበለፅግ ነዋ፡፡
  • ዝም ብሎማ አይበለፀግም፡፡
  • ማለት?
  • ብልፅግና በሥራ ነው የሚመጣው፡፡
  • እሱማ እንሠራለን፡፡
  • አንተ መቼ ሠርተህ ታውቃለህ?
  • ምን እያሉ ነው ክቡር ሚኒስትር?
  • ያለፋህበትን አይደል እንዴ የምታጭደው?
  • አልገባኝም?
  • ሰዎችን ከባለሥልጣን ጋር አገናኘሁ ብለህ አይደል እንዴ ገንዘብ የምትቀበለው፡፡
  • ምን ችግር አለው?
  • ያለሥራ ገንዘብ እያገኘህ አገሪቱን ወደኋላ ታስቀራታለሃ፡፡
  • ምን?
  • ስማ ከዚህ በኋላ እያጭበረበሩ መክበር አይቻልም፡፡
  • ማን ነው አጭበርባሪው?
  • እንደ አንተ ዓይነቱ ነዋ፡፡
  • ክቡር ሚኒስትር እኔ እኮ ለእርስዎ ብዙ ነገር እያሰብኩልዎት ነው፡፡
  • ምንድነው የምታስብልኝ?
  • እንዴት እንደሚበለፅጉ ነዋ፡፡
  • እንዴት ነው የምበለፅገው?
  • ይኸው እኔ የማውቃቸው በርካታ ባለሀብቶች አሉ፡፡
  • እሺ፡፡
  • የተለያዩ ጥያቄዎች ነው ያሏቸው፡፡
  • እሺ፡፡
  • ስለዚህ የባለሀብቶቹን ጥያቄዎች ይመልሳሉ ከዚያም የእርስዎ የሕይወት ጥያቄ ይመለሳል፡፡
  • ትሰማኛለህ?
  • ምነው ክቡር ሚኒስትር?
  • አዲሱ ፓርቲ ለእንደ አንተ ዓይነቱ ሌባ ቦታ የለውም፡፡
  • ምን?
  • ከዚህ በኋላ እየሰረቁ ሀብት ማካበት ይቀራል፡፡
  • ማን ሲሰርቅ አዩ?
  • አንተ ነሃ፡፡
  • ምን?
  • ስለሁሉም እንቅስቃሴህ መረጃ አለኝ፡፡
  • ክቡር ሚኒስትሩ እኔ የፓርቲው አባል መሆን እፈልጋለሁ፡፡
  • የትኛው ፓርቲ?
  • የብልፅግና ነዋ፡፡
  • ለአንተ እንኳን ቦታ የለንም፡፡
  • ለምን?
  • ባይሆን ለአንተ የሚሆነውን ሌላ ፓርቲ አለ፡፡
  • ምን የሚሉት?
  • የሌቦች ፓርቲ!

[ለክቡር ሚኒስትሩ አንድ ባለሥልጣን ስልክ ደወሉላቸው]

  • ብዙ ጥያቄ አለኝ ክቡር ሚኒስትር?
  • የምን ጥያቄ?
  • አዲሱ ፓርቲ ላይ ነዋ፡፡
  • እኮ ምን ዓይነት?
  • የሕዝባችን ጥያቄ መቼ ተመለሰ?
  • ምን እያሉ ነው?
  • መጀመሪያ የሕዝቡ ጥያቄ መመለስ አለበት፡፡
  • የትኛው ሕዝብ?
  • የክልላችን ሕዝብ፡፡
  • የክልላችን ሕዝብ ጥያቄ እኮ ከኢትዮጵያ ሕዝብ ጥያቄ የተለየ አይደለም፡፡
  • ቢሆንስ ምን ያስቸኩለናል?
  • ምኑ ላይ ነው የቸኮልነው?
  • ውህደቱ ላይ ነዋ፡፡
  • ውህደቱ እኮ ለዓመታት ስንወያይበት የነበረ ነው፡፡
  • እ…
  • በአገሪቱ ጉዳይ አንዱ በዪ ሌላው ተመልካች መሆን የለበትም ስንባባል ነበር እኮ፡፡
  • ብቻ እኔ አላማረኝም ክቡር ሚኒስትር፡፡
  • ምኑ ነው ያላማረህ?
  • አሁን እየሄድንበት ያለው መንገድ፡፡
  • ለምን?
  • ምንም ሊገባኝ አልቻለም፡፡
  • ለዓመታት የታገልንበት አጀንዳ እኮ ነው፡፡
  • እ…
  • ችግር በፈጠረው ሥርዓት መፍትሔ ማፍለቅ አይቻልም፡፡
  • ማን ነው ያለው?
  • አንተም ከዚህ በፊት ስትለው ነበር፡፡
  • ሐሳቤን መቀየር አልችልም?
  • ምንም አታስብ፣ አሁን የምንገነባው ሥርዓት የሐሳብ ልዩነትን የሚደግፍ ነው፡፡
  • እኔ ግን ውህደቱን አልደግፍም ክቡር ሚኒስትር፡፡
  • ለምን እንደማትደግፈው ትነግረኛለህ?
  • የሕዝባችን ጥያቄ አልተመለሰማ፡፡
  • የኢትዮጵያ ሕዝብ ጥያቄ ሲመለስ እኮ ሁሉም ጥያቄ ይመለሳል፡፡
  • የእኔስ ጥያቄ?
  • ምንድነው የአንተ ጥያቄ?
  • የሥልጣን ነዋ፡፡
  • ኪኪኪ…
  • ምን ያስቅዎታል ክቡር ሚኒስትር?
  • ለሕዝቡ ነው የምታገለው አላልከኝም እንዴ?
  • እኔስ የሕዝቡ አካል አይደለሁም እንዴ?
  • አንድ ነገር ልንገርህ፡፡
  • ምን?
  • ከዚህ በኋላ በዚህች አገር አንድ ነገር ይቀራል፡፡
  • ምን?
  • ተረኝነት!

