Saturday, June 22, 2024
- Advertisement -
- Advertisement -
ዜናበፖሊስ ላይ የቅጣት ውሳኔ በመስጠታቸው የታሰሩት ዳኛ ጉዳይ ዳኞችን ሥጋት ውስጥ ከቷል...

በፖሊስ ላይ የቅጣት ውሳኔ በመስጠታቸው የታሰሩት ዳኛ ጉዳይ ዳኞችን ሥጋት ውስጥ ከቷል በአማራ ክልል ዳኞች ያለመከሰስ መብት የላቸውም

ቀን:

አማራ ክልል ምሥራቅ ጎጃም ዞን የሞጣ ከተማ ወረዳ ፍርድ ቤት ዳኛ አንድ የፖሊስ አባል በአንድ ወር እስራት እንዲቀጣ በሰጡት ውሳኔ ምክንያት መታሰራቸው፣ ሌሎች በክልሉ የሚገኙ ዳኞችን ሥጋት ውስጥ መጣሉ ተገለጸ፡፡

የታሰሩት ዳኛ አቶ ምሥጋናው ባቡር የሚባሉ ሲሆን፣ የሞጣ ከተማ ወረዳ ፍርድ ቤት ዳኛ ናቸው፡፡ በችሎት ተሰይመው እያለ በምስክርነት የተቆጠሩ ግለሰቦች በፖሊስ መደብደባቸውን ሲነግሯቸው እውነትነቱን ካጣሩ በኋላ አጃቢ ፖሊሱን በእስራት እንዲቀጣ ውሳኔ መስጠታቸውን፣ የክልሉ ጠቅላይ ፍርድ ቤት ፕሬዚዳንት አቶ የኔነህ ስመኝ ለሪፖርተር ተናግረዋል፡፡

የፖሊስ ኮሚሽኑ የወረዳ ፍርድ ቤት ውሳኔን በመቃወም ለቀጣይ ፍርድ ቤት ይግባኝ ሲል፣ ይግባኝ ሰሚው ፍርድ ቤት የወረዳው ዳኛ በፖሊሱ ላይ ዕርምጃ ከመውሰዳቸው በፊት፣ በምርመራ እንዲጣራ ትዕዛዝ መስጠት ሲገባቸው ያንን ሳያደርጉ የሰጡት ውሳኔ ተገቢ እንዳልሆነና ሥልጣናቸውን ያላግባብ መጠቀም እንደሆነ በመግለጽ፣ የሥር ፍርድ ቤትን ውሳኔ ውድቅ እንዳደረገው መስማታቸውን አቶ የኔነህ አስረድተዋል፡፡

ይግባኝ ሰሚው ፍርድ ቤት ሥልጣንን ያላግባብ መጠቀም መሆኑን ሲያስታውቅ የሰማው የወረዳው ፖሊስ፣ ለዞኑ ፖሊስ መምርያ በመንገርና ትዕዛዝ መቀበል ዳኛውን በቁጥጥር ሥር እንዳዋላቸው ለማወቅ መቻላቸውንም ፕሬዚዳንቱ ገልጸዋል፡፡

እሳቸው (ፕሬዚዳንቱ) እንደሰሙ ለወረዳው ፖሊስ ጽሕፈት ቤት ትዕዛዝ በመስጠታቸው፣ ዳኛው ሰኞ መጋቢት 23 ቀን 2011 ዓ.ም. ከእስር መፈታታቸውንም ለሪፖርተር አረጋግጠዋል፡፡

አንድ ዳኛ በያዘው መዝገብ ላይ ተገቢ ያልሆነ ውሳኔ ወይም ትዕዛዝ ቢሰጥ እንኳን፣ በይግባኝ ውሳኔውን ከማሻርና ከዚያም ካለፈ በዳኞች አስተዳደር ጉባዔ በኩል ከማስጠየቅ በስተቀር መታሰር እንደሌለበት አስረድተዋል፡፡ የተደረገውና የተወሰደው ዕርምጃ የሚወገዝና ፍፁም ስህተት መሆኑንም አክለዋል፡፡

ዳኞች ያለመከሰስ መብት እንዴት እንደ ሌላቸው ተጠይቀው፣ ቀደም ብሎ ለክልሉ ምክር ቤት ጥያቄ የቀረበ ቢሆንም በወቅቱ የነበረው የምክር ቤት እንኳን በአዋጅ ሊያፀድቀው ቀርቶ፣ ለውይይት እንኳን እንዳላበቃው አስታውቀዋል፡፡ አሁንም ለምክር ቤት አቅርበው ለማፀደቅ እየሠሩ መሆኑንም ገልጸዋል፡፡

የአቶ ምሥጋናውን መታሰር የሰሙ አንዳንድ የክልሉ ዳኞች ለሪፖርተር እንደተናገሩት፣ ከፍተኛ ድንጋጤ ተሰምቷቸዋል፡፡ ይኼን ሕገወጥ አካሄድ የሰማ ፖሊስም ሆነ ሌላ አካል ከዚህ በኋላ የሕግ የበላይነትን አክብሮ ለሕግ ተገዥ ስለመሆኑም ጥርጣሬ እንዳደረባቸውም ገልጸዋል፡፡

ለማንኛውም ዜጋ የሕግ የበላይነት መተኪያ የሌለው መሆኑን፣ የክልሉም ሆነ የፌዴራል መንግሥት ቅድሚያ ሰጥተው ሊሠሩበት እንደሚገባም ጠይቀዋል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የንብረት ማስመለስ ረቂቅ አዋጅና የሚስተጋቡ ሥጋቶች

ከሰሞኑ ለሕዝብ ተወካዮች ምክር ቤት የቀረበው የንብረት ማስመለስ ረቂቅ...

የመጨረሻ የተባለው የንግድ ምክር ቤቱ ምርጫና የሚኒስቴሩ ውሳኔ

በአገር አቀፍ ደረጃ ደረጃ የንግድ ኅብረተሰቡን በመወከል የሚጠቀሰው የኢትዮጵያ...

ሚስጥሩ!

ጉዞ ከካዛንቺስ ወደ ስድስት ኪሎ፡፡ የጥንቶቹ አራዶች መናኸሪያ ወዘናዋ...