Wednesday, June 19, 2024
- Advertisement -
- Advertisement -

ዜናበከባድ የሙስና ወንጀል ተጠርጥረው የታሰሩ የመንግሥት ተቋማት ኃላፊዎች ቅሬታቸውን ለፍርድ ቤት ተናገሩ

በከባድ የሙስና ወንጀል ተጠርጥረው የታሰሩ የመንግሥት ተቋማት ኃላፊዎች ቅሬታቸውን ለፍርድ ቤት ተናገሩ

ቀን:

ከግዥ ጋር በተያያዘ ከሚያዝያ 3 ቀን 2011 ዓ.ም. ጀምሮ በቁጥጥር ሥር የዋሉ የአራት የመንግሥት ተቋማት ኃላፊዎችና ባለሙያዎች፣ የታሰሩበት ቦታ ውኃና ንፅህና የሌለው ነው ሲሉ ለፍርድ ቤት ተናገሩ።

ሰኞ ሚያዝያ 7 ቀን 2011 .. በፌዴራል ከፍተኛ ፍርድ ቤት ልደታ ምድብ አሥረኛ ወንጀል ችሎት ቀርበው አቤቱታቸውን ያሰሙት የመንግሥት ግዥ፣ ንብረት አስተዳደርና ማስወገድ አገልግሎት ዋና ዳይሬክተርና ሁለት ምክትል ዳይሬክተሮች፣ የውኃ ሥራዎችና ኮንስትራክሽን ኮርፖሬሽን የቀድሞ ዋና ሥራ አስፈጻሚን ጨምሮ 16 ተጠርጣሪዎች፣ ከመድኃኒት ፈንድና አቅርቦት ኤጀንሲና ከኢትዮጵያ ንግድ ሥራዎች ኮርፖሬሽን ስምንት ተጠርጣሪዎችን ጨምሮ በአጠቃላይ 27 ተጠርጣሪዎች ናቸው።

ተጠርጣሪዎቹ ለፍርድ ቤቱ ባቀረቡ አቤቱታ እንደገለጹት፣ ከታሰሩባቸው ቀናት ጀምሮ ቤተሰቦቻቸው ጠይቀዋቸው አያውቁም። የታሰሩበት ቦታም ንፁህ አይደለም። መታጠቢያ ውኃ በሌለበት በመታሰራቸው ፍርድ ቤቱ ትዕዛዝ እንዲሰጥላቸው ጠይቀዋል።

- Advertisement -

አብዛኛዎቹ ተጠርጣሪዎች ሀብትና ንብረት እንደሌላቸው ለፍርድ ቤቱ በማመልከት ቃለ መሃላ እንዲፈጽሙ ተደርጎ፣ የመንግሥት ተከላካይ ጠበቃ እንዲያቆምላቸው ተደርጓል። ተከላካይ ጠበቃው ከላይ ተጠርጣሪዎቹ ያነሱትን አቤቱታ በመድገም፣ ቤተሰቦቻቸው እንዲጠይቋቸውና አያያዛቸው እንዲስተካከል ጠይቀዋል።

ተጠርጣሪዎቹ በጅምላ ከመጠርጠራቸው ወይም ደርሷል የተባለው ጉዳት ከመጠቀሱ ባለፈ፣ ማን ምን እንዳደረገ በተናጠል ተዘርዝሮ የቀረበ ማመልከቻ ባለመኖሩ፣ ለመከራከር እንደሚቸገሩም ገልጸዋል። ባለው ሁኔታም ቢሆን የዋስትና መብታቸው ሊከለከሉበት የሚያስችል ነገር ስላልቀረበባቸው የዋስትና መብታቸው እንዲከበርላቸው ጠይቀዋል።የፌዴራል ፖሊስ ወንጀል ምርመራ ቡድን ክርክሩን ያደረገው በዓቃቤ ሕግ ተወክሎ በመሆኑ ተጠርጣሪዎቹ መቃወሚያ አቅርበዋል።

 መርማሪ ቡድኑ የመረመረውንና ያገኘውን ውጤት ለፍርድ ቤቱ ማቅረብና መከራከር ሲገባው፣ ዓቃቤ ሕግ መርማሪውን ወክሎ መከራከር እንደማይችልና የሕግም መሠረት እንደሌለው በመግለጽ ተቃውመዋል። ፖሊስ በመረመረው መዝገብ ላይ ውሳኔ የሚሰጠው ዓቃቤ ሕግ በመሆኑ፣ በሚወስንበት መዝገብ ላይ ተከራካሪ መሆን እንደማይችል በመግለጽና ዓቃቤ ሕግ ፖሊስን ወክሎ ያቀረበው ክርክር ውድቅ እንዲሆንላቸው ተጠርጣሪዎቹ ጠይቀዋል።

ተጠርጣሪዎቹ በከባድ የሙስና ወንጀል በመጠርጠራቸውና ለፍርድ ቤት ያቀረቡት የምርመራ መነሻ ማመልከቻ የሚያስረዳ በመሆኑ የዋስትና መብት ጥያቄን እንደሚቃወም የተናገረው መርማሪ ቡድኑ፣ የተጠርጣሪዎች ጥያቄ ውድቅ እንዲደረግለት ጠይቋል።

ጠቅላይ ዓቃቤ ሕግን ለማቋቋም የወጣው አዋጅ ቁጥር 943 አንቀጽ (6) ዓቃቤ ሕግ ከመርማሪ ፖሊስ ጋር አብሮ እንደሚሠራና እንደሚመራ ስለሚደነግግም፣ ለመከራከር የሚከለክለው ነገር ባለመኖሩ መከራከር እንደሚችሉ ገልጿል። በመሆኑም የተጠርጣሪዎቹን መቃወሚያ ውድቅ በማድረግ፣ የጠየቀውን የተጨማሪ ምርመራ 14 ቀናት እንዲፈቀድለት ጥያቄ አቅርቧል።

ፍርድ ቤቱም የግራ ቀኙን ክርክር መርምሮ ብይን ለመስጠት ለረቡዕ ሚያዝያ 9 ቀን 2011 .. ቀጠሮ ሰጥቷል።

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የንብረት ማስመለስ ረቂቅ አዋጅና የሚስተጋቡ ሥጋቶች

ከሰሞኑ ለሕዝብ ተወካዮች ምክር ቤት የቀረበው የንብረት ማስመለስ ረቂቅ...

የመጨረሻ የተባለው የንግድ ምክር ቤቱ ምርጫና የሚኒስቴሩ ውሳኔ

በአገር አቀፍ ደረጃ ደረጃ የንግድ ኅብረተሰቡን በመወከል የሚጠቀሰው የኢትዮጵያ...

ሚስጥሩ!

ጉዞ ከካዛንቺስ ወደ ስድስት ኪሎ፡፡ የጥንቶቹ አራዶች መናኸሪያ ወዘናዋ...