Tuesday, May 21, 2024
- Advertisement -
- Advertisement -

ዜናየሰብዓዊ መብት ተሟጋቹ ዳንኤል በቀለ (ዶ/ር) የኢትዮጵያ ሰብዓዊ መብት ኮሚሽነር ሆነው ተሾሙ

የሰብዓዊ መብት ተሟጋቹ ዳንኤል በቀለ (ዶ/ር) የኢትዮጵያ ሰብዓዊ መብት ኮሚሽነር ሆነው ተሾሙ

ቀን:

ታዋቂው የሰብዓዊ መብት ተሟጋች ዳንኤል በቀለ (/) የኢትዮጵያ ሰብዓዊ መብት ኮሚሽነር ሆነው ተሾሙ።

የሕዝብ ተወካዮች ምክር ቤት ማክሰኞ ሰኔ 25 ቀን 2011 ዓ.ም. ባካሄደው ስብሰባ  ከቀረቡለት አጀንዳዎች መካከል፣ ለኢትዮጵያ ሰብዓዊ መብት ኮሚሽን በዕጩነት የቀረቡትን ኮሚሽነር ሹመት ማፅደቅ ነበር።

በምክር ቤቱ አፈ ጉባዔ ለሚመራው ዕጩ አቅራቢ ኮሚቴ በዕጩነት ቀርበው ከነበሩት 88 ግለሰቦች መካከል፣ ባላቸው የትምህርት ዝግጅትና የሥራ ልምድ ተመዝነው ብቁ ሆነው የተገኙት ዳንኤል (/) መሆናቸው ተገልጿል።

- Advertisement -

ዕጩ ሆነው የቀረቡት ዳንኤል (/) ከኮሚሽነር ኃላፊነታቸው በተጓዳኝ ሌሎች ሥራዎችን ለማከናወን እንዲችሉ እንዲፈቀድላቸው ጥያቄ አቅርበው የነበረ ቢሆንም፣ ምክር ቤቱ በኢትዮጵያ ያለው ወቅታዊ የሰብዓዊ መብት ጉዳዮች ፋታ የማይሰጡ በመሆናቸው ጥያቄያቸውን ለጊዜው እንደማይቀበለው፣ ነገር ግን ወደፊት የሥራ አፈጻጸማቸው ታይቶ ሊፈቀድላቸው እንደሚችል በመግለጽ ጥያቄውን ውድቅ አድርጎታል።

በዚህም መሠረት ግለሰቡ የኢትዮጵያ ሰብዓዊ መብት ኮሚሽነር ሆነው እንዲሾሙ የቀረበውን የውሳኔ ሐሳብ ምክር ቤቱ ተቀብሎ፣ በአንድ ተቃውሞ በአብላጫ ድምፅ አፅድቆታል። በመሆኑም ተሿሚው የቀድሞውን የኢትዮጵያ ሰብዓዊ መብት ኮሚሽነር አዲሱ ገብረ እግዚአብሔር (/) ይተካሉ።

ተሿሚው ኮሚሽነር ከኦክስፎርድ ዩኒቨርሲቲ በዓለም አቀፍ ሕግ የዶክትሬት ዲግሪያቸውን በቅርቡ የያዙ ሲሆን፣ 1997 ዓ.ም. በኢትዮጵያ ተካሂዶ በነበረው አገር አቀፍ ምርጫ ማግሥት በተፈጠረው ፖለቲካዊ ቀውስ ለእስር ተዳርገው ነበር።

ከእስር ከተለቀቁ በኋላ ከአገር በመውጣት የዓለም አቀፉ ሰብዓዊ መብት ተሟጋች ድርጅት የአምነስቲ ኢንተርናሽናል የምሥራቅ አፍሪካ ኃላፊ ሆነው በኬንያ ያገለገሉ ሲሆን፣ በኋላም መቀመጫውን በአሜሪካ ያደረገው የታዋቂው ሒዩውማን ራይትስ ዋች የአፍሪካ ዳይሬክተር ሆነው እስከ ቅርብ ጊዜ ድረስ አገልግለዋል።

ጠቅላይ ሚኒስትር ዓብይ አህመድ (/) ሥልጣን ላይ ከወጡ በኋላ ባደረጉት የአሜሪካ ጉዞ ወቅት /ሪት ብርቱካን ሚደቅሳ የኢትዮጵያ ምርጫ ቦርድን እንዲመሩ ጥያቄ አቅርበውላቸው ጥያቄውን መቀበላቸው የሚታወስ ሲሆን፣ በዚሁ ወቅትም በተመሳሳይ ዳንኤል (/) የኢትዮጵያ ሰብዓዊ መብት ኮሚሽነር እንዲሆኑ ያቀረቡላቸውን ጥያቄ ተቀብለው ነበር፡፡ የዶክትሬት ትምህርታቸውን እስኪያጠናቅቁና ለሰብዓዊ መብት ኮሚሽነርነት ዕጩ የሚመለመልበት ሕጋዊ ሥነ ሥርዓት እስኪፈጸም ድረስ ሹመታቸው መዘግየቱን፣ የሪፖርተር መረጃዎች ያመለክታሉ።

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

በሥጋ ላይ አላግባብ እየተጨመረ ያለውን ዋጋ መንግሥት ሊቆጣጠረው ይገባል

በአገራችን የግብይት ሥርዓት ውስጥ ኢኮኖሚያዊ ያልሆኑ ወይም ያልተገቡ የዋጋ...

ኢትዮጵያን የተባበረ ክንድ እንጂ የተናጠል ጥረት አይታደጋትም!

ኢትዮጵያ በአሁኑ ጊዜ ከምትገኝበት ውጥንቅጥ ውስጥ የምትወጣበት ዕድል ማግኘት...

የፖለቲካ ቅኝቱ የሕዝባችንን ታሪካዊ ትስስር ለምን አያከብርም?

በንጉሥ ወዳጅነው የዓብይ አህመድ (ዶ/ር) መራሹ የ2010 ዓ.ም. የለውጥ መንግሥት...

ዛሬም ኧረ በሕግ!

በገነት ዓለሙ በዚህ በያዝነው ሚያዝያ/ግንቦት ወይም ሜይ ወር ውስጥ የተከበረው፣...