Thursday, June 20, 2024
- Advertisement -
- Advertisement -

ዜናየሪፍት ቫሊ ዩኒቨርሲቲ ባለቤት የ11.3 ሚሊዮን ብር የፍትሐ ብሔር ክስ ተመሠረተባቸው

የሪፍት ቫሊ ዩኒቨርሲቲ ባለቤት የ11.3 ሚሊዮን ብር የፍትሐ ብሔር ክስ ተመሠረተባቸው

ቀን:

ከግል ከፍተኛ የትምህርት ተቋማት አንዱ የሆነው የሪፍት ቫሊ ዩኒቨርሲቲ ባለቤት፣ የ11.3 ሚሊዮን ብር ዕዳ የፍትሐ ብሔር ክስ ተመሠረተባቸው፡፡

ከትምህርት ዘርፍ በተጨማሪ በተለያዩ የኢንቨስትመንት ሥራዎች ላይ ተሰማርተው የሚገኙት፣ የዩኒቨርሲቲው ባለቤት አቶ ድንቁ ደያሳ የተከሰሱት፣ በፌዴራል ከፍተኛ ፍርድ ቤት ልደታ ምድብ 21ኛ ፍትሐ ብሔር ችሎት ነው፡፡

አቶ ድንቁ ክሱ የተመሠረተባቸው ናፍያድ ትሬዲንግ ኃላፊነቱ የተወሰነ የግል ማኅበር በሚል ድርጅት ስም ከከፈቱት ሒሳብ፣ አቶ አንተነህ ፈለቀ ለተባሉ ግለሰብ 11,395,000 ብር እንዲከፈል ለባንክ በመጻፋቸውና በተጠቀሰው ሒሳብ ውስጥ በቂ ስንቅ ባለመገኘቱ መሆኑን ክሱ ያስረዳል፡፡

- Advertisement -

ከሳሽ ክፍያውን እንዲፈጽሙላቸው በተደጋጋሚ ቢጠይቁም ሊከፍላቸው ባለመቻሉ፣ ሒሳቡ የተከፈተበት ወጋገን ባንክ አክሲዮን ማኅበር በማቅረብ እንዳስመቱበትም ክሱ ይጠቁማል፡፡ በመሆኑም አቶ ድንቁ ቼኩ በስማቸው የወጣ በመሆኑና በቼኩም ላይ የፈረሙት እሳቸው በመሆናቸው፣ ክፍያው እንዲፈጸም ክሱ መቅረቡን ሰነዱ ያስረዳል፡፡

ከሳሽ አቶ አንተነህ ክሱን ያቀረቡት በሰበር መዝገብ ቁጥር 57923 የፌዴራል ጠቅላይ ፍርድ ቤት ሰበር ሰሚ ችሎት በሰጠው አስገዳጅ ውሳኔ  መሠረት፣ አቶ ድንቁ በቼኩ ላይ በመፈረማቸው ከማኅበሩ ጋር በአንድነትና በተናጠል ኃላፊነት ያለባቸው በመሆኑ እንደሆነም ክሱ ያስረዳል፡፡

ክሱ የቀረበለት የፌዴራል ከፍተኛ ፍርድ ቤት 21ኛ ፍትሐ ብሔር ችሎትም፣ ተከሳሹ ሚያዝያ 30 ቀን 2011 ዓ.ም. ፍርድ ቤት እንዲቀርቡ ትዕዛዝ ሰጥቷል፡፡ በቂ ስንቅ የሌለው ቼክ የወንጀል ኃላፊነትን የሚያስከትል ከመሆኑ ጋር ተያይዞ፣ ግለሰቡ ቀርበው ቃላቸውን እንዲሰጡ የፌዴራል የመጀመርያ ደረጃ ፍርድ ቤት ቦሌ ምድብ ሁለተኛ ወንጀል ችሎትም ለቦሌ ክፍለ ከተማ ፖሊስ መምርያ ትዕዛዝ መስጠቱን ማረጋገጥ ተችሏል፡፡   

spot_img
- Advertisement -

ይመዝገቡ

spot_img

ተዛማጅ ጽሑፎች
ተዛማጅ

የንብረት ማስመለስ ረቂቅ አዋጅና የሚስተጋቡ ሥጋቶች

ከሰሞኑ ለሕዝብ ተወካዮች ምክር ቤት የቀረበው የንብረት ማስመለስ ረቂቅ...

የመጨረሻ የተባለው የንግድ ምክር ቤቱ ምርጫና የሚኒስቴሩ ውሳኔ

በአገር አቀፍ ደረጃ ደረጃ የንግድ ኅብረተሰቡን በመወከል የሚጠቀሰው የኢትዮጵያ...

ሚስጥሩ!

ጉዞ ከካዛንቺስ ወደ ስድስት ኪሎ፡፡ የጥንቶቹ አራዶች መናኸሪያ ወዘናዋ...