Friday, June 21, 2024
- Advertisement -
- Advertisement -
ዜና የከሰረው ሆላንድ ካር ድርጅት ንብረት ፍርድ ቤት ከወሰነው ዋጋ በታች መሸጡ የሕግ...

 የከሰረው ሆላንድ ካር ድርጅት ንብረት ፍርድ ቤት ከወሰነው ዋጋ በታች መሸጡ የሕግ ጥያቄ አስነሳ

ቀን:

ከስድስት ዓመታት በፊት ጥር 7 ቀን 2005 ዓ.ም. የኪሳራ ውሳኔ ተሰጥቶባት የነበረው ‹‹የከሰረው ሆላንድ ካር ኃላፊነቱ የተወሰነ የግል ማኅበር›› በሚል ስያሜ የሚጠራው ድርጅት ንብረት፣ በግልጽ ጨረታ መነሻ ዋጋ 50 ሚሊዮን ብርና ከዚያ በላይ እንዲሸጥ ፍርድ ቤት የሰጠውን ውሳኔ በማለፍ በ42 ሚሊዮን ብር መሸጡ የሕግ ጥያቄ አስነሳ፡፡

የፌዴራል የመጀመርያ ደረጃ ፍርድ ቤት ልደታ ምድብ ፍትሐ ብሔር ችሎት የከሰረው ሆላንድ ካር ንብረቶች በመነሻ ዋጋ 50 ሚሊዮን ብር በጨረታ እንዲሸጡ ትዕዛዝ የሰጠው መጋቢት 7 ቀን 2010 ዓ.ም. ቢሆንም፣ የፍርድ ቤቱ ትዕዛዝ ታልፎ በ42 ሚሊዮን ብር በመሸጡ የድርጅቱ መሥራችና ባለቤት የነበሩት አቶ ታደሰ ተሰማ (ኢንጂነር) በ50 ሚሊዮን ብር መነሻ ዋጋ እንዲሸጥ ትዕዛዝ ለሰጠው ፍርድ ቤት አቤቱታ ማቅረባቸውን ሰነዶች ያመለክታሉ፡፡ የቀረበለትን አቤቱታ የተመለከተው ተመሳሳይ ፍርድ ቤት መጋቢት 6 ቀን 2011 ዓ.ም. በሰጠው ትዕዛዝ፣ የከሰረው ሆላንድ ካር ኃላፊነቱ የተወሰነ የግል ማኅበር ንብረት ጠባቂ ያቀረበው የመከራከሪያ ሐሳብ አሳማኝ መሆኑን በመግለጽ፣ 42 ሚሊዮን ብር መሸጡ ተገቢ መሆኑን አሳውቋል፡፡

ፍርድ ቤት የሰጠው ውሳኔ ሳይሻርና ጥያቄም ሳይቀርብበት ንብረቱ ከተሸጠ በኋላ የመከራከሪያ ሐሳብ በጠባቂው በኩል መቅረቡ ሕግን የጣሰና ተገቢ አለመሆኑ እየታወቀ፣ ፍርድ ቤቱ ተቀብሎ ሽያጩን ማፅደቁ ሕግን የጣሰ አሠራር መሆኑን አቶ ታደሰ ተናግረዋል፡፡

ፍርድ ቤቱ ንብረቱ በመነሻ ዋጋ 50 ሚሊዮን ብር እንዲሸጥ ትዕዛዝ ሰጥቶ እያለ፣ ንብረት ጠባቂው ስምንት ሚሊዮን ብር በመቀነስ በ42 ሚሊዮን ብር በመሸጡ በሕግ ሊጠየቅ ሲገባ ሽያጩ መፅደቁ ተገቢ አለመሆኑንም አክለዋል፡፡

