Friday, June 21, 2024
- Advertisement -
- Advertisement -
ዜናየገንዘብ ሚኒስትርና የስኳር ኮርፖሬሽን የቀድሞ ዋና ዳይሬክተር ፍርድ ቤት ተጠሩ

የገንዘብ ሚኒስትርና የስኳር ኮርፖሬሽን የቀድሞ ዋና ዳይሬክተር ፍርድ ቤት ተጠሩ

ቀን:

የኢትዮጵያ ስኳር ኮርፖሬሽን ከሚያስገነባቸው የስኳር ፋብሪካዎች አንዱ በሆነው ኦሞ ኩራዝ ቁጥር አምስት ስኳር ፋብሪካ ምክንያት በከባድ የሙስና ወንጀል በተከሰሱት ወ/ሮ ሳሌም ከበደ በተከላካይ ምስክርነት የተቆጠሩት፣ የገንዘብ ሚኒስትርና የኮርፖሬሽኑ የቀድሞ ዋና ዳይሬክተር ቀርበው እንዲመሰክሩ ፍርድ ቤት ትዕዛዝ ሰጠ፡፡

በሐምሌ ወር 2009 ዓ.ም. በቁጥጥር ሥር ውለው በእስር ላይ እያሉ ሕይወታቸው ባለፈው አቶ አበበ ተስፋዬ (ኢንጂነር) ስም በሚጠራው የክስ መዝገብ በተካተቱትና በንግድ ሥራ እንደተሰማሩ በተገለጸው ወ/ሮ ሳሌም፣ በመከላከያ ምስክርነት የተቆጠሩት የገንዘብ ሚኒስትሩ አቶ አህመድ ሺዴና የስኳር ኮርፖሬሽን የቀድሞ ዋና ዳይሬክተር አቶ ሽፈራው ጃርሶ ናቸው፡፡

የመከላከያ ምስክሮቹ ፍርድ ቤት እንዲቀርቡ የጥሪ ትዕዛዝ እንዲደርሳቸው የተደረገው፣ የኦሞ ኩራዝ ቁጥር አምስት ስኳር ፕሮጀክትን ለመገንባት ነሐሴ 7 ቀን 2005 ዓ.ም. የቻይናው ጃንዚ ዳንግሊያን ኢንተርናሽናል ኢንጂነሪንግ ኩባንያና የኢትዮጵያ ስኳር ኮርፖሬሽን ካደረጉት ከ12.1 ቢሊዮን ብር በላይ የብድር ውል ጋር በተያያዘ ነው፡፡ ይኼ ውል እንዲደረግና ድርድሩ በወቅቱ በገንዘብና ኢኮኖሚ ልማት ሚኒስቴር በኩል ተደርጎ እንዲፀድቅ፣ ወ/ሮ ሳሌም በድለላ በመሳተፍ ተገቢ ያልሆነ ጥቅም ማግኘታቸውን አስመልክቶ በቀረበባቸው ክስ ምክንያት መሆኑ ታውቋል፡፡

በወቅቱ መንግሥት የስኳር ፋብሪካውን ለማስገንባት አውጥቶት የነበረውን ፈንድ የማፈላለግና የመገንባት ጨረታ ካሸነፈው ከቻይናው ኩባንያ ጋር የመግባቢያ ፊርማ የተፈራረሙት አቶ ዓባይ ፀሐዬ ስለነበሩና ፊርማው የሚቆየው ለአንድ ዓመት እንደነበርም ታውቋል፡፡

ለፕሮጀክቱ የሚያስፈልገውን ፈንድ የማፈላለጉ ሥራ ከፊርማው በኋላ መቆየት የነበረበት የአንድ ዓመት ጊዜ በማለቁ፣ ኩባንያው የማራዘሚያ ጊዜ እንዲሰጠው ጠይቆ ኮርፖሬሽኑ ከረዥም ጊዜ ንግግር በኋላ እንዲራዘም መፍቀዱ ተጠቁሟል፡፡ በድጋሚ በተሰጠው ጊዜ ገንዘቡ በመገኘቱ ገንዘብ ሚኒስቴር ዋስትና ገብቶ ፊርማውን አቶ ሽፈራው ጃርሶ መፈረማቸውም ተገልጿል፡፡

በመሆኑም ሁለቱ የመከላከያ ምስክሮች ድርድሩና ፊርማው የተደረገው ሕጉን ተከትሎ መሆኑን እንዲያስረዱላቸው ምስክርነት እንደቆጠሯቸው ታውቋል፡፡

በፌዴራል ዓቃቤ ሕግ ከኦሞ ኩራዝ ቁጥር አምስት ስኳር ፕሮጀክት ጋር በተያያዘ ተከሰው ከነበሩት ውስጥ ካልተያዙት አቶ ሽመልስ ከበደ፣ በሞት ከተለዩት አቶ አበበ ተስፋዬ (ኢንጂነር)፣ አቶ ፀጋዬ ገብረ እግዚአብሔር፣ አቶ ሳድሳዊ ገብረ እግዚብሔር፣ ወ/ሮ ሳሌም ከበደና አቶ ኤፍሬም ዓለማየሁ በስተቀር ሌሎቹ የተጠቀሰባቸውን ገንዘብ እየከፈሉ ክሳቸው ተቋርጦላቸዋል፡፡    

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የንብረት ማስመለስ ረቂቅ አዋጅና የሚስተጋቡ ሥጋቶች

ከሰሞኑ ለሕዝብ ተወካዮች ምክር ቤት የቀረበው የንብረት ማስመለስ ረቂቅ...

የመጨረሻ የተባለው የንግድ ምክር ቤቱ ምርጫና የሚኒስቴሩ ውሳኔ

በአገር አቀፍ ደረጃ ደረጃ የንግድ ኅብረተሰቡን በመወከል የሚጠቀሰው የኢትዮጵያ...

ሚስጥሩ!

ጉዞ ከካዛንቺስ ወደ ስድስት ኪሎ፡፡ የጥንቶቹ አራዶች መናኸሪያ ወዘናዋ...