[ለክቡር ሚኒስትሩ የቀድሞ ሚኒስትር ስልክ ደወሉላቸው]

  • አገር እያፈራረሳችሁ ነው ክቡር ሚኒስትር፡፡
  • አገር እየነባን ነው እንጂ፡፡
  • ማን ያፈረሰውን?
  • እናንተ፡፡
  • አሃዳዊ ሥርዓት በመገንባት ነው አገር የምትገነቡት?
  • አሃዳዊውማ የእናንተ ነበር፡፡
  • እ…
  • አገሪቱን በአንድ ሐሳብ ረግጣችሁ ስትገዙ የነበራችሁት እኮ እናንተ ናችሁ፡፡
  • ሕገ መንግሥቱን እየናዳችሁት እኮ ነው ክቡር ሚኒስትር፡፡
  • እናንተ መቼ አክብራችሁት ታውቁና?
  • እ…
  • እንደፈለጋችሁ አልነበር እንዴ ስትፈነጩበት የነበረው?
  • ግድ የለም አሁን ጊዜው የእናንተ ነው፡፡
  • ጊዜው የሕዝቡ ነው፡፡
  • እንዴት?
  • የኢትዮጵያ ሕዝብ ተባብሮ በመሥራት የሚበለፅግበት ጊዜ ነው፡፡
  • በእኛ ጊዜ አገሪቱ በ11 በመቶ ስታድግ እንደነበር እንዳይረሱ ክቡር ሚኒስትር?
  • 11 በመቶ ያደገችው አገሪቱ ሳትሆን እናንተ ናችሁ፡፡
  • እኛ እነማን ነን?
  • ሌቦች ባለሥልጣናት ናችኋ፡፡
  • ለማንኛውም እኛ አገር የማዳን ኮንፈረንስ እናዘጋጃለን፡፡
  • የኮንፈረንሱን ስም ቀይሩት፡፡
  • ምን እንበለው?
  • ራስን የማዳን ኮንፈረንስ!

በብዛት የተነበቡ ፅሁፎች

- Advertisment -

ትኩስ ፅሁፎች

የንብረት ማስመለስ ረቂቅ አዋጅና የሚስተጋቡ ሥጋቶች

ከሰሞኑ ለሕዝብ ተወካዮች ምክር ቤት የቀረበው የንብረት ማስመለስ ረቂቅ...

የመጨረሻ የተባለው የንግድ ምክር ቤቱ ምርጫና የሚኒስቴሩ ውሳኔ

በአገር አቀፍ ደረጃ ደረጃ የንግድ ኅብረተሰቡን በመወከል የሚጠቀሰው የኢትዮጵያ...

ሚስጥሩ!

ጉዞ ከካዛንቺስ ወደ ስድስት ኪሎ፡፡ የጥንቶቹ አራዶች መናኸሪያ ወዘናዋ...

ብሔራዊ ባንክ ጥርስ እያወጣ ይሆን እንዴ?

በአመሐ ኃይለ ማርያም ‹‹Better late than never›› (ከቀረ የዘገየ ይሻላል) የኢትዮጵያ...
spot_img

ተዛማጅ ፅሁፎች

[የክቡር ሚኒስትሩ ባለቤት ሐዘን ለመድረስ ጎረቤት ተገኝተው ለቀስተኛው በሙሉ የሚያወራው ነገር አልገባ ብሏቸው ወደ ቤታቸው ከተመለሱ በኋላ ባለቤታቸውን ስለጉዳዩ እየጠየቁ ነው] 

ጎረቤታችን ሐዘን ለመድረስ ብሄድ ለቀስተኛው በሙሉ በሹክሹክታ ያወራል። ግን የሚያወሩት ነገር ሊገባኝ አልቻለም። ምንድነው የሚያወሩት? እኔ ምን አውቄ? እንዴት? የሚያወሩትን ምንም አልተሰማሽም? እኔ እንድሰማ የፈለጉ አይመስልም ግን ... ግን...

[ክቡር ሚኒስትሩ በመንግሥት የሚታወጁ ንቅናቄዎችን በተመለከተ ባለቤታቸው ለሚያነሱት ጥያቄ ምላሽ ለመስጠት እየሞከሩ ነው]

እኔ ምልህ? እ... ዛሬ ደግሞ ምን ልትይ ነው? ንቅናቄዎችን አላበዙባችሁም? የምን ንቅናቄ? በመንግሥት የሚታወጁ ሕዝባዊ ንቅናቄዎችን ማለቴ ነው። ምን ታወጀ? አንዴ ከዕዳ ወደ ምንዳ አላችሁ፡፡ እሺ? የእሱን ውጤት እየጠበቅን ሳለ ደግሞ... እ...? ኢትዮጵያ ታምርት...

[ክቡር ሚኒስትሩ ሰሞኑን በተጀመረው አገራዊ የምክክር መድረክ ላይ ስለተላለፉ መልዕክቶች በተመለከተ ከባለቤታቸው ጋር እያወጉ ነው] 

እኔ ምልህ? እ... አንቺ የምትይው? አለቃህ በምክክር መድረኩ ላይ ያስተላለፉትን መልዕክት አደመጥክ? አዎ፡፡ የሚገርም እኮ ነው አልተገረምክም? ምኑ ነው የሚያስገርመው? ለኢትዮጵያ የሚበጀውን ምከሩና አምጡ ብለው የምክክር መድረክ እንዲዘጋጅ ካደረጉ በኋላ...