Monday, June 17, 2024

ለክቡር ሚኒስትሩ የቀድሞው ሚኒስትር ስልክ ደወሉላቸው

[ክቡር ሚኒስትሩ ከሚስታቸው ጋር ቤት ምሳ እየበሉ ነው]

  • ደስታው እኮ ሊለቀኝ አልቻለም፡፡
  • የትኛው ደስታ?
  • የሽልማቱ ደስታ ነው፡፡
  • የጠቅላይ ሚኒስትራችንን ሽልማት ነው የምትይኝ?
  • ምን ጥያቄ አለው?
  • እኛም እኮ ተሰባስበን ሌላ ሽልማት ሰጠናቸው፡፡
  • የምን ሽልማት?
  • የወርቅ ሽልማት ነዋ፡፡
  • ከየት መጥቶ?
  • ምን ማለት ነው?
  • ያው ወርቁ በኮንትሮባንድ ነው የሚጓዘው ብዬ ነዋ፡፡
  • ለእሳቸው የሚሆን እናጣለን ብለሽ ነው?
  • መቼም የኮንትሮባንድ ንግድ ውስጥ የለህበትም?
  • ምኑን አመጣሽብኝ?
  • አሁን ሁሉ ነገር ኮንትሮባንድ ስለሆነ ብዬ ነው፡፡
  • ኧረ ሰው እንዳይሰማሽ?
  • ትንሽ ግን የፈዘዝን አይመስልህም?
  • እንዴት?
  • ጠዋት ከሰዎች ጋር ተገናኝቼ ነበር፡፡
  • እሺ፡፡
  • ምን እየሠራችሁ ነው ብለው ጠየቁኝ?
  • አልገባኝም?
  • እንዳይቆጫችሁ አላሉኝም መሰለህ?
  • ምኑ ነው የሚቆጨን?
  • ሥልጣናችሁን ተጠቀሙበት እንጂ ብለው ነዋ፡፡
  • ምን ማድረግ እንችላለን ብለሽ ነው?
  • ኧረ ብዙ ሐሳብ ሲነግሩኝ ነበር፡፡
  • እኮ ምን?
  • ለምሳሌ ከሽልማቱ ብዙ ነገር ልናገኝ እንችላለን፡፡
  • ምን ዓይነት ነገር?
  • ሽልማቱ እኮ አገራዊ ይዘት እንዳለው አትርሳ፡፡
  • እሱንማ አውቃለሁ፡፡
  • ከአገርም አልፎ ዓለም አቀፋዊ አንደምታ አለው፡፡
  • እሱስ ልክ ነሽ፡፡
  • ስለዚህ ሽልማቱን አስታከን ብዙ ልናተርፍባቸው የሚችሉ ነገሮችን ማዘጋጀት እንችላለን፡፡
  • ምን ዓይነት ነገር?
  • ቲሸርት፣ ኮፍያ፣ ብዕር፣ ኧረ ብዙ ነገር ማዘጋጀት እንችላለን፡፡
  • ብለሽ ነው?
  • የተባበሩት ዓረብ ኤምሬትስ ሳይቀሩ የጠቅላይ ሚኒስትሩን ምስል በየሕንፃዎቻቸው ሲያበሩ አልነበር እንዴ?
  • እሱስ ልክ ነሽ፡፡
  • ታዲያ የውጭዎቹ እንደዚህ ሲያሞጋግሱን እኛ እንዴት ወደኋላ እንላለን፡፡
  • ሐሳብሽ ጥሩ ነው፡፡
  • ስለዚህ ይኼን ሐሳብ ለማንም ብታቀርበው ተቀባይነት ያገኛል፡፡
  • ታዲያ ምን እያልሽኝ ነው?
  • ሐሳቡን ሳንቀደም እንቅደም፡፡
  • ያዋጣናል ግን?
  • ስነግርህ በጠቅላይ ሚኒስትሩ ሽልማት እኛም ራሳችንን እንሸልማለን፡፡
  • ምንድነው የምንሸልመው?
  • ቪላ!

