Friday, June 21, 2024
- Advertisement -
- Advertisement -
ዜናእነ አቶ በረከት ስምዖን የዋስትና ጥያቄ ማቅረብ እንደሚችሉ ፍርድ ቤት አስታወቀ

እነ አቶ በረከት ስምዖን የዋስትና ጥያቄ ማቅረብ እንደሚችሉ ፍርድ ቤት አስታወቀ

ቀን:

የባህር ዳርና አካባቢው የጊዜ ቀጠሮ ፍርድ ቤት የምርመራ መዝገቡን ዘግቶታል

የአማራ ክልል የሥነ ምግባርና ፀረ ሙስና ኮሚሽን ከጥረት ኮርፖሬት ኩባያዎች ጋር በተገናኘ በከባድ የሙስና ወንጀል ጠርጥሬያቸዋለሁ በማለት በቁጥጥር ሥር ያዋላቸውና በእስር ላይ ያሉት አቶ በረከት ስምዖንና አቶ ታደሰ ካሳ፣ የዋስትና ጥያቄ ማቅረብ እንደሚችሉ ጉዳዩን እየመረመረው ያለው የባህር ዳርና አካባቢው ከፍተኛ ፍርድ ቤት ዓርብ መጋቢት 20 ቀን 2011 ዓ.ም. አስታወቀ፡፡

የባህር ዳርና አካባቢ ከፍተኛ ፍርድ ቤት አንደኛ ወንጀል ችሎት ተጠርጣሪዎቹ የዋስትና መብት ጥያቄ ማቅረብ እንደሚችሉ ያስታወቀው፣ የኮሚሽኑ ዓቃቤ ሕግ ከመርማሪ ቡድኑ የተረከበውን የምርመራ መዝገብ መዝጋቱን ከገለጸ በኋላ ነው፡፡

የኮሚሽኑ ዓቃቤ ሕግ የምርመራ መዝገቡን ከመርማሪ ቡድኑ መረከቡን ገልጾ፣ ለክስ መመሥረቻ የ15 ቀናት ጊዜ እንዲፈቀድለት አቅርቧል፡፡ ተጨማሪ ቀናት የጠየቀውም ዓቃቤ ሕግ ከ600 ገጽ በላይ የሰነድ ማስረጃዎችንና ከ35 ገጽ በላይ የሙያ ማብራሪያ ማሰባሰቡን በመጠቆም፣ አደራጅቶ ክስ ለመመሥረት በቂ ጊዜ ስለሚያስፈልገው መሆኑን አስረድቷል፡፡

አቶ በረከትና አቶ ታደሰ ለፍርድ ቤቱ ባቀረቡት የተቃውሞ አቤቱታ እንደተናገሩት፣ እነሱ በእስር ከቆዩበት ጊዜ አንፃር የዓቃቤ ሕግ ጥያቄ ተገቢ አይደለም፡፡ በቤተሰቦቻቸውና በእነሱም ላይ ዛቻና ማስፈራሪያ እየደረሰባቸው መሆኑንም ተናግረዋል፡፡ ካለባቸው የደኅንነት ሥጋት አኳያ ጉዳያቸው ከባህር ዳር ውጪ ባለ ፍርድ ቤት እንዲታይላቸውም ፍርድ ቤቱን ጠይቀዋል፡፡ እንግልት እንደየደረሰባቸውና እነሱም ያሳወቁ ቢሆንም፣ የክልሉ መንግሥት ምላሽ አለመስጠቱ እንዳሳዘናቸውም አክለዋል፡፡

የግራ ቀኙን ክርክር የሰማው ፍርድ ቤት ከተነጋገረ በኋላ ዓቃቤ ሕግ ከወሰደው ጊዜ አንፃር ክስ መሥርቶ መቅረብ ይችል እንደነበር ጠቁሞ፣ ክሱን በፈለገ ጊዜ ማቅረብ እንደሚችል በመንገር መዝገቡን መዝጋቱን ነግሮታል፡፡ ተጠርጣሪዎቹም የዋስትና መብት ጥያቄ ማቅረብ እንደሚችሉ በመንገር የዕለቱ ችሎት አብቅቷል፡፡

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የንብረት ማስመለስ ረቂቅ አዋጅና የሚስተጋቡ ሥጋቶች

ከሰሞኑ ለሕዝብ ተወካዮች ምክር ቤት የቀረበው የንብረት ማስመለስ ረቂቅ...

የመጨረሻ የተባለው የንግድ ምክር ቤቱ ምርጫና የሚኒስቴሩ ውሳኔ

በአገር አቀፍ ደረጃ ደረጃ የንግድ ኅብረተሰቡን በመወከል የሚጠቀሰው የኢትዮጵያ...

ሚስጥሩ!

ጉዞ ከካዛንቺስ ወደ ስድስት ኪሎ፡፡ የጥንቶቹ አራዶች መናኸሪያ ወዘናዋ...