ንብረት ጠባቂው ፍርድ ቤት ከወሰነው የመነሻ ዋጋ በታች እንዲሸጥ ያደረገው፣ በወቅቱ (በ2010 ዓ.ም.) በተደጋጋሚ ጨረታ ቢያወጣም ገዥ ማጣቱን ገልጿል፡፡ በተጨማሪም የወቅቱ የአገሪቱ የፀጥታ ችግር ስላሳሰበውና ንብረቶቹ ሊዘረፉ ይችላሉ የሚል ሥጋት ስለነበረው፣ ገንዘብ ለማግኘት በጠየቁ ግለሰቦች ላይም የበለጠ ኪሳራ ይደርስባቸዋል የሚል ሥጋት ስላደረበት፣ ከገንዘብ ጠያቂ ኮሚቴ ጋር ቃለ ጉባዔ በመያዝና በመፈራረም መሸጡን ለፍርድ ቤቱ ማስረዳቱን ሰነዶቹ ያሳያሉ፡፡ ፍርድ ቤቱም ንብረት አስተዳዳሪዎቹ ያቀረቡት ሪፖርት አሳማኝ ሆኖ እንዳገኘው በመግለጽ ሽያጩን ቢያፀድቀውም፣ ጉዳዩ ለፌዴራል ከፍተኛ ፍርድ ቤት ይግባኝ ሰሚ ችሎት ቀርቦ ለክርክር ተቀጥሯል፡፡

ይግባኝ ባይ ለፍርድ ቤቱ ባቀረቡት አቤቱታ እንዳስረዱት፣ የሥር ፍርድ ቤት የንብረት ጠባቂና ገንዘብ ጠያቂ ኮሚቴ በቃለ ጉባዔ የሸጡት ንብረት የፍርድ ቤት ውሳኔን ተላልፈው መሆኑን እያወቁ፣ ፍርድ ቤቱ ሽያጩን ያፀደቀው ከሕግ ውጪ መሆኑን አስረድተዋል፡፡ ንብረት ጠባቂና ገንዘብ ጠያቂ ኮሚቴ ንብረቱን ለመሸጥ ከተስማሙ በኋላ፣ የፍርድ ቤቱን ውሳኔ በሚመለከት ‹‹ዳኛውን በስልክ አነጋግረን ፈቅዶልናል›› በማለት መሸጣቸውን ሲያረጋግጡ፣ ፍርድ ቤቱ ተቀብሎ ማፅደቁ የሕግ ጥሰት ከመሆኑም በላይ፣ የሥነ ምግባርና የዲሲፒሊን ተጠያቂነትንም የሚያስከትል መሆኑን ገልጸዋል፡፡ በመሆኑም ይግባኝ ሰሚው ፍርድ ቤት፣ የሥር ፍርድ ቤት ከመነሻ ዋጋ ስምንት ሚሊዮን ብር አሳንሶ መሸጡ ግልጽ የሆነ የፍርድ ቤት ትዕዛዝን መጣስ በመሆኑ ውሳኔው እንዲሰረዝ፣ መርማሪ ዳኛና ገንዘብ (ንብረት) ጠባቂ፣ ከገንዘብ ጠያቂዎች ኮሚቴ ጋር በመነጋገርና ቃለ ጉባዔ በመያዝ እንዲሁም ዳኛውን በስልክ በማነጋገር፣ ንብረቱን ከፍርድ ቤት ውሳኔ ውጪ ዋጋ ቀንሰው መሸጣቸው ሕግን መተላለፍ በመሆኑ፣ ለደረሰው ጉዳት ተጠያቂ እንዲሆኑ ውሳኔ እንዲሰጥላቸው ዳኝነት ጠይቀዋል፡፡

ፍርድ ቤቱም የይግባኝ አቤቱታውን በመቀበል ክርክር ለማድረግ ለግንቦት 9 ቀን 2011 ዓ.ም. ቀጠሮ ሰጥቷል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የንብረት ማስመለስ ረቂቅ አዋጅና የሚስተጋቡ ሥጋቶች

ከሰሞኑ ለሕዝብ ተወካዮች ምክር ቤት የቀረበው የንብረት ማስመለስ ረቂቅ...

የመጨረሻ የተባለው የንግድ ምክር ቤቱ ምርጫና የሚኒስቴሩ ውሳኔ

በአገር አቀፍ ደረጃ ደረጃ የንግድ ኅብረተሰቡን በመወከል የሚጠቀሰው የኢትዮጵያ...

ሚስጥሩ!

ጉዞ ከካዛንቺስ ወደ ስድስት ኪሎ፡፡ የጥንቶቹ አራዶች መናኸሪያ ወዘናዋ...