Saturday, May 18, 2024
- Advertisement -
- Advertisement -

ማኅበራዊቅዱስ ጴጥሮስ ሆስፒታል ለችግረኛ ሕሙማን የሦስት ቀናት ነፃ ሕክምና ሊሰጥ ነው

ቅዱስ ጴጥሮስ ሆስፒታል ለችግረኛ ሕሙማን የሦስት ቀናት ነፃ ሕክምና ሊሰጥ ነው

ቀን:

የቅዱስ ጴጥሮስ ሪፈራል ሆስፒታል ገንዘበ ከፍለው መታከም ለማይችሉ ሕሙማን ለሦስት ቀናት የሚቆይ ነፃ የሕክምና አገልግሎቶች ሊሰጥ ነው፡፡ ከኅዳር 19 ቀን እስከ ኅዳር 21 ቀን 2012 ዓ.ም. ድረስ የሚሰጠው ነፃ ሕክምና በጥርስ፣ በሆድ ዕቃ፣ በወንድ የዘር ፍሬ ከረጢትና በአንጀት መውረድ ቀዶ ሕክምና ዙሪያ ይሆናል፡፡

የሕክምና አገልግሎቱንም ከህንድ የመጣው የሕክምና ቡድን ከኢትዮጵያውያን ሐኪሞች ጋር በመተባበር ይሰጣል፡፡

የሆስፒታሉ ኮሙዩኒኬሽን ዳይሬክተር አቶ አሸናፊ አብሬ ለሪፖርተር እንደገለጹት፣ አገልግሎቱ ከመጀመሩ አስቀድሞ ከኅዳር 15 ቀን ጀምሮ የታካሚዎችን በሽታ ዓይነት የማጣራትና የመለየት ሥራ በመካሄድ ላይ ነው፡፡

- Advertisement -

የቅዱስ ጴጥሮስ ሪፈራል ሆስፒታል በመደበኛው ሥራ ከ28 በላይ የሆኑ ልዩ ልዩ የሕክምና አገልግሎቶች እንደሚሰጥ፣ ከእነዚህም መካከል የልብ፣ የነርቭና ፕላስቲክ ቀዶ ሕክምናዎችና በአፍሪካ ቀንድ ብቸኛ የሆነው የቶክሲኮሎጂ ሴንተር (የተመረዙ ሰዎች የሚታከሙበት ማዕከል) እንደሚገኙበት አክለዋል፡፡

እንደ አቶ አሸናፊ ገለጻ፣ ሆስፒታሉ በጠቅላላው 1040 ሠራተኞች አሉት፡፡ ከእነዚህም መካከል 403 ጠቅላላ ሐኪሞች፣ 33 ስፔሻሊስቶች፣ አራት ሰብ ስፔሻሊስቶች ሲሆኑ፣ የቀሩት በልዩ ልዩ የሕክምና ዘርፍ የተሰማሩ ጤና ረዳቶችና ድጋፍ ሰጪ ሠራተኞች ናቸው፡፡

ለከርሞ የሕክምና ኮሌጅ ለማቋቋም፣ የራዲዮሎጂ ሕንፃ ለመገንባትና የቶክሲኮሎጂ ሕክምና የልቀት ማዕከል እንዲሆን እንዲሁም በልብ ቀዶ ሕክምና አገራዊ ማዕከል ለመሥራት አቅዶ እየተንቀሳቀሰ የሚገኘው ሆስፒታሉ የተመሠረተው በ1953 ዓ.ም. መሆኑን ይታወቃል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