Thursday, June 20, 2024
- Advertisement -
- Advertisement -

ዜናመኢአድ አርበኞች ግንቦት ሰባትን አስጠነቀቀ

መኢአድ አርበኞች ግንቦት ሰባትን አስጠነቀቀ

ቀን:

‹‹እንኳን ከመኢአድ ከሌሎቹም ጋር አልተዋሀድንም››

አርበኞች ግንቦት ሰባት

አርበኞች ግንቦት ሰባት ከመላው ኢትዮጵያውያን አንድነት ድርጅት (መኢአድ) ጋር ምንም ዓይነት ውህደት ሳይኖረው፣ የተዋሀደ አስመስሎ በተለያዩ መገናኛ ብዙኃን የሚያስነግረውን ዜና በአስቸኳይ እንዲያቆም አስጠነቀቀ፡፡

- Advertisement -

አርበኞች ግንቦት ሰባት በበኩሉ ስለውህደት መወያየቱን እንጂ፣ እንኳን ከመኢአድ ጋር ከሌሎቹም ፓርቲዎች ጋር አለመዋሀዱን አስታውቋል፡፡

የመኢአድ ዋና ጸሐፊ አቶ ካሳሁን አበባው እንደገለጹት፣ አርበኞች ግንቦት ሰባት ከመኢአድ ጋር እንደተዋሀደ አስመስሎ የሚናገረው ከእውነት የራቀ ነው፡፡ የመኢአድ ደጋፊዎችም ሆኑ አባላት ምንም የሚያውቁት ነገር ስለሌለ በአስቸኳይ ከድርጊቱ እንዲቆጠብ አሳስበዋል፡፡

አርበኞች ግንቦት ሰባት የመኢአድን ደጋፊዎችና አባላትን ለመከፋፈል፣ አገርንና ሕዝብን ወደ ተሻለ ደረጃ ለማሸጋገር የተያዘውን መልካም ጅማሮ ለማደናቀፍ ሆን ብሎ ያደረገው አደገኛ አካሄድ በመሆኑ፣ መኢአድ እንደሚያወግዘው ዋና ጸሐፊው ገልጸዋል፡፡

አርበኞች ግንቦት የጀመረውን የመከፋፈል ፖለቲካዊ ሴራ እንዲያቆምና በግልጽ ወጥቶ ይቅርታ እንዲጠይቅም አሳስበዋል፡፡

አርበኞች ግንቦት ሰባት እንኳን ከመኢአድ ጋር ከሌሎች ፓርቲዎችም ጋር እንዳልተዋሀደ፣ በመገናኛ ብዙኃንም የሰጠው መግለጫ ስለመዋሀድ ሳይሆን ‹‹እንዴት እንዋሀድ?›› በማለት የተደረገ ውይይት መሆኑን፣ የፖለቲካ ዘርፍ ኃላፊው አቶ ኤፍሬም ማዴቦ ማስተባበያ ሰጥተዋል፡፡

‹‹ተዋሀድን የሚል መግለጫ ሰጥተን አናውቅም፤›› ያሉት አቶ ኤፍሬም፣ አምስቱ ድርጅቶች አርበኞች ግንቦት ሰባት፣ ሰማያዊ ፓርቲ፣ መኢአድ፣ ኢዴፓና መኢዴፓ አንድ ላይ ሆነው አመራራቸውን ከመረጡ በኋላ ስለሚከስሙ፣ የዚያን ጊዜ ውህደት እንደሚፈጠር ከሚያውቁ በስተቀር ከመኢአድ ጋር ውህደት ፈጽመናል አለመባሉን አስረድተዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የንብረት ማስመለስ ረቂቅ አዋጅና የሚስተጋቡ ሥጋቶች

ከሰሞኑ ለሕዝብ ተወካዮች ምክር ቤት የቀረበው የንብረት ማስመለስ ረቂቅ...

የመጨረሻ የተባለው የንግድ ምክር ቤቱ ምርጫና የሚኒስቴሩ ውሳኔ

በአገር አቀፍ ደረጃ ደረጃ የንግድ ኅብረተሰቡን በመወከል የሚጠቀሰው የኢትዮጵያ...

ሚስጥሩ!

ጉዞ ከካዛንቺስ ወደ ስድስት ኪሎ፡፡ የጥንቶቹ አራዶች መናኸሪያ ወዘናዋ...