Monday, June 17, 2024
- Advertisement -
- Advertisement -

ማኅበራዊከ98 ቤቶች በስተቀር የ40/60 የጋራ መኖሪያ ቤቶች ዕግድ ተነሳ

ከ98 ቤቶች በስተቀር የ40/60 የጋራ መኖሪያ ቤቶች ዕግድ ተነሳ

ቀን:

የካቲት 27 ቀን 2011 ዓ.ም. ዕጣ ወጥቶባቸው የነበሩና በፍርድ ቤት ዕግድ ተጥሎባቸው ከነበሩት ከ18 ሺሕ በላይ የ40/60 የጋራ መኖሪያ ቤቶች፣ ከ98 ቤቶች በስተቀር በቀሪዎቹ ላይ የተጣለው ዕግድ ተነሳ፡፡

ዕጣው ከወጣ በኋላ ከኢትዮጵያ ንግድ ባንክ ጋር የፈጸሙት መቶ በመቶ ክፍያ ውል ታልፎ ቅድሚያ ለእነሱ በዕጣ መሰጠት እየተገባ፣ ሁሉንም ተመዝጋቢዎች በማካተት የከተማ አስተዳደሩ ዕጣ ማውጣቱን በመቃወም 98 ግለሰቦች ክስ መመሥረታቸው ይታወሳል፡፡   

ተከሳሾቹ ለፍርድ ቤቱ ባቀረቡት አቤቱታ እንዳስረዱት፣ በተመዘገቡበት ወቅት እንደተነገራቸው ለቤቶቹ የተገመተውን ዋጋ ሙሉ በሙሉ በአንድ ጊዜ መክፈል ከቻሉ፣ ዕጣ የሚወጣው በእነሱ መካከል ብቻ ለማወዳደር መሆኑን ከኢትዮጵያ ንግድ ባንክ ጋር የፈጸሙት ውል ያስረዳል፡፡

- Advertisement -

ነገር ግን የካቲት 27 ቀን 2011 ዓ.ም. የአዲስ አበባ ከተማ አስተዳደር ከ40 በመቶ በላይ የቆጠቡ የ40/60 የጋራ መኖሪያ ቤቶች ተመዝጋቢዎችን በማካተት፣ ከ18 ሺሕ በላይ ቤቶች ዕጣ ተወዳዳሪ አድርጓቸዋል፡፡ የዕጣ አወጣጡን ሥርዓት በመቃወም ግንባታ የሚያካሂደውን ቁጠባ ቤቶች ልማት ኢንተርፕራይዝ፣ የኮንስትራክሽንና ቤቶች ልማት ሚኒስቴርን የኢትዮጵያ ንግድ ባንክን በመክሰሳቸው፣ ዕጣ የወጣባቸው ከ18 ሺሕ በላይ ቤቶችና በቀጣይ ዕጣ የሚወጣባቸው ቤቶች ዕግድ እንዲጣልባቸው አድርገዋል፡፡ ከሳሾቹ 98 ግለሰቦች ሲሆኑ፣ ያቀረቡትን ክስ በመቃወም የአስተዳደሩ ቁጠባ ቤቶች ኢንተርፕራይዝ ለፍርድ ቤት አቤቱታ አቅርቧል፡፡ በተጨማሪም ለሚደርሰው ኪሳራ ገንዘብ እንዲያሲዙ ጠይቆ፣ ገንዘቡ ምን ያህል እንደሆነ ዝርዝር ማስረጃ እንዲያቀርብ የፌዴራል ከፍተኛ ፍርድ ቤት ልደታ ምድብ ስምንተኛ ቀጥተኛ ፍትሐ ብሔር ችሎት ለግንቦት 19 ቀን 2011 ዓ.ም ቀጠሮ ሰጥቶ ነበር፡፡

የሪፖርተር ምንጮች ማረጋገጥ እንደቻሉት፣ የአዲስ አበባ ከተማ አስተዳደር ካቢኔ ባሳለፈው ውሳኔ የመብት ጥያቄ ያነሱት ግለሰቦች መቶ የማይሞሉ ሆኖ ሳለ፣ ከ18 ሺሕ በላይ ቤቶች መታገዳቸው ተገቢ ባለመሆኑ ፍርድ ቤቱን በማነጋገር የተሻሻለ ውሳኔ እንደሚያሰጥ አቅጣጫ ማስቀመጡ ታውቋል፡፡

በመሆኑም ፍርድ ቤቱ ግንቦት 19 ቀን 2011 ዓ.ም. በዋለው ችሎት ትዕዛዝ ሰጥቷል፡፡ በሰጠውም ትዕዛዝ የከሳሾች ቁጥር 98 ሆኖ ሳለ ከ18 ሺሕ በላይ ቤቶችን ማገድ ተገቢ ስላልሆነ፣ ክስ በመሠረቱት 98 ሰዎች ቁጥር ከየሳይቱ ዕጣ በወጣባቸው የ40/60 የጋራ መኖሪያ ቤቶች ከሁሉም ዓይነት ዕግዱ እንዳለ እንዲቆይና የቀሪዎቹ ቤቶች ዕግድ እንዲነሳ ትዕዛዝ ሰጥቷል፡፡ አስተዳደሩም ከሳሾች እንዲያስይዙ በጠየቀው የገንዘብ መጠን ላይ ማሻሻያና ዝርዝር የሚቀርብ ከሆነ፣ ለመጠባበቅ ለግንቦት 28 ቀን 2011 ዓ.ም. ቀጠሮ ሰጥቷል፡፡   

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የምግብ ዋጋ ንረት አጣዳፊ ዕርምጃ ያስፈልገዋል!

መንግሥት የሚቀጥለውን ዓመት በጀት ይዞ ሲቀርብ በአንገብጋቢነት ከሚነሱ ጉዳዮች...

ከባለአንድ ዋልታ ወደ ባለብዙ ዋልታ የዓለም ሥርዓት የመሸጋገራችን እውነታ

በአብዱ ሻሎ አንገት ማስገቢያ እ.ኤ.አ. በፌብሩዋሪ 2022 የሩሲያ መንግሥት በዩክሬን ‹‹ልዩ...

የኢትዮጵያ ኦርቶዶክስ ተዋሕዶ ቤተ ክርስቲያን የውጭ ግንኙነት የሺሕ ዘመናት ታሪኳና እሴቶቿን የሚመጥን መሆን ይኖርበታል

(ክፍል አንድ) በተረፈ ወርቁ (ዲ/ን) እንደ መንደርደሪያ ለዛሬው የግል ትዝብቴንና ታሪክን ላዛነቀው...

ከአገር ግንባታ ጋር የተያያዙ ወሳኝ የቅርብ ታሪካችን አንጓዎች

በታደሰ ሻንቆ በአያሌው የተመረጡና ልጥ የሌላቸው ነጥቦች የተደራጁበት ይህ ታሪክ...