[ለክቡር ሚኒስትሩ አንድ ተቃዋሚ ስልክ ደወለላቸው]

  • እንኳን ደስ ያለህ ለማለት ነው የደወልከው?
  • ለምኑ ክቡር ሚኒስትር?
  • ለሽልማቱ ነዋ፡፡
  • የምን ሽልማት?
  • የኖቤል የሰላም ሽልማቱ ነዋ፡፡
  • እርስዎ እኮ አይደለም የተሸለሙት ክቡር ሚኒስትር፡፡
  • ሽልማቱማ የሁላችንም ነው፡፡
  • ይህቺ ጎንበስ ጎንበስ ዕቃ ለማንሳት ነው አሉ፡፡
  • ምን ማለት ነው?
  • ያው ሽልማቱ የሁላችንም ነው ካሉ ገንዘቧንም እንካፈል እንዳይሉ ብዬ ነዋ፡፡
  • ለቀልድማ ማን ብሎህ?
  • በጣም አፍሬያለሁ ግን ክቡር ሚኒስትር፡፡
  • በምኑ?
  • በሁሉም ነገር፡፡
  • ምን ማለት ነው?
  • ለውጡን እኮ አንድ ወደፊት ሁለት ወደኋላ እያስኬዳችሁት ነው፡፡
  • ከአንተ ድሮስ ምን ይጠበቃል?
  • እውነቴን እኮ ነው ክቡር ሚኒስትር፡፡
  • ምን እያልክ ነው?
  • እንዴት ብላችሁ ነው የከለከላችሁት?
  • ምኑን?
  • ሰላማዊ ሠልፉን ነዋ፡፡
  • እ…
  • ታዲያ በምን ተሻላችሁ?
  • ከምኑ?
  • ከበፊቶቹ ነዋ፡፡
  • በል በል ከእነሱ ጋር እንዳታወዳድረን፡፡
  • ለምን?
  • ይኸው ዓለም ሳይቀር ለውጡን አድንቆ አይደለም እንዴ የሸለመን፡፡
  • ክቡር ሚኒስትር የውጭ አልጋ የቤት ቀጋ እንዳትሆኑ እፈራለሁ፡፡
  • እ…
  • ለእናንተም እኮ ጥሩ ነበር፡፡
  • ምኑ?
  • ሠልፉ ነዋ፡፡
  • እንዴት ሆኖ?
  • የሕዝቡን ትርታ ትሰሙበት ነበራ፡፡
  • እ…
  • እሱን ለነገሩ የሚሰማ ጆሮ የላችሁም፡፡
  • ምን አልክ?
  • ለመሆኑ ይኼን ያህል ምንድነው የሚያስፈራችሁ?
  • እ…
  • ቁጣው ከገነፈለ ግን የማትወጡት ነገር ውስጥ ትገባላችሁ፡፡
  • የማን ቁጣ?
  • የሕዝቡ ነዋ፡፡
  • ለምን ይቆጣናል?
  • ስለምታፍኑት ነዋ፡፡
  • በለውጡማ ነፃነት እንጂ ማፈን የለም፡፡
  • በተግባር ካላሳያችሁ ማንም አይሰማችሁም፡፡
  • ይኸው ዓለም ሰምቶን አይደል የሸለመን፡፡
  • በአገር ውስጥም መሸለም አለባችኋ፡፡
  • እሱስ መቼ ይቀራል?
  • በዚህ አካሄዳችሁ የምትሸለሙትን አውቀዋለሁ፡፡
  • ምንድነው የምንሸለመው?
  • ውርደት!

[ክቡር ሚኒስትሩ አንድ ባለሀብት ደወለላቸው]

