Monday, May 27, 2024
- Advertisement -
- Advertisement -

ማኅበራዊ4,000 መምህራን የሦስተኛ ዲግሪ ሥልጠና እየተከታተሉ ነው

4,000 መምህራን የሦስተኛ ዲግሪ ሥልጠና እየተከታተሉ ነው

ቀን:

በመንግሥት ዩኒቨርሲቲዎች የሚታየውን የሦስተኛ ዲግሪ መምህራን እጥረት ለማቃለል 4,000 ኢትዮጵያውን መምህራን በተለያዩ አገሮች የሦስተኛ ዲግሪ መርሐ ግብር በመከታተል ላይ መሆናቸው ተገለጸ፡፡ ትምህርቱንም የሚከታተሉት በቻይና፣ ህንድ፣ ቱርክና ደቡብ አፍሪካ በሚገኙ ዩኒቨርሲቲዎች መሆኑን የሳይንስና ከፍተኛ ትምህርት ሚኒስቴር የምርምርና የአካዴሚክ ጉዳዮች ዋና ዳይሬክተር አስታውቀዋል፡፡

‹‹ናሽናል ኮንፈረንስ ኦን ፒኤችዲ ትሬኒንግ ኢን ኢትዮጵያ ቻሌንጅስ ኦፖርቹኒቲስ ኤንድ ዌይ ፎርወርድ›› በሚል ጥቅምት 20 ቀን 2012 ዓ.ም. የተካሄደውን ዓውደ ጥናት አስመልክተው ዋና ዳይሬክተሩ ኢባ ሚጂና (ዶ/ር) ለሪፖርተር እንደገለጹት፣ የሥልጠናው ወጪ የሚሸፈነው 98 በመቶ በኢትዮጵያ መንግሥት ሲሆን፣ የቀረው ግን መምህራኑ በራሳቸው ያገኙት ነፃ ስኮላርሺፕ ነው፡፡

መምህራኑን በተጠቀሱት አገሮች ለማሠልጠን ያስፈልገው እስከዚህ ዓመት መጨረሻ ድረስ በመንግሥት ዩኒቨርሲቲዎች ያሉትን የሦስተኛ ዲግሪ መምህራን ቁጥር ወደ 30 በመቶ፣ የሁለተኛ ዲግሪ መምህራንን ደግሞ ወደ 70 በመቶ ከፍ ለማድረግ እንዲቻል በተያዘው ዕቅድ መሠረት መሆኑን ተናግረዋል፡፡

- Advertisement -

እንደ ዋና ዳይሬክተሩ፣ ባለፈው ዓመት በተካሄደ ቆጠራ በአሁኑ ጊዜ በሁሉም የመንግሥት ዩኒቨርሲቲዎች ካሉት 35,000 አካዴሚክ ሠራተኞች መካከል ሦስተኛ ዲግሪ ያላቸው 12 በመቶ ሲሆኑ፣ ሁለተኛ ዲግሪ መምህራን ደግሞ 68 በመቶ ናቸው፡፡

በአብዛኞቹ የመንግሥት ዩኒቨርሲቲዎች የሚገኙና ሁለተኛ ዲግሪ ያላቸው መምህራን፣ የሁለተኛ ዲግሪ ተማሪዎችን በማስተማርና በማማከር እየሠሩ መሆኑን ጠቁመው፣ ይህም በትምህርት ጥራት ላይ አሉታዊ ተፅዕኖ ማሳደሩን አስረድተዋል፡፡

