Wednesday, June 19, 2024
- Advertisement -
- Advertisement -

ዜናበሰብዓዊ መብት ጥሰት ተጠርጣሪዎች ምክንያት ለፌዴራል ፖሊስ ለሁለተኛ ጊዜ ጥብቅ ትዕዛዝ ተሰጠ

በሰብዓዊ መብት ጥሰት ተጠርጣሪዎች ምክንያት ለፌዴራል ፖሊስ ለሁለተኛ ጊዜ ጥብቅ ትዕዛዝ ተሰጠ

ቀን:

በከባድ የሰብዓዊ መብት ጥሰትና የሙስና ወንጀል ተጠርጥረው በእስር ላይ በሚገኙት የብሔራዊ መረጃና ደኅንነት አገልግሎት ምክትል ዋና ዳይሬክተርን ጨምሮ 22 ተጠርጣሪዎችን ለሦስተኛ ጊዜ ፍርድ ቤት ባለማቅረቡ፣ የፌዴራል ፖሊስ ወንጀል ምርመራ ቢሮ ለሁለተኛ ጊዜ ጥብቅ ትዕዛዝ ተሰጠው፡፡

የፌዴራል ከፍተኛ ፍርድ ቤት ልደታ ምድብ 11ኛ ይግባኝ ሰሚ ችሎት ተጠርጣሪዎቹን መጋቢት 12 እና 19 ቀን 2011 ዓ.ም. ለምን እንዳላቀረባቸው፣ የወንጀል ምርመራ ቢሮ ኃላፊው ማክሰኞ መጋቢት 24 ቀን 2011 ዓ.ም. ቀርበው እንዲያስረዱ ትዕዛዝ ሰጥቶ ነበር፡፡

የተጠርጣሪዎቹ ጠበቆች ትዕዛዙ በፍርድ ቤቱ ፖስተኛ በኩል እንዲደርስ ባመለከቱት መሠረት፣ ትዕዛዙ በፍርድ ቤቱ ፖስተኛ እንዲደርስ ቢደረግም፣ የፌዴራል ፖሊስ ዋና መሥሪያ ቤት የሚመለከተው እሱን ባለመሆኑ ካዛንቺስ በቀድሞ ዮርዳኖስ ሆቴል የሚገኘው የምርመራ ክፍል እንዲወሰድ ማድረጉ ታውቃል፡፡ የምርመራ ክፍሉ ደግሞ የሚመለከተው ምርመራ እሱን ሳይሆን ተጠርጣሪዎቹ ታስረው የሚገኙበትን አዲስ አበባ ፖሊስ መሆኑን ነግሮት ፖስተኛው በተባለው መሠረት ቢወስድም፣ የሥራ ሰዓት እንደደረሰ ተነግሮት ደብዳቤው ሳይሰጥ እንደቀረ ተገልጿል፡፡

- Advertisement -

ጠበቆች ደንበኞቻቸው ፍርድ ቤት መቅረብ ሲገባቸው ለሦስተኛ ጊዜ አለመቅረባቸውንና የወንጀል ምርመራ ቢሮ ኃላፊውም በፍርድ ቤቱ ትዕዛዝ መሠረት ሊቀርቡ አለመቻላቸውን በማስረዳት፣ የፌዴራል ፖሊስ ተቋም ዋና ኃላፊ ኮሚሽነር ጄኔራሉ ቀርበው ምክንያቱን እንዲያስረዱ ትዕዛዝ እንዲሰጥላቸው አመልክተዋል፡፡

ፍርድ ቤቱ ግን ትዕዛዙን የያዘው ደብዳቤ በአግባቡ ሳይደርስ ኮሚሽነር ጄኔራሉ እንዲቀርቡ ትዕዛዝ መስጠት ተገቢ አለመሆኑን በማስታወቅ፣ ቀደም ብሎ ትዕዛዝ ተሰጥቷቸው የነበሩ የወንጀል ምርመራ ቢሮ ኃላፊው ከአሥር ቀናት በኋላ ሚያዝያ 4 ቀን 2011 ዓ.ም. ቀርበው እንዲያስረዱ ትዕዛዝ ሰጥቷል፡፡    

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የንብረት ማስመለስ ረቂቅ አዋጅና የሚስተጋቡ ሥጋቶች

ከሰሞኑ ለሕዝብ ተወካዮች ምክር ቤት የቀረበው የንብረት ማስመለስ ረቂቅ...

የመጨረሻ የተባለው የንግድ ምክር ቤቱ ምርጫና የሚኒስቴሩ ውሳኔ

በአገር አቀፍ ደረጃ ደረጃ የንግድ ኅብረተሰቡን በመወከል የሚጠቀሰው የኢትዮጵያ...

ሚስጥሩ!

ጉዞ ከካዛንቺስ ወደ ስድስት ኪሎ፡፡ የጥንቶቹ አራዶች መናኸሪያ ወዘናዋ...