  • ሰላም ክቡር ሚኒስትር፡፡
  • እንዴት ነህ ወዳጄ?
  • ተዋችሁት እንዴ ክቡር ሚኒስትር?
  • ምኑን?
  • ኢኮኖሚውን ነዋ፡፡
  • እንዴት ይተዋል?
  • ምን እያደረጋችሁት ነው ታዲያ?
  • እ…
  • የኢኮኖሚው ችግር ከዕለት ወደ ዕለት እየጨመረ ነው እኮ፡፡፡
  • እሱማ ልክ ነው፡፡
  • ምን አስባችሁ ነው?
  • ስለምኑ?
  • ስለኢኮኖሚው አልኩዎት እኮ ክቡር ሚኒስትር፡፡
  • ምን እናድርግ?
  • ወደው አይስቁ አሉ፡፡
  • እንዴት?
  • መልሰው እኔኑ ይጠይቁኛል እንዴ?
  • ምን ላድርግ?
  • ክቡር ሚኒስትር አገሪቷ ልትቆም እኮ ነው፡፡
  • እ…
  • የኢኮኖሚ እንቅስቃሴው በጣም እየተዳከመ ነው፡፡
  • ምን ተሻለ ታዲያ?
  • የኢኮኖሚ ፕሮግራም የላችሁም እንዴ?
  • ምን አልከኝ?
  • የፈጣሪ ያለህ፡፡
  • ምነው?
  • አገሪቷ ውስጥ ገንዘብ ጠፍቷል፡፡
  • አሁን ትንሽ ታገሱን፡፡
  • እንዴት?
  • የመንግሥት ድርጅቶችን ልንሸጣቸው ነዋ፡፡
  • እሱ መፍትሔ ነው ብለው ነው?
  • ዛሬ በልተን ማደር ከቻልን ስለነገው እግዚአብሔር ያውቃል፡፡
  • ለነገሩ እናንተ በዚህ ከቀጠላችሁ አዲሱ የሚመሠረተው ፓርቲ ውስጥ እግዚአብሔርም አለበት ትላላችሁ፡፡
  • ምን ችግር አለው?
  • ኧረ ክቡር ሚኒስትር አየር ላይ መንሳፈፉን ትታችሁ ወደ ምድር ውረዱ፡፡
  • ምን እያልክ ነው?
  • አገሪቷ እየተንኮታኮተች ነው፡፡
  • እ…
  • የኢኮኖሚውን ጥያቄ መልሱ፡፡
  • መመለሱማ አይቀርም፡፡
  • ክቡር ሚኒስትር በኋላ ኢኮኖሚው ከተበላሸ ከፖለቲካው በላይ የራስ ምታት ነው የሚሆንባችሁ፡፡
  • እሱ መቼ ጠፋን?
  • ታዲያ መፍትሔ ስጡታ?
  • ግራ ገብቶን ነው፡፡
  • ክቡር ሚኒስትር አገር እኮ ነው እየመራችሁ ያላችሁት?
  • ታዲያ ሕዝቡ ካለተባበረን ምን እናድርግ?
  • ምን ሕዝቡ ገንዘብ ያዋጣ እያላችሁ ነው?
  • ግብር እኮ በሥርዓት የሚከፍል ጠፍቷል፡፡
  • ምን ተሠርቶ ግብር ይከፈል?
  • እ…
  • ለነገሩ እኛ አልሰማ ብለናችሁ እንጂ የኢኮኖሚ ፖሊሲያችሁንማ ነግራችሁን ነበር፡፡
  • ምንድነው?
  • ልመና!

[ለክቡር ሚኒስትሩ የቀድሞው ሚኒስትር ስልክ ደወሉላቸው]

  • ኪኪኪ…
  • ምን ያስገለፍጥሃል?
  • ገርማችሁኝ ነው ክቡር ሚኒስትር፡፡
  • ምን አድርገን?
  • በቃ መላቅጡ ጠፍቶባችኋል እኮ፡፡
  • የእናንተ ሥራ ነዋ፡፡
  • ምን አጠፋን እኛ?
  • አገሪቷን ለዚህ መከፋፈል ያበቃችኋት እናንተ አይደላችሁ እንዴ?
  • በእውነት እኛም ተገርመናል፡፡
  • በምኑ?
  • ላለፉት ዓመታት ያስተማርናቸው አካላት በእውነት አስገርመውናል፡፡
  • እ…
  • እኛ ካሰብነው በላይ ነው እኮ የብሔር ፖለቲካውን ያጦዙት፡፡
  • የሥራችሁን ይስጣችሁ፡፡
  • ክቡር ሚኒስትር ሕዝቡ የብሔር ፖለቲካው እኛ ከገባን በላይ ነው የገባው ስልዎት፡፡
  • እያንዳንዷን ሒሳብ ማወራረዳችሁ አይቀርም፡፡
  • ሕዝቡ ግን እንደሚወደን ያውቃሉ ክቡር ሚኒስትር?
  • እናንተን?
  • ባይወደን ኖሮ ለዓመታት የሰበክነውን የብሔር ፖለቲካ እንዴት እንደዚህ ያጦዘዋል፡፡
  • ግድ የለም የእጃችሁን ታገኙታላችሁ፡፡
  • ክቡር ሚኒስትር አገር መምራቱን የቻላችሁት ስላልመሰለን ብትመልሱልን ይሻላችኋል፡፡
  • ምኑን?
  • ሥልጣኑን፡፡
  • እሱንማ አታስቡት፡፡
  • ለማንኛውም ለሽልማቱ እንኳን ደስ አላችሁ፡፡
  • መቼም ዓይናችሁ ቀልቷል?
  • ክቡር ሚኒስትር እኛ ሽልማት ብርቃችን አይደለም፡፡
  • ለነገሩ እኛም እናንተን እንሸልማችኋለን፡፡
  • በምን?
  • በሴራ!