ጥራት ላይ መሥራት ከተፈለገ ሦስተኛ ዲግሪ የቅንጦት ጉዳይ ሳይሆን በአሁኑ ፉክክር ወይም ተወዳዳሪነት ባለበት ዓለም ውስጥ የመኖር ወይም ያለመኖር ጉዳይ ሆኖ መታየት አለበት ያሉ ዶ/ር ኢባ፣ የሦስተኛ ዲግሪ ፕሮግራም የሚሰጡ ተቋማት እጥረት እንዳለ፣ በዚህም የተነሳ እስካሁን ድረስ በሕግ (የወንጀል ሕግ ቢዝነስና ኢንተርናሽናል ሕግ)፣ ሜዲካል ላብራቶሪ ሳይንስ፣ ሚድዋይፈሪ፣ አካውንቲንግና ከጤና ጋር በተያያዙ ልዩ ልዩ መስኮች ላይ ትኩረት ያደረገ የሦስተኛ ዲግሪ ፕሮግራም እንደሌለ ጠቁመዋል፡፡  

በአሁኑ ጊዜ በመላ አገሪቱ 50 የመንግሥት ዩኒቨርሲቲዎችና ከ230 በላይ የቴክኒክና የሙያ ሥልጠና ተቋማት እንዳሉ፣ በእነዚህም ዩኒቨርሲቲዎች ትምህርታቸውን በመከታተል ላይ ያሉ ተማሪዎች ቁጥር አንድ ሚሊዮን መድረሱን፣ ነገር ግን በአብዛኞቹ ዩኒቨርሲቲዎች ውስጥ የሚታው የትምህርት ጥራት አከራካሪ ሆኖ መገኘቱን ጠቁመዋል፡፡ በአንፃሩ ደግሞ የትምህርቱ ዘርፍ በመንግሥት በኩል የተለየ ትኩረት እንደተሰጠው፣ በዚህም የተነሳ በ30 ሚሊዮን ብር ወጪ የአዲስ አበባ ዩኒቨርሲቲን የቤተ መጻሕፍት፣ የላቦራቶሪና የምርምር አቅምን ከፍ የሚያደርግ ሥራ እየተከናወነ እንደሚገኝ አክለዋል፡፡  

ኢትዮጵያ በ2022 ዓ.ም. መካከለኛ ገቢ ካላቸው አገሮች ተርታ ለማሠለፍ ያላትን ፍላጎት ዕውን ለማድረግ ትምህርትን ተደራሽና ፍትሐዊ ማድረግ ብቻ ሳይሆን በጥራት ላይ ያለመ መሆን እንዳለበት ገልጸዋል፡፡

ጅማ ዩኒቨርሲቲና የቅዱስ ጳውሎስ ሆስፒታል ሚሌኒየም ኮሌጅ ከኖርዌይ ኦስሎ ዩኒቨርሲቲ ጋር በጋራ ተባብረው ባካሄዱት በዚሁ ዓውደ ጥናት፣ በሦስተኛ ዲግሪ ላይ ትኩረት ያደረጉ ልዩ ልዩ ጥናታዊ ጽሑፍ ቀርበው ውይይት ተደርጎባቸዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የፋይናንስ ኢንዱስትሪው ለውጭ ባንኮች መከፈት አገር በቀል ባንኮችን ለምን አስፈራቸው?

የማይረጥቡ ዓሳዎች የፋይናንስ ተቋማት መሪዎች ሙግት ሲሞገት! - በአመሐ...

የምርጫ 97 ትውስታ!

በበቀለ ሹሜ      መሰናዶ ኢሕአዴግ ተሰነጣጥቆ ከመወገድ ከተረፈ በኋላ፣ አገዛዙን ከማሻሻልና...

ሸማቾች የሚሰቃዩት በዋጋ ንረት ብቻ አይደለም!

የሸማች ችግር ብዙ ነው፡፡ ሸማቾች የሚፈተኑት ባልተገባ የዋጋ ጭማሪ...

መንግሥት ከለጋሽ አካላት ሀብት ለማግኘት የጀመረውን ድርድር አጠናክሮ እንዲቀጥል ፓርላማው አሳሰበ

የሦስት ዩኒቨርሲቲዎች ፕሬዚዳንቶች በኦዲት ግኝት ከኃላፊነታቸው መነሳታቸው ተገልጿል አዲስ አበባ...