Wednesday, June 19, 2024
- Advertisement -
- Advertisement -

ዜናበድንገተኛ ዘመቻ ከ600 በላይ ሰዎች በቁጥጥር ሥር ዋሉ

በድንገተኛ ዘመቻ ከ600 በላይ ሰዎች በቁጥጥር ሥር ዋሉ

ቀን:

ቅዳሜ ግንቦት 3 ቀን 2011 ዓ.ም. በአዲስ አበባ ከተማ ቦሌ አካባቢ ከፍተኛ ዝግጅት በተደረገበት ድንገተኛ ዘመቻ በ12 ሺሻ ቤቶች ከ600 በላይ ግለሰቦች በቁጥጥር ሥር መዋላቸውን ፖሊስ አስታወቀ፡፡

በቁጥጥር ሥር የዋሉትም በሕገወጥ ተግባር ላይ ተሰማርተው እንደሆነ ተገልጿል፡፡ ሕገወጥ ተግባራት የተባሉት የራቁት ዳንስና ሐሺሽ ማጨስ ሲሆኑ፣ ልዩ ክትትል የተደረገባቸው የውጭ ዜጎችን ጨምሮ ከፍተኛ ባለሀብቶችና የተለያዩ ግለሰቦች መሆናቸው ተጠቁሟል፡፡

ከእነዚህ ውስጥ 600 ሰዎች ተመክረው የተለቀቁ መሆኑን፣ በተለያዩ ወንጀሎች ጭምር ይፈለጉ የነበሩ ስምንት ተጠርጣሪዎች ግን በምርመራ ላይ መሆናቸውን የአዲስ አበባ ፖሊስ ኮሚሽነር አቶ ጌቱ አርጋው ሰኞ ግንቦት 5 ቀን 2011 ዓ.ም. በሰጡት ጋዜጣዊ መግለጫ አስታውቀዋል፡፡

- Advertisement -

በተመሳሳይ ድርጊት ሰሞኑን በአዲስ ከተማ ክፍለ ከተማ በአንድ ጠባብ ክፍል ውስጥ ከ80 በላይ የሚሆኑ የተለያዩ ሰዎች፣ አደንዛዥ ዕፅና ሺሻ ሲጠቀሙ ተይዘው በቁጥጥር ሥር መዋላቸውን ፖሊስ አስታውቋል፡፡

ቅዳሜ ዕለት በተካሄደው ድንገተኛ ፍተሻ ከጭፈራ ቤቶች 2,500 ዘመናዊና ውድ የሆኑ የሺሻ ዕቃዎችን፣ ግማሽ ኪሎ ሐሺሽና የጦር መሣሪያዎችም መያዛቸው ተገልጿል፡፡

የአዲስ አበባ ፖሊስ ኮሚሽን በአዲስ አበባ ከተማ አስተዳደር በተመደበለት አራት ቢሊዮን ብር በጀት በስድስት ሳይቶች ባለ አሥር ፎቅ ሕንፃ ለፖሊስ አባላት የሚሆኑ የጋራ መኖሪያ ቤቶችና ማሠልጠኛ ኮሌጅ ለማስገንባት ዝግጅቱን ማጠናቀቁ ተገልጿል፡፡

በከተማው 121 ወረዳዎች ቢኖሩም ያሉት ግን 57 የፖሊስ ጣቢያዎችና 19,000 የፖሊስ አባላት ብቻ መሆናቸውን ኮሚሽነሩ ጠቁመው፣ የሚያስፈልገው ቁጥር ግን 22,000 መሆኑንና አሁን የፖሊስ አባላቱን ሙሉ ለማድረግ በሚያደርገው ጥረት 1,300 አዳዲስ አባላት ተመልምለው ወደ ሥልጠና ሊገቡ እንደሆነ አስታውቀዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የንብረት ማስመለስ ረቂቅ አዋጅና የሚስተጋቡ ሥጋቶች

ከሰሞኑ ለሕዝብ ተወካዮች ምክር ቤት የቀረበው የንብረት ማስመለስ ረቂቅ...

የመጨረሻ የተባለው የንግድ ምክር ቤቱ ምርጫና የሚኒስቴሩ ውሳኔ

በአገር አቀፍ ደረጃ ደረጃ የንግድ ኅብረተሰቡን በመወከል የሚጠቀሰው የኢትዮጵያ...

ሚስጥሩ!

ጉዞ ከካዛንቺስ ወደ ስድስት ኪሎ፡፡ የጥንቶቹ አራዶች መናኸሪያ ወዘናዋ...