በብዛት የተነበቡ ፅሁፎች

- Advertisment -

ትኩስ ፅሁፎች

የምግብ ዋጋ ንረት አጣዳፊ ዕርምጃ ያስፈልገዋል!

መንግሥት የሚቀጥለውን ዓመት በጀት ይዞ ሲቀርብ በአንገብጋቢነት ከሚነሱ ጉዳዮች...

ከባለአንድ ዋልታ ወደ ባለብዙ ዋልታ የዓለም ሥርዓት የመሸጋገራችን እውነታ

በአብዱ ሻሎ አንገት ማስገቢያ እ.ኤ.አ. በፌብሩዋሪ 2022 የሩሲያ መንግሥት በዩክሬን ‹‹ልዩ...

የኢትዮጵያ ኦርቶዶክስ ተዋሕዶ ቤተ ክርስቲያን የውጭ ግንኙነት የሺሕ ዘመናት ታሪኳና እሴቶቿን የሚመጥን መሆን ይኖርበታል

(ክፍል አንድ) በተረፈ ወርቁ (ዲ/ን) እንደ መንደርደሪያ ለዛሬው የግል ትዝብቴንና ታሪክን ላዛነቀው...

ከአገር ግንባታ ጋር የተያያዙ ወሳኝ የቅርብ ታሪካችን አንጓዎች

በታደሰ ሻንቆ በአያሌው የተመረጡና ልጥ የሌላቸው ነጥቦች የተደራጁበት ይህ ታሪክ...
spot_img

ተዛማጅ ፅሁፎች

[ክቡር ሚኒስትሩ በመንግሥት የሚታወጁ ንቅናቄዎችን በተመለከተ ባለቤታቸው ለሚያነሱት ጥያቄ ምላሽ ለመስጠት እየሞከሩ ነው]

እኔ ምልህ? እ... ዛሬ ደግሞ ምን ልትይ ነው? ንቅናቄዎችን አላበዙባችሁም? የምን ንቅናቄ? በመንግሥት የሚታወጁ ሕዝባዊ ንቅናቄዎችን ማለቴ ነው። ምን ታወጀ? አንዴ ከዕዳ ወደ ምንዳ አላችሁ፡፡ እሺ? የእሱን ውጤት እየጠበቅን ሳለ ደግሞ... እ...? ኢትዮጵያ ታምርት...

[ክቡር ሚኒስትሩ ሰሞኑን በተጀመረው አገራዊ የምክክር መድረክ ላይ ስለተላለፉ መልዕክቶች በተመለከተ ከባለቤታቸው ጋር እያወጉ ነው] 

እኔ ምልህ? እ... አንቺ የምትይው? አለቃህ በምክክር መድረኩ ላይ ያስተላለፉትን መልዕክት አደመጥክ? አዎ፡፡ የሚገርም እኮ ነው አልተገረምክም? ምኑ ነው የሚያስገርመው? ለኢትዮጵያ የሚበጀውን ምከሩና አምጡ ብለው የምክክር መድረክ እንዲዘጋጅ ካደረጉ በኋላ...

[የክቡር ሚኒስትሩ ባለቤት የኬንያው ፕሬዚዳንት ያስተላለፉትን መልዕክት ተመልክተው ባለቤታቸውን በነገር ይዘዋቸዋል]

የኬንያው ፕሬዚዳንት ከሕዝባቸው ለቀረበባቸው ቅሬታ የሰጡትን ምላሽ ሰማህ? እንኳን ምላሻቸውን ቅሬታውንም አልሰማሁም። እንዴት? አልሰማሁማ? የምን ቅሬታ ቀርቦባቸው ነው? ሰሞኑን ወደ አሜሪካ ለመጓዝ ውድና ቅንጡ አውሮፕላን ተከራይተዋል የሚል ቅሬታ...